കേരളത്തിൽ സ്വർണ വിലയിൽ ഇന്ന് ഇടിവ് രേഖപ്പെടുത്തി. പവന് 80 രൂപ കുറഞ്ഞ് 37280 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 4660 രൂപയാണ് ഇന്നത്തെ നിരക്ക്. സെപ്റ്റംബർ 24ന് രേഖപ്പെടുത്തിയ പവന് 36720 രൂപയാണ് കേരളത്തിൽ സ്വർണത്തിന് കഴിഞ്ഞ രണ്ടര മാസത്തിനിടയിൽ രേഖപ്പെടുത്തിയ ഏറ്റവും കുറഞ്ഞ വില.
ഇന്ത്യൻ വിപണി
ഇന്ന് ഇന്ത്യൻ വിപണികളിൽ സ്വർണ്ണത്തിന്റെയും വെള്ളിയുടെയും വില ഇടിഞ്ഞു. എംസിഎക്സിലെ ഡിസംബറിലെ സ്വർണ്ണ ഫ്യൂച്ചർ 10 ഗ്രാമിന് 0.06 ശതമാനം ഇടിഞ്ഞ് 50,305 രൂപയിലെത്തി. സിൽവർ ഫ്യൂച്ചേഴ്സ് 0.25 ശതമാനം ഉയർന്ന് കിലോയ്ക്ക് 60,055 രൂപയിലെത്തി. കഴിഞ്ഞ സെഷനിൽ സ്വർണം 0.6 ശതമാനം ഇടിഞ്ഞപ്പോൾ വെള്ളി 4 ശതമാനം അഥവാ 2,500 രൂപ ഇടിഞ്ഞിരുന്നു. ഓഗസ്റ്റ് 7ന് സ്വർണ വില ഏറ്റവും ഉയർന്ന നിരക്കായ 56,200 രൂപ വരെ എത്തിയിരുന്നു. ഓഗസ്റ്റിലെ ഏറ്റവും ഉയർന്ന നിരക്കായ 80,000 ഡോളറിൽ നിന്നാണ് വെള്ളി വില കുത്തനെ കുറഞ്ഞത്.
കേരളത്തിൽ സ്വർണ വില വീണ്ടും ഉയരങ്ങളിലേയ്ക്ക്, പവന് വീണ്ടും 37000 കടന്നു
ആഗോള വിപണി
ആഗോള വിപണികളിൽ, സ്വർണ്ണ വിലയിൽ ഇന്ന് കാര്യമായ മാറ്റമൊന്നും സംഭവിച്ചിട്ടില്ല. സ്പോട്ട് സ്വർണം ഔൺസിന് 1,884.67 ഡോളറാണ് നിരക്ക്. വിലയേറിയ മറ്റ് ലോഹങ്ങളിൽ വെള്ളി വില ഔൺസിന് 0.2 ശതമാനം ഉയർന്ന് 23.25 ഡോളറായും പ്ലാറ്റിനം 0.4 ശതമാനം ഉയർന്ന് 891.95 ഡോളറായും പല്ലേഡിയം 0.2 ശതമാനം ഉയർന്ന് 2,309.07 ഡോളറായും ഉയർന്നു.
കേരളത്തിൽ സ്വർണ വില ഇന്ന് നേരിയ വർദ്ധനവ്, എങ്കിലും വില 37000ന് താഴെ
സ്വാധീനിക്കുന്ന ഘടകങ്ങൾ
യുഎസ് ഉത്തേജക പദ്ധതി, ഇയു-യുകെ ബ്രെക്സിറ്റ് ചർച്ചകൾ, പ്രധാന സമ്പദ്വ്യവസ്ഥകളിൽ നിന്നുള്ള സാമ്പത്തിക റിപ്പോർട്ട് എന്നിവ പോലുള്ള നിരവധി ഘടകങ്ങൾ സ്വർണ വിലെ സ്വാധീനിക്കുന്നുണ്ട്. വെള്ളി വില സമീപകാലത്തെ ഏറ്റവും താഴ്ന്ന നിലയിൽ നിന്ന് ഉയർന്നു. ചൈനയിലും ആഗോളതലത്തിലും വ്യാവസായിക പ്രവർത്തനങ്ങൾ വർദ്ധിക്കുന്നതിനിടയിൽ വ്യാവസായിക ആവശ്യകതയെക്കുറിച്ചുള്ള മെച്ചപ്പെട്ട കാഴ്ചപ്പാട് വൈറ്റ് മെറ്റലിന് ഗുണം ചെയ്തുവെന്ന് നിരീക്ഷകർ പറയുന്നു.
2021 അവസാനത്തോടെ സ്വർണ വില റെക്കോർഡിലേയ്ക്ക്, 68,000 രൂപ വരെ ഉയരാൻ സാധ്യത
വിലയിടിവ്
ഇന്ത്യൻ വിപണിയിൽ സ്വർണം ഈ ആഴ്ച ആദ്യം 49,500 രൂപയ്ക്ക് താഴെ എത്തിയിരുന്നു. എന്നാൽ യുഎസ് ഡോളർ സൂചിക സമീപകാലത്തെ ഏറ്റവും ഉയർന്ന നിരക്കുകളിൽ നിന്ന് പിന്നോട്ട് പോയതിനാൽ വീണ്ടും സ്വർണ വില ഉയരാൻ സാധ്യതയുണ്ട്. പണപ്പെരുപ്പത്തിനും കറൻസി മൂല്യത്തകർച്ചയ്ക്കും എതിരായ ഒരു വേലിയായിട്ടാണ് സ്വർണ്ണത്തെ കാണുന്നത്. അടുത്തിടെയുള്ള വില ഇടിവുകൾക്കിടയിലും ഈ വർഷം ഇതുവരെ സ്വർണ വില 24% നേട്ടമുണ്ടാക്കി.