കേരളത്തിലെ ഇന്നത്തെ സ്വർണ വില; വില ഇനി കൂടുമോ കുറയുമോ?

ഇന്ത്യൻ വിപണി

കഴിഞ്ഞ സെഷനിൽ കുത്തനെ ഇടിഞ്ഞതിനെ തുടർന്ന് സ്വർണത്തിന്റെയും വെള്ളിയുടെയും വില ഇന്ന് ഇന്ത്യൻ വിപണിയിൽ ഉയർന്നു. എം‌സി‌എക്‌സിൽ ഒക്‌ടോബർ സ്വർണ്ണ ഫ്യൂച്ചറുകൾ 10 ഗ്രാമിന് 0.23 ശതമാനം ഉയർന്ന് 50,940 രൂപയിലെത്തി. കഴിഞ്ഞ സെഷനിൽ സ്വർണ്ണ ഫ്യൂച്ചേഴ്സ് 10 ഗ്രാമിന് 650 രൂപ ഇടിഞ്ഞ് രണ്ടാം ദിവസത്തെ നഷ്ടം രേഖപ്പെടുത്തിയിരുന്നു. വെള്ളി വില കിലോയ്ക്ക് 2650 രൂപ കുറഞ്ഞു. ഇന്ത്യയിലെ സ്വർണ വില കഴിഞ്ഞ മാസം ഏറ്റവും ഉയർന്ന നിരക്കായ 56,200 രൂപയിലെത്തിയിരുന്നു.

ആഗോള വിപണി

കഴിഞ്ഞ സെഷനിൽ 1.4 ശതമാനം ഇടിവിന് ശേഷം ആഗോള വിപണിയിൽ ഇന്ന് സ്വർണ വിലയിൽ കാര്യമായ മാറ്റമില്ല. സ്പോട്ട് സ്വർണ വില ഔൺസിന് 0.1 ശതമാനം ഉയർന്ന് 1,944.58 ഡോളറിലെത്തി. ഇത് ആഗോള സാമ്പത്തിക വീണ്ടെടുക്കലിനെക്കുറിച്ചുള്ള ആശങ്കകളാൽ സ്ഥിരമാണ്. ബുധനാഴ്ച പുറത്തുവിട്ട ഡാറ്റയിൽ യുഎസ് സ്വകാര്യ തൊഴിലുടമകൾ ഓഗസ്റ്റിൽ പ്രതീക്ഷിച്ചതിലും കുറവ് തൊഴിലാളികളെയാണ് നിയമിച്ചിട്ടുള്ളത്. ഇത് തൊഴിൽ വിപണി വീണ്ടെടുക്കൽ മന്ദഗതിയിലാണെന്ന സൂചന നൽകുന്നതാണ്.

സോവറിൻ ഗോൾഡ് ബോണ്ട് ആറാം ഘട്ട വിൽപ്പന തിങ്കളാഴ്ച്ച മുതൽ, ഇഷ്യു വില ഗ്രാമിന് 5,117 രൂപ

മറ്റ് ലോഹങ്ങൾ

വിലയേറിയ മറ്റ് ലോഹങ്ങളിൽ സിൽവർ ഔൺസിന് 0.1 ശതമാനം ഇടിഞ്ഞ് 27.48 ഡോളറിലും പ്ലാറ്റിനം 0.1 ശതമാനം ഉയർന്ന് 906.69 ഡോളറിലും പല്ലേഡിയം 0.3 ശതമാനം ഇടിഞ്ഞ് 2,241.10 ഡോളറിലും എത്തി. ശക്തമായ യുഎസ് ഡോളർ സ്വർണ വിലയിൽ സമ്മർദ്ദം ചെലുത്തി. ഡോളർ സൂചിക 92,852 ആയി ഉയർന്നു, ഇത് മറ്റ് കറൻസികൾ കൈവശമുള്ളവർക്ക് സ്വർണ്ണം വിലയേറിയതാക്കുന്നു.

കേരളത്തിൽ സ്വർണ വില ഇന്നും കുറഞ്ഞു, ഈ മാസത്തെ ഏറ്റവും കുറഞ്ഞ വില ഇന്ന്

സുരക്ഷിത നിക്ഷേപം

രാഷ്ട്രീയവും സാമ്പത്തികവുമായ അനിശ്ചിതത്വത്തിൽ സുരക്ഷിത നിക്ഷേപമായാണ് സ്വർണത്തെ ഉപയോഗിക്കുന്നത്. യു‌എസിന്റെ അധിക ഉത്തേജനത്തിന്റെ സാധ്യത സ്വർണ്ണത്തെ പിന്തുണയ്ക്കുന്ന ഘടകമാണ്.

ഗോൾഡ് vs മ്യൂച്വൽ ഫണ്ട്: മഹാമാരി സമയത്ത് നിങ്ങൾ നിക്ഷേപിക്കേണ്ടത് എവിടെ?