Gold Rate Today: ഇന്ത്യയിൽ തുടർച്ചയായ വില വർദ്ധനവ്; ദീപാവലിക്ക് മുൻപ് സ്വർണ വില എവിടെയെത്തും?

സ്വർണ വില പെട്ടെന്നൊന്നും കുറയാനുള്ള സാധ്യത കാണുന്നില്ല. ഇന്ത്യയിൽ ഓരോ ദിവസവും വലിയ തോതിലാണ് സ്വർണ വില ഉയരുന്നത്. ഇത് നിക്ഷേപകർക്ക് നേട്ടം സൃഷ്ടിക്കുന്നുണ്ടെങ്കിലും ചില്ലറ വ്യാപാരികൾക്കും, സ്വർണം വാങ്ങുന്ന സാധാരണക്കാർക്കും കടുത്ത നിരാശയാണ്. എന്നാൽ സ്വർണ വില കുതിക്കുന്നുണ്ടെങ്കിലും ഇന്ത്യയിൽ ദീപാവലിയും, ധന്തേരാസും എത്തുമ്പോൾ സ്വർണത്തിൻ്റെ ഡിമാൻഡ് ഉയരാനുള്ള സാധ്യത കൂടുതലാണ്.

ഇന്ന് രാവിലെ കുതിച്ച സ്വർണ വില ഉച്ചയോടെ വീണ്ടും കത്തിക്കയറയിരിക്കുന്നു. ഇത് വിപണിയിലെ ഒരു പ്രധാന ട്രെൻഡായി മാറിയിരിക്കുന്നു. തുടർച്ചയായി ദിവസങ്ങളിലാണ് ഇത്തരത്തിൽ സ്വർണ വില അപ്രതീക്ഷിതമായി മാറുന്നുണ്ട്. 

രാജ്യാന്തര വിപണിയിലെ വിലക്കയറ്റമാണ് ഇന്ത്യൻ വിപണിയിലും സ്വർണത്തിന് ശക്തി നൽകുന്നത്. അമേരിക്കയിൽ അടിസ്ഥാന പലിശ നിരക്ക് വീണ്ടും കുറക്കുമെന്ന സൂചനകൾ ഉയരുന്നതാണ് നിലവിൽ സ്വർണ വില കത്തിക്കയറാനുള്ള വഴിയൊരുക്കുന്നത്. മാത്രമല്ല, യുഎസ്-ചൈന വ്യാപാര സംഘർഷങ്ങളെക്കുറിച്ചുള്ള ആശങ്കകൾ ഉയരുമ്പോൾ ആളുകൾ സ്വർണത്തെ സുരക്ഷിത നിക്ഷേപം എന്ന നിലയിൽ പരി​ഗണിക്കുന്നു. ഇതും വിലക്കയറ്റത്തിന് പ്രധാന കാരണമാണ്. അതിനാൽ വരും ദിവസങ്ങളിലും സ്വർണ വില ഉയരുമെന്നാണ് വിദ​ഗ്ധർ പറയുന്നത്.

ഇന്ത്യയിലെ ഇന്നത്തെ സ്വർണ വില

24 കാരറ്റ് സ്വർണം ഗ്രാമിന് 109 രൂപ ഉയർന്ന് 12,944 രൂപയിലെത്തി. ഒരു പവൻ്റെ വില 872 രൂപ ഉയർന്ന് 1,03,552 രൂപയിലെത്തി. 10 ഗ്രാമിന്റെ വില 1,090 രൂപ ഉയർന്ന് 1,29,440 രൂപയിലെത്തി. 100 ഗ്രാം സ്വർണത്തിന്റെ വില 10,900 രൂപ ഉയർന്ന് 12,94,400 രൂപയായി.

22 കാരറ്റ് സ്വർണം ഗ്രാമിന് 100 രൂപ ഉയർന്ന് 11,865 രൂപയിലെത്തി. ഒരു പവൻ്റെ വില 800 രൂപ ഉയർന്ന് 94,920 രൂപയിലെത്തി. 10 ഗ്രാമിന്റെ വില 1,000 രൂപ ഉയർന്ന് 1,18,650 രൂപയിലെത്തി. 100 ഗ്രാം സ്വർണത്തിന്റെ വില 10,000 രൂപ ഉയർന്ന് 11,86,500 രൂപയായി.

18 കാരറ്റ് സ്വർണം ഗ്രാമിന് 82 രൂപ ഉയർന്ന് 9,708 രൂപയിലെത്തി. ഒരു പവൻ്റെ വില 656 രൂപ ഉയർന്ന് 77,664 രൂപയിലെത്തി. 10 ഗ്രാമിന്റെ വില 820 രൂപ ഉയർന്ന് 97,080 രൂപയിലെത്തി. 100 ഗ്രാം സ്വർണത്തിന്റെ വില 8,200 രൂപ ഉയർന്ന് 9,70,800 രൂപയായി.

എംസിഎക്സ് സ്വർണം

മൾട്ടി കമ്മോഡിറ്റി എക്സ്ചേഞ്ചിൽ സ്വർണ ഫ്യൂച്ചറുകൾ വമ്പൻ നേട്ടത്തിലാണ്. ഇതോടെ നിക്ഷേപകർക്കും ആവേശമായി. ഡിസംബർ 5-ന് കാലാവധി പൂർത്തിയാകേണ്ട സ്വർണ ഫ്യൂച്ചറുകൾ 0.54% വർദ്ധനവോടെ 1,26,939 രൂപ എന്ന നിരക്കിലാണ് നിലവിൽ വ്യാപാരം നടക്കുന്നത്. സ്വർണത്തിന് മാത്രമല്ല, വെള്ളി ഫ്യൂച്ചറുകളും നേട്ടം തുടരുന്നു. ഡിസംബർ 5-ന് കാലാവധി പൂർത്തിയാകേണ്ട വെള്ളി ഫ്യൂച്ചറുകൾ ഇന്ന് 0.62% ഉയർന്ന് 1,60,620 രൂപയിലേക്കും ഉയർന്നു.

വെള്ളി വിലയിലും കുതിപ്പ്

ഇന്ത്യൻ വിപണിയിൽ വെള്ളി വില ഇന്നും പുതിയ റെക്കോർഡുകൾ സൃഷ്ടിക്കുന്നു. ഇന്നത്തെ നിരക്ക് പ്രകാരം ഒരു കിലോയ്ക്ക് 1,000 രൂപ വർദ്ധിച്ച് വില 1,90,000 രൂപ എന്ന നിരക്കിലെത്തി. 100 ഗ്രാം വെള്ളിയുടെ വിലയിൽ 100 രൂപ വർദ്ധിച്ച് വില 19,000 രൂപയായി ഉയർന്നു.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.