Gold Rate Today: ഇന്ത്യൻ വിപണിയിൽ സ്വർണത്തിന് വൻ തകർച്ച, ഒരാഴ്ച കൊണ്ട് 7% ഇടിവ്! വാങ്ങാൻ സമയമായോ?

ഇന്നലെ തുടർച്ചയായ രണ്ട് തവണ സ്വർണ വില ഇടിഞ്ഞതിനു ശേഷം ഇന്ന് വീണ്ടും ഇന്ത്യയിൽ സ്വർണ വില താഴേക്ക് വീഴുന്നു. ഇന്ത്യൻ വിപണിയിൽ സ്വർണ വില ഇടിയുന്നത് വാങ്ങുന്നവർക്ക് നേട്ടമാവുന്നു. റെക്കോർഡ് കുതിപ്പിലേക്ക് ഉയർന്ന ശേഷമാണ് ഇന്ത്യയിൽ സ്വർണ വില കുത്തനെ ഇടിഞ്ഞത്.

കഴിഞ്ഞ ഏഴ് ദിവസത്തിനുള്ളിൽ, ഇന്ത്യയിൽ സ്വർണ വില റെക്കോർഡ് ഉയരത്തിൽ നിന്ന് 7% കുറഞ്ഞു. ഉത്സവ സീസണിൽ വൻ ഡിമാൻഡ് ഉണ്ടായിരുന്നിട്ടും സ്വർണ വില കുറഞ്ഞുകൊണ്ടിരിക്കുന്നു. ആ​ഗോള വിപണിയിലെ മാറ്റങ്ങളാണ് സ്വർണ വിലയിലെ ഇടിവിനു പിന്നിൽ. ഈ വിലക്കുറവ് തുടർന്നാൽ ആഭരണപ്രേമികൾക്ക് സ്വർണം വാങ്ങാനുള്ള പ്രതീക്ഷയും ഉയരും.

യുഎസ്-ചൈന വ്യാപാര യുദ്ധം അവസാനിച്ചത് സ്വർണ വിലയെ ദുർബലമാക്കിയിട്ടുണ്ട്. മാത്രമല്ല ഡോളർ മൂല്യം ഉയർന്നതും സ്വർണ വിലക്ക് തിരിച്ചടിയായി. എന്നാൽ യുഎസ് ഫെഡറൽ റിസർവ് വീണ്ടും അടിസ്ഥാന പലിശ നിരക്ക് കുറക്കാൻ സാധ്യതയുണ്ട്. ഒരുപക്ഷേ ഇത് സംഭവിച്ചാൽ വീണ്ടും സ്വർണ വില ഉയരാൻ സാധ്യതയുണ്ട്.

ഇന്ത്യയിലെ ഇന്നത്തെ സ്വർണ വില

24 കാരറ്റ് സ്വർണം ഗ്രാമിന് 82 രൂപ കുറഞ്ഞ് 12,246 രൂപയിലെത്തി. ഒരു പവൻ്റെ വില 656 രൂപ കുറഞ്ഞ് 97,968 രൂപയിലെത്തി. 10 ഗ്രാമിന്റെ വില 820 രൂപ കുറഞ്ഞ് 1,22,460 രൂപയിലെത്തി. 100 ഗ്രാം സ്വർണത്തിന്റെ വില 8,200 രൂപ കുറഞ്ഞ് 12,24,600 രൂപയായി.

22 കാരറ്റ് സ്വർണം ഗ്രാമിന് 75 രൂപ കുറഞ്ഞ് 11,225 രൂപയിലെത്തി. ഒരു പവൻ്റെ വില 600 രൂപ കുറഞ്ഞ് 89,800 രൂപയിലെത്തി. 10 ഗ്രാമിന്റെ വില 750 രൂപ കുറഞ്ഞ് 1,12,250 രൂപയിലെത്തി. 100 ഗ്രാം സ്വർണത്തിന്റെ വില 7,500 രൂപ കുറഞ്ഞ് 11,22,500 രൂപയായി.

18 കാരറ്റ് സ്വർണം ഗ്രാമിന് 62 രൂപ കുറഞ്ഞ് 9,184 രൂപയിലെത്തി. ഒരു പവൻ്റെ വില 496 രൂപ കുറഞ്ഞ് 73,472 രൂപയിലെത്തി. 10 ഗ്രാമിന്റെ വില 620 രൂപ കുറഞ്ഞ് 91,840 രൂപയിലെത്തി. 100 ഗ്രാം സ്വർണത്തിന്റെ വില 6,200 രൂപ കുറഞ്ഞ് 9,18,400 രൂപയായി.

എംസിഎക്സ് സ്വർണം, വെള്ളി

മൾട്ടി കമ്മോഡിറ്റി എക്സ്ചേഞ്ചിൽ ഇന്ന് സ്വർണ വില നേട്ടത്തോടെ വ്യാപാരം നടക്കുന്നു. സ്വർണ ഫ്യൂച്ചേഴ്‌സ് 0.07% ഉയർന്ന് 10 ഗ്രാമിന് 1,21,043 രൂപ എന്ന നിലയിലാണുള്ളത്. ഇന്ന് വെള്ളി ഫ്യൂച്ചേഴ്‌സ് വിലയിലും മാറ്റം രേഖപ്പെടുത്തി. നിലവിൽ 0.06% ഉയർന്ന് കിലോഗ്രാമിന് 1,43,460 രൂപയിലെത്തിയിട്ടുണ്ട്.

വിപണി സാധ്യതകൾ

യുഎസ്-ചൈന വ്യാപാര യുദ്ധം അവസാനിപ്പിച്ചതോടെ സ്വർണത്തിൻ്റെ സുരക്ഷിത നിക്ഷേപപ്പെരുമ മങ്ങിയത് സ്വർണ വിലയിൽ വലിയ ഇടിവിന് കാരണമായി. ഇതോടെ രാജ്യാന്തര സ്വർണ വില ഔൺസിന് 2.5 ശതമാനലധികം കുറഞ്ഞ് 4,000 ഡോളറിൽ നിന്നും വീണു. കണക്ക് പ്രകാരം, എംസിഎക്‌സിൽ സ്വർണം ദുർബലമായി തുടരുന്നു. കഴിഞ്ഞ ദിവസത്തെ വ്യാപാര സെഷനിൽ, സ്വർണം 20-ദിവസത്തെ എക്സ്പോണൻഷ്യൽ മൂവിംഗ് ആവറേജ് (DEMA) ലൈനിന് താഴെയായി. ഇത് വിപണിയിലെ സമ്മർദ്ദത്തെ സൂചിപ്പിക്കുന്നു.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.