ഇന്ത്യയിലെ സ്വർണ വിലയിൽ ഇടിവ്: 22K, 24K സ്വർണം 100 ​ഗ്രാമിന് 1,000 രൂപയിലധികം കുറഞ്ഞു, ഇന്ന് വാങ്ങുന്നോ?

സ്വർണ വിലയിൽ നേരിയ മാറ്റമുണ്ട്. കത്തിക്കയറിയ വിലക്കയറ്റത്തിനിടയിലാണ് ഇന്നത്തെ മാറ്റം. ആ​ഗോള തലത്തിലെ മാറ്റങ്ങളാണ് സ്വർണ വിലയെ സ്വാധീനിക്കുന്നത്. പ്രധാനമായും യുഎസിൻ്റെ കേന്ദ്ര ബാങ്കായ ഫെഡറൽ റിസർവ് പലിശ നിരക്ക് കുറക്കുമെന്ന സൂചനകളാണ് സ്വർണ വിലക്ക് കരുത്താവുന്നത്. ഇത് ഇന്ത്യയിലെ വിലയിലും പ്രതിഫലിക്കുന്നുണ്ട്. എന്നാൽ യുഎസ് തൊഴിൽ ഡാറ്റ പുറത്ത് വന്നതോടെയാണ് ഇന്ന് സ്വർണ വിലയിലെ ഈ ഇടിവിന് കാരണമായത്.

ഇന്ത്യയുടെ പാരമ്പര്യം അനുസരിച്ച് മഞ്ഞലോഹത്തിന് ഏറെ പ്രാധാന്യമുണ്ട്. വിവാഹം പോലുള്ള ആഘോഷങ്ങളിൽ സ്വർണാഭരണങ്ങൾ ഉപയോഗിക്കുന്നതും കൂടുതലാണ്. രാജ്യാന്തര വിലയിലെ ചാഞ്ചാട്ടങ്ങളാണ് ആഭ്യന്തര വിലയിൽ പ്രകടമായ ചലനങ്ങൾക്ക് കാരണമാവുന്നത്. 

ഇന്നത്തെ സ്വർണ വില

ഇന്ന് ഇന്ത്യയിൽ 24 കാരറ്റ് സ്വർണം ഗ്രാമിന് 10,838 രൂപയിലാണ് വ്യാപാരം നടത്തുന്നത്. കഴിഞ്ഞ ദിവസത്തെ 10,849 രൂപയിൽ നിന്ന് 11 രൂപ കുറഞ്ഞിട്ടുണ്ട്. ഒരു പവൻ്റെ വില 88 രൂപ കുറഞ്ഞ് 86,704 രൂപയിലെത്തി. 10 ഗ്രാമിന്റെ വില 110 രൂപ കുറഞ്ഞ് 1,08,380 രൂപയിലെത്തി. എന്നാൽ 100 ഗ്രാം സ്വർണത്തിന്റെ വില 10,83,800 രൂപയായി.

22 കാരറ്റ് സ്വർണം ഒരു ഗ്രാമിൻ്റെ വില 10 രൂപ കുറഞ്ഞ് 9,935 രൂപയായി. ഒരു പവൻ്റെ വില 80 രൂപ കുറഞ്ഞ് 79,560 രൂപയിൽ നിന്ന് 79,480 രൂപയായി. 10 ​ഗ്രാമിൻ്റെ വില 100 രൂപ കുറഞ്ഞ് 99,350 രൂപയായി. 100 ഗ്രാമിന്റെ വില 1,000 രൂപ കുറഞ്ഞ് 9,93,500 രൂപയായി.

ഇന്ന് ഇന്ത്യയിൽ 18 കാരറ്റ് സ്വർണത്തിന്റെ വിലയിലും കുറവുണ്ട്. ഒരു ഗ്രാമിന് വില 8,129 രൂപയായി, 8 രൂപയാണ് ഇന്ന് കുറഞ്ഞത്. ഒരു പവന് 65,032 രൂപയായി, അതായത് ഇന്ന് 64 രൂപ കുറഞ്ഞു. 10 ഗ്രാമിന് 81,290 രൂപയും, 100 ഗ്രാമിന് 8,12,900 രൂപയുമായി കുറഞ്ഞിട്ടുണ്ട്.

സ്വർണത്തിന്റെയും വെള്ളിയുടെയും വിലയിലെ മാറ്റം

"അന്താരാഷ്ട്ര ഓഹരി വിപണിയിൽ ഇന്ന് സ്വർണത്തിന്റെയും വെള്ളിയുടെയും വിലയിൽ നേരിയ ഇടിവാണ് രേഖപ്പെടുത്തിയിരിക്കുന്നത്. ഇന്ന് സ്വർണ വിലയിൽ വലിയ കുതിപ്പ് പ്രതീക്ഷിച്ചെങ്കിലും ദുർബലമായ യുഎസ് തൊഴിൽ റിപ്പോർട്ടാണ് ഇന്നത്തെ ഇടിവിന് കാരണം." നിർമ്മൽ ബാംഗ് സെക്യൂരിറ്റീസിന്റെ ഗവേഷണ വിശകലന വിദഗ്ധർ അഭിപ്രായപ്പെട്ടു.

സ്വർണ വില സാധാരണക്കാരെ ബാധിക്കുമോ?

സ്വർണ വില പ്രത്യേകിച്ചും 22 കാരറ്റ് സ്വർണ വിലയിൽ നേരിയ ഇടിവുണ്ട്. സാധാരണയായി എല്ലാവരും 22 കാരറ്റ് ആഭരണങ്ങളാണ് ധരിക്കാൻ ഇഷ്ടപ്പെടുന്നത്. കാരണം അതിനാണ് കൂടുതൽ പരിശുദ്ധിയുള്ളത്. എന്നാൽ നിലവിലെ സാഹചര്യം ആളുകളെ മാറിച്ചിന്തിക്കാൻ പ്രേരിപ്പിക്കുന്നു. 18 കാരറ്റ്, 14 കാരറ്റ്, 9 കാരറ്റ് ആഭരണങ്ങൾക്ക് പ്രിയമേറാനും ഇത് വഴിയൊരുക്കും.