തുടർച്ചയായ നാലാം ദിവസവും സ്വർണ വില കുത്തനെ ഉയർന്നു; ഇന്നത്തെ വില അറിയാം

ഇന്ത്യയിൽ സ്വർണ്ണ വില ഇന്നും ഉയർന്നു, തുടർച്ചയായ നാലാം ദിവസമാണ് വില കുത്തനെ ഉയരുന്നത്. എം‌സി‌എക്‌സിൽ, ജൂണിലെ സ്വർണ ഫ്യൂച്ചർ വില 10 ഗ്രാമിന് 0.12 ശതമാനം ഉയർന്ന് 46,582 രൂപയിലെത്തി. കഴിഞ്ഞ മൂന്ന് സെഷനുകളിൽ 10 ഗ്രാമിന് 1,300 രൂപയായിരുന്നു സ്വർണ വില. സ്വർണം മാത്രമല്ല, വെള്ളി ഫ്യൂച്ചറുകളും ഇന്ന് ഉയർന്നു. എംസിഎക്‌സിന്റെ വെള്ളി മെയ് ഫ്യൂച്ചറുകൾ കിലോയ്ക്ക് 0.66 ശതമാനം ഉയർന്ന് 42,330 രൂപയിലെത്തി. ഈ മാസം ആദ്യം സ്വർണ വില 10 ഗ്രാമിന് 47,327 രൂപയിലെത്തിയിരുന്നു.

ആഗോള വിപണി

ഓഹരി വിപണിയിലെ ഇടിവിനെ തുടർന്ന് ആഗോള വിപണിയിൽ ഇന്ന് സ്വർണ്ണ വില ഇടിഞ്ഞു. എന്നാൽ കൂടുതൽ സാമ്പത്തിക ഉത്തേജക നടപടികൾ പ്രതീക്ഷിക്കുന്നതിനാൽ നഷ്ടം നികത്തി. സ്‌പോട്ട് സ്വർണം 0.3 ശതമാനം കുറഞ്ഞ് 1,722.49 ഡോളറിലെത്തി. വിലയേറിയ മറ്റ് ലോഹങ്ങളിൽ പ്ലാറ്റിനം 0.8 ശതമാനം ഉയർന്ന് 766.04 ഡോളറായും വെള്ളി വില 15.24 ഡോളറിലുമെത്തി.

സ്വർണ നിക്ഷേപം

കൊറോണ വൈറസ് പ്രതിസന്ധിയുടെ പശ്ചാത്തലത്തിൽ ആഗോള സാമ്പത്തിക മാന്ദ്യം ഉണ്ടാകുമെന്ന ഭയം നിരവധി നിക്ഷേപകരെ സ്വർണ്ണത്തിൽ നിക്ഷേപം നടത്താൻ പ്രേരിപ്പിച്ചു. ലോകത്തിലെ ഏറ്റവും വലിയ സ്വർണ്ണ പിന്തുണയുള്ള എക്‌സ്‌ചേഞ്ച് ട്രേഡഡ് ഫണ്ടായ എസ്‌പി‌ഡി‌ആർ ഗോൾഡ് ട്രസ്റ്റിന്റെ ഓഹരികൾ വെള്ളിയാഴ്ച 1,042.46 ടണ്ണിൽ നിന്ന് 0.6 ശതമാനം ഉയർന്ന് 1,048.31 ടണ്ണായി.

വില വർദ്ധനവ്

ബാങ്ക് ഓഫ് ജപ്പാൻ (BOJ) കൂടുതൽ ഉത്തേജക നടപടികൾ പ്രഖ്യാപിക്കുമെന്ന പ്രതീക്ഷയിൽ ഏഷ്യൻ ഇക്വിറ്റി മാർക്കറ്റുകൾ ഉറച്ചുനിന്നു. ഡോളർ പ്രധാന എതിരാളികൾക്കെതിരെ മൂന്നാഴ്ചത്തെ ഏറ്റവും ഉയർന്ന നിരക്കിലെത്തി. ഇന്ത്യയിൽ കഴിഞ്ഞ ഒരു വർഷത്തിനിടെ സ്വർണ വില 40 ശതമാനത്തിലധികം ഉയർന്നു. പണപ്പെരുപ്പത്തിനെതിരായ ഒരു മികച്ച നിക്ഷേപമാണ് സ്വർണം.

കേരളത്തിലെ സ്വർണ വില

കേരളത്തിൽ ഒരു പവൻ സ്വർണത്തിന് 34,000 രൂപയാണ് ഇന്നത്തെ സ്വർണ നിരക്ക്. ഗ്രാമിന് 4,250 രൂപയാണ് വില. കഴിഞ്ഞ മൂന്ന് ദിവസവും ഇതേ വിലയ്ക്ക് തന്നെയാണ് വ്യാപാരം നടന്നത്. ഈ മാസം ഇതുവരെ സ്വർണ വില പവന് 2,400 രൂപ ഉയർന്നു.