ഇന്ത്യയിൽ സ്വർണ വില റെക്കോർഡ് കുതിപ്പിൽ, 24K സ്വർണം ​ഗ്രാമിന് 11,000 രൂപക്ക് മുകളിലെത്തി

സ്വർണം അതിൻ്റെ ഏറ്റവും വലിയ കുതിപ്പിലേക്കാണ് മുന്നേറുന്നത്. ഇന്ത്യയിൽ ഇന്നത്തെ സ്വർണ വില വീണ്ടും റെക്കോർഡ് ഭേദിച്ച് മുന്നേറുന്നു. 24 കാരറ്റ് സ്വർണം പവന് 175.20 രൂപയാണ് ഇന്ന് ഉയർന്നത്. സ്വർണ വില കുതിക്കുന്നുണ്ടെങ്കിലും ഇന്ത്യൻ വിപണിയിൽ സ്വർണത്തിൻ്റെ ഡിമാൻഡ് കുറയുന്നില്ല എന്നതാണ് സത്യം. ഉയർന്ന വില കൊടുത്തും സ്വർണം വാങ്ങാൻ ആളുകൾ തയ്യാറാവുന്നു. പക്ഷേ സാധാരണക്കാരന് ഇതെല്ലാം വെറും സ്വപ്നമായി മാറിയേക്കാം.

രാജ്യാന്തര വിപണിയിൽ സംഭവിക്കുന്ന മാറ്റങ്ങളാണ് സ്വർണക്കുതിപ്പിന് കാരണമാവുന്നത്. ഇന്ന് 22 കാരറ്റിൻ്റെ ഒരു പവൻ ആഭരണം വാങ്ങാൻ പോലും 1 ലക്ഷം രൂപക്ക് അരികിൽ കരുതേണ്ടി വരും. രാജ്യാന്തര വിപണിയിൽ പ്രത്യേകിച്ച് യുഎസിൻ്റെ കേന്ദ്ര ബാങ്ക് അടിസ്ഥാന പലിശ നിരക്ക് വെട്ടിക്കുറക്കുമെന്ന പ്രഖ്യാപനമാണ് സ്വർണ വിലക്കയറ്റത്തിൻ്റെ പ്രധാന കാരണം.

ഇന്ത്യയിലെ ഇന്നത്തെ സ്വർണ വില

ഇന്നും ഇന്ത്യയിൽ സ്വർണ വില പുത്തൻ റെക്കോർഡ് സൃഷ്ടിച്ചിരിക്കുന്നു. 22K, 24K സ്വർണത്തിൻ്റെ വില കുതിക്കുന്നതിനാൽ ആളുകൾ ചിലപ്പോൾ പരിശുദ്ധി കുറഞ്ഞ ആഭരണങ്ങൾ തിരഞ്ഞെടുക്കാൻ സാധ്യതയുണ്ട്. ഇന്നത്തെ സ്വർണ വില നിരക്കുകൾ വിശദമായി അറിയാം;

24 കാരറ്റ് സ്വർണം ഗ്രാമിന് 21.90 രൂപ ഉയർന്ന് 11,051 രൂപയിലെത്തി. ഒരു പവൻ്റെ വില 175.20 രൂപ ഉയർന്ന് 88,407.20 രൂപയിലെത്തി. 10 ഗ്രാമിന്റെ വില 219 രൂപ ഉയർന്ന് 1,10,509 രൂപയിലെത്തി. 100 ഗ്രാം സ്വർണത്തിന്റെ വില 2,190 രൂപ ഉയർന്ന് 11,05,090 രൂപയായി.

22 കാരറ്റ് സ്വർണം ഒരു ഗ്രാമിൻ്റെ വില 20 രൂപ ഉയർന്ന് 10,130 രൂപയായി. ഒരു പവൻ്റെ വില 160 രൂപ ഉയർന്ന് 81,040 രൂപയായി. 10 ഗ്രാമിൻ്റെ വില 200 രൂപ ഉയർന്ന് 1,01,300 രൂപയായി. 100 ഗ്രാമിന്റെ വില 2,000 രൂപ ഉയർന്ന് 10,13,000 രൂപയായി.

18 കാരറ്റ് സ്വർണം ഒരു ഗ്രാമിന് വില 16 രൂപ ഉയർന്ന് 8288 രൂപയായി. ഒരു പവന് 128 രൂപ ഉയർന്ന് 66,304 രൂപയായി. 10 ഗ്രാമിന് 160 രൂപ ഉയർന്ന് 82,880 രൂപയും, 100 ഗ്രാമിന് 1,600 രൂപ ഉയർന്ന് 8,28,800 രൂപയുമായി ഉയർന്നിട്ടുണ്ട്.

ഇന്ത്യയിലെ വെള്ളി നിരക്ക്

ഇന്ത്യയിൽ വെള്ളിയുടെ വില ഇന്ന് കിലോഗ്രാമിന് 1,30,000 രൂപയിലും ഗ്രാമിന് 130 രൂപയിലും സ്ഥിരത പുലർത്തുന്നു. വെള്ളി വിലയിലും കുതിപ്പ് തുടരുന്നു. 

സ്പോട്ട് സ്വർണ വില

ഇന്ന് രാജ്യാന്തര വിപണിയിലും വില കുതിക്കുന്നുണ്ട്. ഇന്ന് രാവിലെ നേരിയ ഇടിവുണ്ടായെങ്കിലും ഇപ്പോൾ പോസിറ്റീവ് കുതിപ്പുണ്ടായിട്ടുണ്ട്. ഇന്ന് സ്പോട്ട് സ്വർണ വില 3,644.3 ഡോളറിലെത്തി.