കേരളത്തിൽ സ്വർണ വില ഇന്ന് കുത്തനെ ഉയർന്നു, ഡിസംബറിലെ ഏറ്റവും ഉയർന്ന വില

കേരളത്തിൽ ഇന്ന് സ്വർണ വില കുതിച്ചുയർന്നു. പവന് 320 രൂപ വർദ്ധിച്ച് 37440 രൂപയാണ് ഇന്നത്തെ സ്വർണ വില. ഒരു ​ഗ്രാമിന് 4690 രൂപയാണ് ഇന്നത്തെ നിരക്ക്. ഈ മാസത്തെ ഏറ്റവും ഉയ‍ർന്ന വിലയാണ് ഇന്ന് രേഖപ്പെടുത്തിയിരിക്കുന്നത്. ഡിസംബറിലെ ഏറ്റവും കുറഞ്ഞ സ്വ‍‍ർണ വില ഡിസംബ‍ർ ഒന്നിന് രേഖപ്പെടുത്തിയ പവന് 35920 രൂപയാണ്.

ആഭ്യന്തര വില

അടുത്തിടെയുണ്ടായ ഉയർച്ചയ്ക്ക് ശേഷം സ്വർണ്ണത്തിന്റെയും വെള്ളിയുടെയും വില ഇന്ന് ഇടിഞ്ഞു. എം‌സി‌എക്‌സിൽ ഫെബ്രുവരി സ്വർണ്ണ ഫ്യൂച്ചർ നിരക്ക് 10 ഗ്രാമിന് 0.24 ശതമാനം ഇടിഞ്ഞ് 50,270 രൂപയിലെത്തി. വെള്ളി നിരക്ക് 0.6 ശതമാനം കുറഞ്ഞ് കിലോയ്ക്ക് 67,882 രൂപയിലെത്തി. കഴിഞ്ഞ സെഷനിൽ സ്വർണ വില 10 ഗ്രാമിന് 1.5 ശതമാനം അഥവാ 750 രൂപ ഉയർന്ന് 50,346 രൂപയായി ഉയർന്നു. വെള്ളി വില കിലോയ്ക്ക് 3.5 ശതമാനം അഥവാ 2,300 രൂപ ഉയർന്നു.

വില കുറയാൻ കാരണം

യുഎസ് ഉത്തേജക ചർച്ചകളിലെ പുരോഗതിയും യുഎസ് ഡോളറിന്റെ ഇടിവും സ്വർണ വിലയുടെ സമീപകാലത്തെ കുതിച്ചുചാട്ടത്തിന് കാരണമായെന്ന് വിശകലന വിദഗ്ധർ പറയുന്നു. സമീപകാലത്തെ ഏറ്റവും താഴ്ന്ന നിലകളിൽ നിന്ന് സ്വർണ വില കുത്തനെ ഉയർന്നു.

ആഗോള വിപണി

ആഗോള വിപണിയിൽ, സമീപകാലത്തെ കുതിപ്പിന് ശേഷം ഇന്ന് സ്പോട്ട് സ്വർണ വില ഇടിഞ്ഞു. സ്പോട്ട് സ്വർണം ഔൺസിന് 0.2 ശതമാനം ഇടിഞ്ഞ് 1,881.65 ഡോളറിലെത്തി. വെള്ളി വില ഒരു ശതമാനം ഇടിഞ്ഞു. പ്ലാറ്റിനം നിരക്ക് 0.8 ശതമാനം ഇടിഞ്ഞ് 1,035.91 ഡോളറിലെത്തി.

ഇടിഎഫ് നിക്ഷേപം

നിക്ഷേപകരുടെ താൽപര്യം ദുർബലമായതോടെ ഇടിഎഫ് നിക്ഷേപത്തിൽ ഇടിവുണ്ടായി. ലോകത്തിലെ ഏറ്റവും വലിയ സ്വർണ്ണ പിന്തുണയുള്ള എക്‌സ്‌ചേഞ്ച്-ട്രേഡഡ് ഫണ്ടായ എസ്‌പി‌ഡി‌ആർ ഗോൾഡ് ട്രസ്റ്റിലെ ഓഹരികൾ 0.2 ശതമാനം ഇടിഞ്ഞ് 1,167.82 ടണ്ണായി.