കേരളത്തിൽ ഇന്ന് സ്വർണ വില ഇടിഞ്ഞു. പവന് 80 രൂപ കുറഞ്ഞ് 38080 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 4760 രൂപയാണ് ഇന്നത്തെ സ്വർണ വില. നവംബറിലെ ഏറ്റവും കുറഞ്ഞ വില പവന് 37680 രൂപയാണ്. നവംബർ 10നാണ് ഈ വിലയ്ക്ക് വ്യാപാരം നടന്നത്. നവംബറിലെ ഏറ്റവും ഉയർന്ന വില നവംബർ 9ന് രേഖപ്പെടുത്തിയ 38880 രൂപയാണ്.
ആഭ്യന്തര വിപണി
കഴിഞ്ഞയാഴ്ച്ച എംസിഎക്സിൽ കുത്തനെ ഇടിഞ്ഞ സ്വർണ വില ഇന്ന് ഉയർന്നു. എംസിഎക്സിൽ ഡിസംബർ സ്വർണ ഫ്യൂച്ചർ നിരക്ക് 10 ഗ്രാമിന് 0.05 ശതമാനം ഉയർന്ന് 50,856 രൂപയിലെത്തി. വെള്ളി ഫ്യൂച്ചറുകൾ കിലോയ്ക്ക് 63,700 രൂപയായി. കഴിഞ്ഞ ദിവസം സ്വർണ്ണ വില 0.2 ശതമാനം കുറഞ്ഞിരുന്നു. കഴിഞ്ഞയാഴ്ച എംസിഎക്സിലെ സ്വർണ്ണ വില കിലോയ്ക്ക് 1,200 രൂപ കുറഞ്ഞിരുന്നു.
സ്വർണ വില എത്ര കൂടിയാലും, മലയാളികൾ സ്വർണം വാങ്ങും; എന്നാൽ ഇനി സ്വർണ വില എങ്ങോട്ട്?
ആഗോള വിപണി
വിദേശ വിപണികളിലും സമാനമായ പ്രവണതയാണ് ഉണ്ടായത്. കൊവിഡ് വാക്സിൻ ഉടൻ എത്തുമെന്ന ശുഭാപ്തി വിശ്വാസം സ്വർണ്ണ വിലയിൽ സമ്മർദ്ദം ചെലുത്തിയിരുന്നു. ആഗോള വിപണിയിൽ സ്വർണ്ണ വിലയിൽ ഇന്ന് മാറ്റമില്ല. യുഎസിലെയും യൂറോപ്പിലെയും കൊറോണ വൈറസ് കേസുകൾ വർദ്ധിക്കുന്നത് സംബന്ധിച്ച ആശങ്കകൾ വാക്സിനേഷൻ ശുഭാപ്തിവിശ്വാസത്തിൽ നിന്നുള്ള സമ്മർദ്ദം നികത്തി.
ദീപാവലിയ്ക്ക് ഡിജിറ്റൽ സ്വർണം വാങ്ങുന്നുണ്ടോ? കാശ് മുടക്കും മുമ്പ് അറിയേണ്ട പ്രധാന കാര്യങ്ങൾ
മറ്റ് ലോഹങ്ങളുടെ വില
വിലയേറിയ മറ്റ് ലോഹങ്ങളിൽ വെള്ളി വില ഔൺസിന് 0.1 ശതമാനം കുറഞ്ഞ് 24.74 ഡോളറായി. പ്ലാറ്റിനം വ്യാപാരം 925.50 ഡോളർ എന്ന നിലയിലാണ്. പല്ലേഡിയം 0.4 ശതമാനം ഇടിഞ്ഞ് 2,323.30 ഡോളറിലെത്തി. ഡോളർ സൂചിക 0.17 ശതമാനം ഇടിഞ്ഞ് 92.477 ആയി.
ഇന്ന് സ്വർണ വില ഉയർന്നു; ഈ ആഴ്ച്ച കുറഞ്ഞത് 2000 രൂപ, വെള്ളി വിലയിലും വർദ്ധനവ്
കൊറോണ വാക്സിനും സ്വർണ വിലയും
മോഡേണ വാക്സിൻ ഫലങ്ങൾ റിപ്പോർട്ട് ചെയ്തതിനെത്തുടർന്ന് എസ് ആന്റ് പി 500 എക്കാലത്തെയും ഉയർന്ന നിലയിൽ ക്ലോസ് ചെയ്തതോടെ യുഎസ് ഫ്യൂച്ചേഴ്സ് പിന്നോട്ട് പോയി. മോഡേണ കോവിഡ് വാക്സിൻ ഫലത്തിനുശേഷം ആഗോള വിപണിയിൽ സ്വർണ വില തിങ്കളാഴ്ച 1.3 ശതമാനം ഇടിഞ്ഞിരുന്നു.