കേരളത്തിൽ സ്വ‍ർണ വില ഇന്ന് കുത്തനെ മുകളിലേയ്ക്ക്, ഡിസംബറിലെ ഏറ്റവും ഉയ‍ർന്ന വില

കേരളത്തിൽ ഇന്ന് സ്വർണ വില കുതിച്ചുയർന്നു. പവന് 240 രൂപ വർദ്ധിച്ച് 37440 രൂപയാണ് ഇന്നത്തെ സ്വർണ വില. ഒരു ഗ്രാമിന് 4710 രൂപയാണ് ഇന്നത്തെ നിരക്ക്. ഈ മാസത്തെ ഏറ്റവും ഉയ‍ർന്ന വിലയാണ് ഇന്ന് രേഖപ്പെടുത്തിയിരിക്കുന്നത്. ഡിസംബറിലെ ഏറ്റവും കുറഞ്ഞ സ്വ‍‍ർണ വില ഡിസംബ‍ർ ഒന്നിന് രേഖപ്പെടുത്തിയ പവന് 35920 രൂപയാണ്.

ഇന്ത്യൻ വിപണി

ഇന്ത്യൻ വിപണികളിൽ സ്വർണ്ണത്തിന്റെയും വെള്ളിയുടെയും വില ഇന്ന് ഉയർന്നു. എം‌സി‌എക്‌സിൽ ഫെബ്രുവരി സ്വർണ്ണ ഫ്യൂച്ചറുകൾ 10 ഗ്രാമിന് 0.75 ശതമാനം ഉയർന്ന് 50,678 രൂപയിലെത്തി. വെള്ളി ഫ്യൂച്ചറുകൾ കിലോഗ്രാമിന് 3 ശതമാനം അഥവാ 2,000 രൂപ ഉയ‍ർന്ന് 69,874 രൂപയിലെത്തി.

കേരളത്തിൽ സ്വർണ്ണ വില ഇന്ന് കുത്തനെ ഉയർന്നു, ഇന്നത്തെ സ്വർണ നിരക്ക് അറിയാം കേരളത്തിൽ സ്വർണ്ണ വില ഇന്ന് കുത്തനെ ഉയർന്നു, ഇന്നത്തെ സ്വർണ നിരക്ക് അറിയാം

ആഗോള വിപണി

ആഗോള വിപണികളിൽ, യു‌എസിലെ നിയമനിർമ്മാതാക്കൾ 900 ബില്യൺ ഡോളർ കൊവിഡ്-19 സാമ്പത്തിക ദുരിതാശ്വാസ പാക്കേജിന് സമ്മതിച്ചതിനെത്തുടർന്ന് സ്വർണ്ണ നിരക്ക് ഉയർന്നു. സ്‌പോട്ട് സ്വർണ വില 0.4 ശതമാനം ഉയർന്ന് 1,888.76 ഡോളറിലെത്തി. വെള്ളി വില 0.9 ശതമാനം ഉയർന്ന് ഔൺസിന് 26.01 ഡോളറിലെത്തി. പ്ലാറ്റിനം നിരക്ക് 0.1 ശതമാനം ഉയർന്ന് 1,036.75 ഡോളറിലും പല്ലേഡിയം 0.1 ശതമാനം ഇടിഞ്ഞ് 2,358.71 ഡോളറിലുമെത്തി.

ഹീറോ മോട്ടോകോർപ്പ് വാഹനങ്ങൾക്ക് ജനുവരി മുതൽ വില ഉയരും ഹീറോ മോട്ടോകോർപ്പ് വാഹനങ്ങൾക്ക് ജനുവരി മുതൽ വില ഉയരും

ഡിസ്കൗണ്ട്

ആഭ്യന്തര വിലയിലുണ്ടായ വ‍‍ർദ്ധനവിനെ തുട‍ർന്ന് ആറ് ആഴ്ചയ്ക്കിടെ ആദ്യമായി ഇന്ത്യയിൽ ഭൗതിക സ്വർണം ഡിസ്കൗണ്ടിൽ വിറ്റു. ഔദ്യോഗിക ആഭ്യന്തര വിലയേക്കാൾ ഡീലർമാർ ഈ ആഴ്ച ഒരു ഔൺസിന് ഒരു ‍ഡോള‍ർ വരെ കിഴിവ് വാഗ്ദാനം ചെയ്യുന്നുണ്ടെന്നാണ് വിവരം.ഇന്ത്യയിലെ സ്വർണ്ണ വിലയിൽ ഇറക്കുമതി നികുതിയും 3% ജിഎസ്ടിയും ഉൾപ്പെടുന്നു.

കേരളത്തിൽ സ്വ‍ർണ വില വീണ്ടും 37000 കടന്നു, ഇന്നത്തെ സ്വ‍ർണ നിരക്ക് അറിയാം കേരളത്തിൽ സ്വ‍ർണ വില വീണ്ടും 37000 കടന്നു, ഇന്നത്തെ സ്വ‍ർണ നിരക്ക് അറിയാം

കഴിഞ്ഞ മാസം

സ്വർണത്തിന്റെയും വെള്ളിയുടെയും ആഭരണ വിൽപ്പനയുടെ ശരാശരി ഒക്ടോബറിനെ അപേക്ഷിച്ച് നവംബറിൽ 16 ശതമാനം ഉയർന്നിരുന്നു. ആഭരണ വിൽപ്പന തുകയുടെ കാര്യത്തിൽ 16% വർധനയുണ്ടായി. സ്റ്റാർട്ടപ്പ് ഒക്രെഡിറ്റ് ശേഖരിച്ച കണക്കുകൾ പ്രകാരം സ്വർണ്ണ ആഭരണ വിൽപ്പനയുടെ തൂക്കം കഴിഞ്ഞ വർഷത്തെ ഉത്സവ സീസണിനെ അപേക്ഷിച്ച് 70% കുറഞ്ഞിരുന്നു