കേരളത്തിൽ സ്വർണ വില ഇന്ന് വീണ്ടും ഉയർന്നു. പവന് 80 രൂപ ഉയർന്ന് 37360 രൂപയ്ക്കാണ് ഇന്ന് സ്വർണ വ്യാപാരം നടക്കുന്നത്. ഒരു ഗ്രാമിന് 4670 രൂപയാണ് ഇന്നത്തെ നിരക്ക്. ഈ മാസത്തെ ഏറ്റവും ഉയർന്ന വില ഡിസംബർ 21ന് രേഖപ്പെടുത്തിയ 37680 രൂപയാണ്. ഡിസംബറിലെ ഏറ്റവും കുറഞ്ഞ സ്വർണ വില ഡിസംബർ ഒന്നിന് രേഖപ്പെടുത്തിയ പവന് 35920 രൂപയാണ്.
ഇന്ത്യൻ വിപണി
ഇന്ത്യൻ വിപണിയിൽ ഇന്ന് സ്വർണ വില ഇടിഞ്ഞു. വെള്ളി വില ഉയർന്നു. എംസിഎക്സിൽ ഫെബ്രുവരിയിൽ സ്വർണ്ണ ഫ്യൂച്ചറുകൾ 10 ഗ്രാമിന് 0.16 ശതമാനം കുറഞ്ഞ് 50,070 രൂപയിലെത്തി. കഴിഞ്ഞ അഞ്ച് ദിവസത്തിനുള്ളിൽ നാലാമത്തെ തവണയും സ്വർണ വില കുറഞ്ഞു. വെള്ളി വില കിലോയ്ക്ക് 0.1 ശതമാനം ഉയർന്ന് 67,641 രൂപയിലെത്തി. ഓഗസ്റ്റിലെ ഏറ്റവും ഉയർന്ന നിരക്കായ 56,200 രൂപയേക്കാൾ സ്വർണ വില വളരെ കുറവാണ്. എംസിഎക്സിൽ ബുധനാഴ്ച സ്വർണം 50,149 രൂപയിലും വെള്ളി 67,576 രൂപയിലുമാണ് ക്ലോസ് ചെയ്തത്.
കേരളത്തിൽ സ്വർണ വില ഇന്ന് കുത്തനെ മുകളിലേയ്ക്ക്, ഡിസംബറിലെ ഏറ്റവും ഉയർന്ന വില
അന്താരാഷ്ട്ര വിപണി
അന്താരാഷ്ട്ര വിപണികളിൽ വ്യാഴാഴ്ച സ്വർണ വിലയിൽ കാര്യമായ മാറ്റമില്ല. കഴിഞ്ഞ സെഷനിൽ ഒരു ശതമാനം വരെ ഉയർന്ന സ്പോട്ട് സ്വർണ വില ഔൺസിന് 1,872.60 ഡോളറായിരുന്നു. എന്നാൽ ഇന്ന് യുഎസ് സ്വർണ്ണ ഫ്യൂച്ചർ 0.1 ശതമാനം ഇടിഞ്ഞ് 1,877.00 ഡോളറിലെത്തി. വെള്ളി വില ഒരു ശതമാനം ഉയർന്ന് ഔൺസിന് 25.38 ഡോളറിലെത്തി.
കഴിഞ്ഞ ഒരു വർഷം
ഈ വർഷം സ്വർണ വില 23 ശതമാനത്തിലധികം ഉയർന്നു. 2019ലെ ഇരട്ട അക്ക നേട്ടത്തിനുശേഷം, തുടർച്ചയായ രണ്ടാം വർഷമാണ് സ്വർണം വീണ്ടും ഇരട്ട അക്ക നേട്ടം കൈവരിക്കുന്നത്. മാർച്ച് പകുതി മുതൽ കൊവിഡ് 19 ആഗോള തലത്തിൽ ശ്രദ്ധയാകർഷിച്ചപ്പോൾ സ്വർണ്ണ വിലയിൽ വലിയ മുന്നേറ്റം ഉണ്ടായി. ഓഗസ്റ്റിൽ സ്വർണ വില എംസിഎക്സിലെ എക്കാലത്തെയും ഉയർന്ന നിരക്കായ 56,200 രൂപയിലെത്തി.
ഉല്പാദന ചെലവ് ഉയരുന്നു; 2021 ജനുവരിയില് കാറുകളുടെ വില വര്ദ്ധിപ്പിക്കാനൊരുങ്ങി എംജി മോട്ടർ