Gold Rate Today: ഇന്ത്യയിൽ സ്വർണ വില വീണ്ടും ഇടിഞ്ഞു! പിന്നിൽ ട്രംപിൻ്റെ രാഷ്ട്രീയ നീക്കങ്ങളോ?

ഇന്ത്യയിൽ സ്വർണ വില രണ്ടാം ദിനത്തിലും താഴേക്ക് ഇടിയുന്നു. ഈ വിലക്കുറവിന് കാരണം പ്രധാനമായും ഡോളറിൻ്റെ കുതിപ്പാണ്. മാത്രമല്ല, യുഎസിൻ്റെ കേന്ദ്ര ബാങ്കായ ഫെഡറൽ റിസർവ് അടിസ്ഥാന പലിശ നിരക്ക് ഉടൻ തന്നെ കുറക്കില്ലെന്ന പ്രഖ്യാപനവും സ്വർണ വിലയുടെ കുതിപ്പിന് തിരിച്ചടിയായി. ആ​ഗോള വിപണിയിൽ ചലനങ്ങൾ സംഭവിക്കുന്നത് ആഭ്യന്തര വിലയെയും ബാധിക്കാറുണ്ട്. ഇന്ത്യയിൽ ഇന്ന് സ്വർണ വില കുത്തനെ ഇടിഞ്ഞതോടെ സ്വർണം വാങ്ങാനുള്ള ആവശ്യക്കാരുടെ എണ്ണവും വർദ്ധിക്കുന്നുണ്ട്.

ഓരോ വിലക്കുറവും ആശ്വാസമേകുന്നത് ഇന്ത്യയിലെ സ്ത്രീകൾക്കാണ്. ഇനി വരാനിരിക്കുന്ന ഉത്സവ കാലത്തേക്കും, വിവാഹങ്ങൾക്കും മറ്റു ആഘോഷങ്ങൾക്കുമെല്ലാം സ്വർണാഭരണങ്ങൾ വാങ്ങുന്നത് ഇന്ത്യക്കാർക്ക് നിർബന്ധമാണ്. ഇന്ന് വില കുറഞ്ഞത് നേട്ടമാണെങ്കിലും നിക്ഷേപകർക്കിടയിൽ ആശങ്ക ഉയർത്തുന്നുണ്ട്.

ഇന്ത്യയിലെ ഇന്നത്തെ സ്വർണ വില

24 കാരറ്റ് സ്വർണം ഗ്രാമിന് 98 രൂപ കുറഞ്ഞ് 12,148 രൂപയിലെത്തി. ഒരു പവൻ്റെ വില 784 രൂപ കുറഞ്ഞ് 97,184 രൂപയിലെത്തി. 10 ഗ്രാമിന്റെ വില 980 രൂപ കുറഞ്ഞ് 1,21,480 രൂപയിലെത്തി. 100 ഗ്രാം സ്വർണത്തിന്റെ വില 9,800 രൂപ കുറഞ്ഞ് 12,14,800 രൂപയായി.

22 കാരറ്റ് സ്വർണം ഗ്രാമിന് 90 രൂപ കുറഞ്ഞ് 11,135 രൂപയിലെത്തി. ഒരു പവൻ്റെ വില 720 രൂപ കുറഞ്ഞ് 89,080 രൂപയിലെത്തി. 10 ഗ്രാമിന്റെ വില 900 രൂപ കുറഞ്ഞ് 1,11,350 രൂപയിലെത്തി. 100 ഗ്രാം സ്വർണത്തിന്റെ വില 9,000 രൂപ കുറഞ്ഞ് 11,13,500 രൂപയായി.

18 കാരറ്റ് സ്വർണം ഗ്രാമിന് 73 രൂപ കുറഞ്ഞ് 9111 രൂപയിലെത്തി. ഒരു പവൻ്റെ വില 584 രൂപ കുറഞ്ഞ് 72,888 രൂപയിലെത്തി. 10 ഗ്രാമിന്റെ വില 730 രൂപ കുറഞ്ഞ് 91,110 രൂപയിലെത്തി. 100 ഗ്രാം സ്വർണത്തിന്റെ വില 7,300 രൂപ കുറഞ്ഞ് 9,11,100 രൂപയായി.

എംസിക്സ് സ്വർണം, വെള്ളി

വേടു വെൽത്ത് ബ്രോക്കേഴ്‌സിലെ റിസർച്ച് അനലിസ്റ്റ് അഭിഷേക് എം. പെലുവിൻ്റെ അഭിപ്രായത്തിൽ എംസിക്സ് സ്വർണം ഇന്നലത്തെ സെഷനിലും മന്ദഗതിയിലുള്ള ചലനം തുടർന്നു. വിലയിൽ ഗണ്യമായ പുരോഗതി ഉണ്ടാക്കിയില്ല. ഡിസംബർ 5 ന് കാലാവധി പൂർത്തിയാകുന്ന സ്വർണ ഫ്യൂച്ചറുകൾ 0.04% കുറഞ്ഞ് 1,19,749 രൂപയിൽ അവസാനിച്ചു.

സ്വർണത്തിന് ഇടിവ് രേഖപ്പെടുത്തിയെങ്കിൽ വെള്ളി ഇന്ന് മുന്നേറ്റത്തിലാണ്. ഡിസംബർ 5 ന് കാലാവധി പൂർത്തിയാകുന്ന വെള്ളി ഫ്യൂച്ചറുകൾ 0.04% ഉയർന്ന് 1,45,540 രൂപയിൽ ക്ലോസ് ചെയ്തു. എംസിക്സ് വെള്ളി വിലയിൽ ശക്തമായ മുന്നേറ്റം പ്രകടമായും കാണാം.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.