ഇന്ത്യയിൽ സ്വർണത്തിന് റെക്കോർഡ് മുന്നേറ്റം: 24K സ്വർണം പവന് 90,000 കടന്നു- ഉടൻ 1.5 ലക്ഷം കടന്നേക്കും

ഇന്ത്യയിൽ ജിഎസ്ടി നിരക്കുകൾ പരിഷ്കരിച്ച ഇന്ന് സെപ്റ്റംബർ 22ന് സ്വർണ വില കുതിച്ചുയരുന്നു. വിവിധ മേഖലകളിൽ ജിഎസ്ടി നിരക്ക് കുറച്ചിട്ടും സ്വർണം വെള്ളി ലോഹങ്ങളുടെ ആഭരണങ്ങളുടെ ജിഎസ്ടിയിൽ കുറവില്ല. ഓരോ ദിവസവും സ്വർണം റെക്കോർഡ് കുതിപ്പിലേക്കാണ് ഉയരുന്നത്. രാജ്യാന്തര വിലയിലെ കുതിപ്പാണ് ഇന്ത്യയിലെ സ്വർണ വിലയെയും ബാധിക്കുന്നത്.

ഇന്ത്യയിൽ സ്വർണ വില കുതിക്കുന്നത് സാധാരണക്കാരുടെ സ്വർണ മോഹങ്ങൾക്ക് തടസ്സമാവുന്നു. സർവ്വകാല റെക്കോർഡ് കുതിപ്പിലാണ് ഇന്നത്തെ സ്വർണ വില ഉയർന്നിരിക്കുന്നത്. 24 കാരറ്റ് സ്വർണം പവന് ഇന്ന് ആദ്യമായി 90,000 രൂപ കടന്നിരിക്കുന്നു. ഇത് ആഭരണ വിലയിലും വമ്പൻ കുതിപ്പുണ്ടാക്കുന്നു.

ഇന്ത്യയിലെ ഇന്നത്തെ സ്വർണ വില

24 കാരറ്റ് സ്വർണം ഗ്രാമിന് 43 രൂപ ഉയർന്ന് 11,258 രൂപയിലെത്തി. ഒരു പവൻ്റെ വില 344 രൂപ ഉയർന്ന് 90,064 രൂപയിലെത്തി. 10 ഗ്രാമിന്റെ വില 430 രൂപ ഉയർന്ന് 1,12,580 രൂപയിലെത്തി. 100 ഗ്രാം സ്വർണത്തിന്റെ വില 4,300 രൂപ ഉയർന്ന് 11,25,800 രൂപയായി.

22 കാരറ്റ് സ്വർണം ഒരു ഗ്രാമിൻ്റെ വില 40 രൂപ ഉയർന്ന് 10,320 രൂപയായി. ഒരു പവൻ്റെ വില 320 രൂപ ഉയർന്ന് 82,560 രൂപയായി. 10 ഗ്രാമിൻ്റെ വില 400 രൂപ ഉയർന്ന് 1,03,200 രൂപയായി. 100 ഗ്രാമിന്റെ വില 4,000 രൂപ ഉയർന്ന് 10,32,000 രൂപയായി.

18 കാരറ്റ് സ്വർണം ഒരു ഗ്രാമിന് വില 33 രൂപ ഉയർന്ന് 8444 രൂപയായി. ഒരു പവന് 264 രൂപ ഉയർന്ന് 67,552 രൂപയായി. 10 ഗ്രാമിന് 330 രൂപ ഉയർന്ന് 84,440 രൂപയും, 100 ഗ്രാമിന് 3,300 രൂപ ഉയർന്ന് 8,44,400 രൂപയുമായി ഉയർന്നു.

ഇന്നത്തെ വെള്ളി വിലനിലവാരം

സംസ്ഥാനത്ത് വെള്ളി വിലയിൽ ഇന്ന് വർധനവ് രേഖപ്പെടുത്തി. കഴിഞ്ഞ ദിവസത്തെ അപേക്ഷിച്ച് ഗ്രാമിന് 3 രൂപയുടെ വർധനവാണ് ഉണ്ടായിരിക്കുന്നത്. ഇന്നലെ ഒരു ഗ്രാം വെള്ളിക്ക് 135 രൂപയും ഒരു കിലോഗ്രാമിന് 1,35,000 രൂപയുമായിരുന്നു. ഇന്ന് ഒരു കിലോഗ്രാം വെള്ളിക്ക് 3,000 രൂപയുടെ വർധനവാണ് ഉണ്ടായിരിക്കുന്നത്.

എംസിഎക്സ് സ്വർണം

എംസിഎക്സ് സ്വർണം എക്കാലത്തെയും ഉയർന്ന നിലവാരത്തിന് അടുത്തെത്തി. സാങ്കേതികമായി വിലയിരുത്തുമ്പോൾ, സ്വർണത്തിന്റെ മുന്നോട്ടുള്ള കുതിപ്പിനുള്ള സൂചനകളാണ് ഇപ്പോൾ കാണാൻ സാധിക്കുന്നത്. കഴിഞ്ഞ വെള്ളിയാഴ്ചത്തെ വ്യാപാരം അനുസരിച്ച് നോക്കിയാൽ വിലയിൽ ഒരു ചെറിയ ഇടിവ് സംഭവിച്ചെങ്കിലും, 10 ദിവസത്തെ ഇഎംഎ സപ്പോർട്ട് നിലവാരത്തിൽ നിന്ന് ശക്തമായി തിരികെ കയറി.

വിപണിയിലെ ഓരോ ചെറിയ വിലയിടിവും സ്വർണം വാങ്ങാനുള്ള അവസരമായി നിക്ഷേപകർ ഉപയോഗിക്കുന്നതാണ് നിലവിൽ കാണാൻ സാധിക്കുന്നത്.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.