ഇന്ത്യയിലെ സ്വർണവില റെക്കോർഡിലേക്ക്: 24K സ്വർണം പവന് 90,000 രൂപയ്ക്ക് അരികിൽ, വെള്ളി വിലയും നേട്ടത്തിൽ

അമേരിക്കയിൽ നടക്കാനിരിക്കുന്ന പ്രധാന സാമ്പത്തിക സംഭവങ്ങൾക്ക് മുന്നോടിയായി, ഇന്ത്യയിൽ ഇന്ന് സ്വർണ വിലയിൽ വമ്പൻ മുന്നേറ്റം. ഇന്ന് സ്വർണ വില സർവ്വകാല റെക്കോർഡിലെത്തി. അമേരിക്കയുടെ കേന്ദ്ര ബാങ്കായ ഫെഡറൽ റിസർവ് അടിസ്ഥാന പലിശ നിരക്ക് വെട്ടിക്കുറച്ചതോടെയാണ് ഈ സ്വർണ വിലയിലെ കുതിപ്പ്.

രാജ്യാന്തര വിലയിലെ ചലനങ്ങളാണ് ഇന്ത്യയിലെ സ്വർണത്തിലും പ്രതിഫലിക്കുന്നത്. യുഎസ് ഫെഡ് തുടർച്ചയായ രണ്ട് തവണ കൂടി പലിശ നിരക്ക് കുറക്കുമെന്നാണ് പ്രഖ്യാപിച്ചിരിക്കുന്നത്. അതിനാൽ ഇന്ത്യയിലെ സ്വർണ വില ഇതിലും കൂടുതൽ ഉയരാനുള്ള സാധ്യതയും വളരെ കൂടുതലാണ്.

ഇന്ത്യയിൽ ഉത്സവ സീസൺ എത്താറായി, ഇത് സ്വർണം വാങ്ങുന്നവർക്ക് ആശങ്കയുമുണ്ടാക്കുന്നുണ്ട്. കാരണം ഈ വിലക്കയറ്റത്തിൽ സ്വർണം വാങ്ങുന്നത് അത്ര എളുപ്പമല്ല. എങ്കിലും ഈ സമയത്ത് ഇന്ത്യയിലെ സ്വർണ വിപണി കൂടുതൽ സജീവമാവും. വൈകാതെ തന്നെ സ്വർണ വില 1 ലക്ഷത്തിലേക്കും എത്തും.

ഇന്ത്യയിലെ ഇന്നത്തെ സ്വർണ വില

24 കാരറ്റ് സ്വർണം ഗ്രാമിന് 82 രൂപ ഉയർന്ന് 11,215 രൂപയിലെത്തി. ഒരു പവൻ്റെ വില 656 രൂപ ഉയർന്ന് 89,720 രൂപയിലെത്തി. 10 ഗ്രാമിന്റെ വില 820 രൂപ ഉയർന്ന് 1,12,150 രൂപയിലെത്തി. 100 ഗ്രാം സ്വർണത്തിന്റെ വില 8,200 രൂപ ഉയർന്ന് 11,21,500 രൂപയായി.

22 കാരറ്റ് സ്വർണം ഒരു ഗ്രാമിൻ്റെ വില 75 രൂപ ഉയർന്ന് 10,280 രൂപയായി. ഒരു പവൻ്റെ വില 600 രൂപ ഉയർന്ന് 82,240 രൂപയായി. 10 ഗ്രാമിൻ്റെ വില 750 രൂപ ഉയർന്ന് 1,02,800 രൂപയായി. 100 ഗ്രാമിന്റെ വില 7,500 രൂപ ഉയർന്ന് 10,28,000 രൂപയായി.

18 കാരറ്റ് സ്വർണം ഒരു ഗ്രാമിന് വില 61 രൂപ ഉയർന്ന് 8411 രൂപയായി. ഒരു പവന് 488 രൂപ ഉയർന്ന് 67,288 രൂപയായി. 10 ഗ്രാമിന് 610 രൂപ ഉയർന്ന് 84,110 രൂപയും, 100 ഗ്രാമിന് 6,100 രൂപ ഉയർന്ന് 8,41,100 രൂപയുമായി ഉയർന്നു.

ഇന്നത്തെ വെള്ളി വിലനിലവാരം

ഇന്ത്യയിൽ വെള്ളി വില ഇന്നലെ ഗ്രാമിന് 133 രൂപയിലായിരുന്നു, എന്നാൽ അത് ഇന്ന് 135 രൂപയായി വർദ്ധിച്ചു. അതായത്, ഒരു കിലോഗ്രാം വെള്ളിയുടെ വില ഇന്നലത്തെ 1,33,000 രൂപയിൽ നിന്ന് 1,35,000 രൂപയിലേക്ക് ഉയർന്നിരിക്കുന്നു.

എംസിഎക്സ് സ്വർണം

എംസിഎക്സ് (മൾട്ടി കമ്മോഡിറ്റി എക്സ്ചേഞ്ച്) സ്വർണ വില എക്കാലത്തെയും ഉയർന്ന നിലവാരത്തിൽ തുടരുകയാണെന്ന് വേ2വെൽത്ത് ബ്രോക്കേഴ്‌സിലെ ഗവേഷണ വിശകലന വിദഗ്ദ്ധനായ അഭിഷേക് എം. പെലു വ്യക്തമാക്കുന്നു. കഴിഞ്ഞ മൂന്ന് വ്യാപാര സെഷനുകളിൽ സ്വർണ വിലയിൽ ഇടിവുണ്ടായെങ്കിലും, വിപണിയിൽ വലിയൊരു ബലഹീനതയുടെ സൂചനകളൊന്നും കാണുന്നില്ല.

കഴിഞ്ഞ ഒരു മാസത്തിനിടെ സ്വർണ വിലയിൽ വലിയ കുതിപ്പുണ്ടായതിനാൽ ചില തിരുത്തലുകൾ ഉണ്ടാകാൻ സാധ്യതയുണ്ട്. അതിനാൽ, ദീർഘകാല നിക്ഷേപകർക്ക് ഇപ്പോൾ ഭാഗികമായി ലാഭം പിൻവലിക്കുന്നത് നല്ലതായിരിക്കും.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.