പുതുവ‍‍ർഷം സ്വർണ വിലയിൽ വ‍‍ർദ്ധനവ്, കേരളത്തിലെ ഇന്നത്തെ സ്വ‌ർണ വില

കേരളത്തിൽ ഇന്ന് സ്വ‍ർണ വിലയിൽ വ‍ർദ്ധനവ്. പവന് 80 രൂപ വ‍‍ർദ്ധിച്ച് 37440 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഒരു ഗ്രാമിന് 4680 രൂപയാണ് സ്വർണ വില. കഴിഞ്ഞ മൂന്ന് ദിവസവും ഒരേ വിലയ്ക്കാണ് സംസ്ഥാനത്ത് സ്വർണ വ്യാപാരം നടന്നത്. 37360 രൂപയായിരുന്നു ഇന്നലെ വരെ കേരളത്തിലെ സ്വ‍ർണ വില.

എംസിഎക്സിലെ സ്വ‍ർണ വില

പുതുവത്സരത്തിന്റെ ആദ്യ ദിവസം എംസിഎക്സിൽ സ്വർണ്ണം, വെള്ളി വിലകൾ ഉയർന്നു. എം‌സി‌എക്‌സിലെ സ്വർണ്ണ ഫ്യൂച്ച‍ർ നിരക്ക് 10 ഗ്രാമിന് 0.09 ശതമാനം ഉയർന്ന് 50,198 രൂപയായി. വെള്ളി വില 0.14 ശതമാനം ഉയർന്ന് 68,200 രൂപയിലെത്തി. ഇന്ത്യൻ വിപണികളിൽ, സ്വർണ്ണവും വെള്ളിയും 2020 ൽ ശക്തമായ വാർഷിക നേട്ടം രേഖപ്പെടുത്തി. ആഭ്യന്തര സ്വർണ വില 2020ൽ 27 ശതമാനവും വെള്ളി വില 50 ശതമാനവും ഉയർന്നു.

കേരളത്തിൽ സ്വർണ വില ഡിസംബറിലെ ഉയർന്ന നിരക്കിൽ നിന്ന് കുത്തനെ താഴേയ്ക്ക് കേരളത്തിൽ സ്വർണ വില ഡിസംബറിലെ ഉയർന്ന നിരക്കിൽ നിന്ന് കുത്തനെ താഴേയ്ക്ക്

ആഗോള വിപണി

ആഗോള വിപണികളിൽ, 2020 ൽ സ്വർണ വില 25% ഉയർന്നു. കേന്ദ്ര ബാങ്കുകളുടെയും സർക്കാരുകളുടെയും സാമ്പത്തിക ഉത്തേജത്തിനും ഡോളറിന്റെ ഇടിവിനും ഇടയിൽ സ്വർണം ഒരു ദശകത്തിനിടെ ഏറ്റവും വലിയ വാർഷിക നേട്ടം രേഖപ്പെടുത്തി. ഇന്ന് സ്വർണ വില 0.2 ശതമാനം വർധിച്ച് ഔൺസിന് 1,898.36 ഡോളറിലെത്തി.

ജനുവരി ഒന്ന് മുതൽ സ്കോഡ കാറുകൾക്കും വില ഉയരും, 2.5 ശതമാനം വരെ വർദ്ധനവ് ജനുവരി ഒന്ന് മുതൽ സ്കോഡ കാറുകൾക്കും വില ഉയരും, 2.5 ശതമാനം വരെ വർദ്ധനവ്

മറ്റ് ലോഹങ്ങളുടെ വില വ‍ർദ്ധനവ്

കൊവിഡ് വാക്സിനുകൾ എത്തിയതോടെ ഓഗസ്റ്റിലെ റെക്കോർഡ് ഉയരത്തിൽ നിന്ന് സ്വർണ വില കുത്തനെ ഇടിഞ്ഞു. എന്നാൽ ഡോളറിന്റെ തുടർച്ചയായ ബലഹീനത വർഷാവസാനം സ്വർണത്തെ പിന്തുണയ്ക്കാൻ സഹായിച്ചു. മറ്റ് വിലയേറിയ ലോഹങ്ങളിൽ, വ്യാവസായിക ആവശ്യകതയെക്കുറിച്ചുള്ള ശുഭാപ്തിവിശ്വാസത്തിനിടയിൽ സ്‌പോട്ട് വെള്ളി വില 48% വാർഷിക നേട്ടം കൈവരിച്ചു. പല്ലേഡിയം തുടർച്ചയായ അഞ്ചാം വാർഷിക നേട്ടം കൈവരിച്ചു. 2020 ൽ 26% വർദ്ധനവാണ് പല്ലേ‍ഡിയം കൈവരിച്ചത്. പ്ലാറ്റിനം വില 11% ഉയർന്നു.

ടിവിയുടെയും മറ്റ് ഇലക്ട്രോണിക് ഉപകരണങ്ങളുടെയും വില ജനുവരി മുതൽ 10% വരെ ഉയരും ടിവിയുടെയും മറ്റ് ഇലക്ട്രോണിക് ഉപകരണങ്ങളുടെയും വില ജനുവരി മുതൽ 10% വരെ ഉയരും