Gold Rate in India: ഇന്ന് ഇന്ത്യയിൽ സ്വർണത്തിന് കനത്ത വിലയിടിവ്; ഡോളറും പലിശ നിരക്കുകളും വിനയായി, വാങ്ങുന്നോ?

ഇന്ന് വീണ്ടും സ്വർണത്തിന് അടിതെറ്റി. ഇന്ത്യയിൽ സ്വർണ വില താഴേക്ക്. കഴിഞ്ഞ സെഷനിൽ ശക്തമായ കുതിപ്പുണ്ടായെങ്കിലും ഇന്ന് വീണ്ടും വില ഇടിയുന്നു. സ്വർണ വിലയിലെ ഈ അസ്ഥിരത ആശങ്കയുണർത്തുന്നു. അടുത്ത ദിവസം കുത്തനെ വില ഉയരുമോ? രാജ്യാന്തര വിലയിലെ ഇടിവാണ് ഇന്ത്യൻ വിപണിയിലും വിലക്കുറവിലേക്ക് നയിച്ചത്.

കഴിഞ്ഞ ആഴ്ചയിൽ സ്വർണത്തിന് 0.77% മാത്രമായിരുന്നു നേട്ടം രേഖപ്പെടുത്തിയത്. അതിന് കാരണം ഈ സ്ഥിരതയില്ലാത്ത വിലയാണ്. നിലവിൽ സ്വർണ വില ഏറ്റവും താഴ്ന്ന നിലവാരത്തിലാണുള്ളത്. ഒക്ടോബറിൽ റെക്കോർഡ് മുന്നേറ്റം നടത്തിയതിനു ശേഷം പിന്നീട് ഒരു റെക്കോർഡ് സൃഷ്ടിക്കാൻ സാധിച്ചിട്ടില്ല എന്നതും സത്യമാണ്.

സ്വർണ വിലയിൽ കടുത്ത ചാഞ്ചാട്ടമുണ്ടെങ്കിലും സ്വർണാഭരണങ്ങളുടെ ഡിമാൻഡിൽ ഇടിവുണ്ടായിട്ടില്ല. യുഎസ് ഫെഡറൽ റിസർവ് നിരക്ക് കുറയ്ക്കുമെന്ന പ്രതീക്ഷകൾ മങ്ങിയതിനാൽ സ്പോട്ട് സ്വർണ വില 0.4% ഇടിഞ്ഞു. മാത്രമല്ല ഡോളർ ശക്തിയാർജിച്ചതും സ്വർണത്തിന് തിരിച്ചടിയായി. ഈ കാരണങ്ങളെല്ലാം ആഭ്യന്തര വിപണിയിലും സ്വർണ വില കുറയാൻ കാരണമായി.

ഇന്ത്യയിലെ ഇന്നത്തെ സ്വർണ വില

24 കാരറ്റ് സ്വർണം ഗ്രാമിന് 71 രൂപ കുറഞ്ഞ് 12,513 രൂപയിലെത്തി. ഒരു പവൻ്റെ വില 568 രൂപ കുറഞ്ഞ് 1,00,104 രൂപയിലെത്തി. 10 ഗ്രാമിന്റെ വില 710 രൂപ കുറഞ്ഞ് 1,25,130 രൂപയിലെത്തി. 100 ഗ്രാം സ്വർണത്തിന്റെ വില 7,100 രൂപ കുറഞ്ഞ് 12,51,300 രൂപയായി.

22 കാരറ്റ് സ്വർണം ഗ്രാമിന് 65 രൂപ കുറഞ്ഞ് 11,470 രൂപയിലെത്തി. ഒരു പവൻ്റെ വില 520 രൂപ കുറഞ്ഞ് 91,760 രൂപയിലെത്തി. 10 ഗ്രാമിന്റെ വില 650 രൂപ കുറഞ്ഞ് 1,14,700 രൂപയിലെത്തി. 100 ഗ്രാം സ്വർണത്തിന്റെ വില 6,500 രൂപ കുറഞ്ഞ് 11,47,000 രൂപയായി.

18 കാരറ്റ് സ്വർണം ഗ്രാമിന് 53 രൂപ കുറഞ്ഞ് 9,385 രൂപയിലെത്തി. ഒരു പവൻ്റെ വില 424 രൂപ കുറഞ്ഞ് 75,080 രൂപയിലെത്തി. 10 ഗ്രാമിന്റെ വില 530 രൂപ കുറഞ്ഞ് 93,850 രൂപയിലെത്തി. 100 ഗ്രാം സ്വർണത്തിന്റെ വില 5,300 രൂപ കുറഞ്ഞ് 9,38,500 രൂപയായി.

എംസിഎക്സ് സ്വർണം, വെള്ളി

മൾട്ടി കമ്മോഡിറ്റി എക്സ്ചേഞ്ചിൽ ഇന്ന് സ്വർണത്തിന്റെയും വെള്ളിയുടെയും ഫ്യൂച്ചേഴ്‌സ് വില കുത്തനെ ഇടിഞ്ഞു. ഏറ്റവും പുതിയ കണക്ക് പ്രകാരം സ്വർണം 1.07% ഇടിഞ്ഞ് 10 ഗ്രാമിന് 1,22,858 രൂപ എന്ന നിലയിലെത്തി. എംസിക്സ് വെള്ളി വിലയിലും ഇടിവുണ്ടായിട്ടുണ്ട്. കിലോഗ്രാമിന് 0.70% കുറഞ്ഞ് 1,53,079 രൂപ എന്ന നിലയിലാണ് വെള്ളി ഫ്യൂച്ചേഴ്സ് എത്തിയിരിക്കുന്നത്.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.