സർവ്വകാല റെക്കോർഡിൽ നിന്നും സ്വർണം താഴേക്ക്: 22K സ്വർണം 10 ​ഗ്രാമിന് 1.5 ലക്ഷം രൂപക്ക് മുകളിൽ

സ്വർണ വില എക്കാലത്തേയും വലിയ വിലക്കയറ്റത്തിലേക്ക് എത്തിയതിനു ശേഷം ഇന്ന് ഇടിയുന്നു. ഇത് ആശ്വാസകരമാണോ? സത്യത്തിൽ ഇന്ത്യയിൽ ഇന്ന് സ്വർണ വില ഇടിഞ്ഞതിൽ കാര്യമായ ആശ്വാസമൊന്നുമില്ല. നിലവിൽ 22K സ്വർണം പവന് 84,000 രൂപക്ക് മുകളിലെത്തി. ഈ വില സാധാരണക്കാർക്ക് താങ്ങാനാവുന്നതിലും അപ്പുറമാണ്. ഇന്ത്യയിൽ നവരാത്രി ആഘോഷങ്ങൾക്ക് തുടക്കം കുറിച്ചതോടെ സ്വർണത്തിൻ്റെ ഡിമാൻഡ് ഉയരുന്നുണ്ട്. ഇതാണ് സ്വർണ വില പിടികിട്ടാതെ കുതിക്കുന്നത്.

സ്വർണ വിലയിലെ അപ്രതീക്ഷിത കുതിച്ചുകയറ്റം സ്വർണ നിക്ഷേപങ്ങളിൽ നിന്നും ലാഭമെടുപ്പിന് വഴിയൊരുക്കി. യുഎസിൻ്റെ അടിസ്ഥാന പലിശ നിരക്ക് അധികനാൾ തുടരില്ലെന്ന് കേന്ദ്ര ബാങ്കായ ഫെഡറൽ റിസർവിൻ്റെ ചെയർമാൻ ജെറോം പവൽ വ്യക്തമാക്കി. ഇതോടെ ഡോളറും ബോണ്ടും ശക്തിയാർജ്ജിക്കുകയും സ്വർണ വില താഴേക്ക് പതിക്കുകയും ചെയ്യുകയായിരുന്നു. ഇതാണ് ഇന്ത്യയിലും ഇന്ന് വില ഇടിയാൻ കാരണം.

ഇന്ത്യയിലെ ഇന്നത്തെ സ്വർണ വില

24 കാരറ്റ് സ്വർണം ഗ്രാമിന് 32 രൂപ കുറഞ്ഞ് 11,537 രൂപയിലെത്തി. ഒരു പവൻ്റെ വില 256 രൂപ കുറഞ്ഞ് 92,296 രൂപയിലെത്തി. 10 ഗ്രാമിന്റെ വില 320 രൂപ കുറഞ്ഞ് 1,15,370 രൂപയിലെത്തി. 100 ഗ്രാം സ്വർണത്തിന്റെ വില 3,200 രൂപ കുറഞ്ഞ് 11,53,700 രൂപയായി.

22 കാരറ്റ് സ്വർണം ഒരു ഗ്രാമിൻ്റെ വില 30 രൂപ കുറഞ്ഞ് 10,575 രൂപയായി. ഒരു പവൻ്റെ വില 240 രൂപ ഉയർന്ന് 84,600 രൂപയായി. 10 ഗ്രാമിൻ്റെ വില 300 രൂപ കുറഞ്ഞ് 1,05,750 രൂപയായി. 100 ഗ്രാമിന്റെ വില 3,000 രൂപ കുറഞ്ഞ് 10,57,500 രൂപയായി.

18 കാരറ്റ് സ്വർണം ഒരു ഗ്രാമിന് വില 24 രൂപ കുറഞ്ഞ് 8653 രൂപയായി. ഒരു പവന് 192 രൂപ കുറഞ്ഞ് 69,224 രൂപയായി. 10 ഗ്രാമിന് 240 രൂപ കുറഞ്ഞ് 86,530 രൂപയും, 100 ഗ്രാമിന് 2,400 രൂപ കുറഞ്ഞ് 8,65,300 രൂപയുമായി കുറഞ്ഞു.

എംസിഎക്സ് സ്വർണം

ആഗോളതലത്തിൽ പോസിറ്റീവ് സൂചനകളും ട്രംപിന്റെ താരിഫ് സംബന്ധിച്ച ആശങ്കകളും നിലനിൽക്കുന്നതിനിടയിലും, എംസിഎക്സ് സ്വർണം പുതിയ റെക്കോർഡിലേക്ക് എത്തിയിരുന്നു. തുടർച്ചയായി രണ്ട് സെഷനുകളിലും വില ഉയർന്നത് സ്വർണ വിപണിയിൽ വമ്പൻ കുതിപ്പിന് കാരണമായി.

എംസിഎക്സ് സ്വർണം ഒക്ടോബർ ഫ്യൂച്ചറുകൾ 10 ഗ്രാമിന് 1,14,179 രൂപ എന്ന റെക്കോർഡ് ഉയരത്തിലെത്തിയപ്പോൾ, എംസിഎക്സ് സിൽവർ ഡിസംബർ ഫ്യൂച്ചറുകൾ ഒരു ശതമാനം ഉയർന്ന് കിലോയ്ക്ക് 1,35,557 രൂപ എന്ന റെക്കോർഡ് ഉയരത്തിലെത്തി

സ്വർണ വില കുതിപ്പ് തുടരുന്നു

ഈ വർഷം സ്വർണ വിലയിലുണ്ടായ കുതിപ്പ് ശ്രദ്ധേയമായിരുന്നു, ഇതൊരു നാഴികക്കല്ലായി കണക്കാക്കാം. അതായത്, ഇരുപത് വർഷത്തിനിടെ ആദ്യമായി 2025 ന്റെ തുടക്കം മുതൽ സ്വർണ വില തുടർച്ചയായി 9 മാസത്തെ നേട്ടങ്ങൾ രേഖപ്പെടുത്തി.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.