ഇന്ത്യൻ വിപണിയിൽ സ്വർണം തിളങ്ങി, വില വീണ്ടും ഉയർന്നു; വെള്ളിക്കും നേട്ടം- ഇന്നത്തെ നിരക്കുകൾ ഇതാ

തുടർച്ചയായ രണ്ട് ദിവസത്തെ ഇടിവിനു ശേഷം ഇന്ത്യയിൽ സ്വർണ വില കുതിച്ചുയരുന്നു. സ്വർണം വാങ്ങാനുള്ള സാധാരണക്കാരുടെ പ്രതീക്ഷകളെ കാറ്റിൽപ്പറത്തിക്കൊണ്ടാണ് ഇന്നത്തെ തിരിച്ചു കയറ്റം. 22K സ്വർണം 10 ​ഗ്രാമിന് 1,00,000 രൂപ കവിഞ്ഞു മുന്നേറുന്നു. ഇതിലും കൂടുതൽ കുതിപ്പ് 24K സ്വർണത്തിനും രേഖപ്പെടുത്തിയിരിക്കുന്നു.

തുടർച്ചയായ റെക്കോർഡ് കുതിപ്പിൽ നിന്നാണ് ഇന്നത്തെ വിലക്കയറ്റം. എങ്കിലും ഇത് പുതിയ റെക്കോർഡുകളൊന്നും സൃഷ്ടിച്ചിട്ടില്ല. പക്ഷേ സ്വർണ വിലയിൽ നാളെ അപ്രതീക്ഷിത മാറ്റം സംഭവിച്ചേക്കാം. അതായത് ഇന്ന് യുഎസിൻ്റെ പണപ്പെരുപ്പക്കണക്ക് ഇന്ത്യൻ സമയം വൈകിട്ടോടെ പ്രഖ്യാപിക്കും. ഈ കണക്ക് സ്വർണ വിലയിൽ നിർണ്ണായകമായിരിക്കും.

പണപ്പെരുപ്പം കുറഞ്ഞാൽ യുഎസിൻ്റെ കേന്ദ്ര ബാങ്കായ ഫെഡറൽ റിസർവ് വീണ്ടും പലിശ നിരക്ക് കുറക്കാൻ സാധ്യത കൂടുതലാണ്. അങ്ങനെ സംഭവിച്ചാൽ സ്വർണ വില ശക്തമായി ഉയരും. ഇത് ഇന്ത്യയിലെയും സ്വർണ വിപണിയിലും ചലനങ്ങൾ സൃഷ്ടിക്കും. ഈ ഉത്സവ സീസണിലെ സ്വർണത്തിൻ്റെ കുതിപ്പ് വാങ്ങുന്നവർക്ക് വലിയ തിരിച്ചടിയാവുന്നു.

ഇന്ത്യയിലെ ഇന്നത്തെ സ്വർണ വില

24 കാരറ്റ് സ്വർണം ഗ്രാമിന് 44 രൂപ ഉയർന്ന് 11,488 രൂപയിലെത്തി. ഒരു പവൻ്റെ വില 352 രൂപ ഉയർന്ന് 91,904 രൂപയിലെത്തി. 10 ഗ്രാമിന്റെ വില 440 രൂപ ഉയർന്ന് 1,14,880 രൂപയിലെത്തി. 100 ഗ്രാം സ്വർണത്തിന്റെ വില 4,400 രൂപ ഉയർന്ന് 11,48,800 രൂപയായി.

22 കാരറ്റ് സ്വർണം ഒരു ഗ്രാമിൻ്റെ വില 40 രൂപ ഉയർന്ന് 10,530 രൂപയായി. ഒരു പവൻ്റെ വില 320 രൂപ ഉയർന്ന് 84,240 രൂപയായി. 10 ഗ്രാമിൻ്റെ വില 400 രൂപ ഉയർന്ന് 1,05,300 രൂപയായി. 100 ഗ്രാമിന്റെ വില 4,000 രൂപ ഉയർന്ന് 10,53,000 രൂപയായി.

18 കാരറ്റ് സ്വർണം ഒരു ഗ്രാമിന് വില 33 രൂപ ഉയർന്ന് 8616 രൂപയായി. ഒരു പവന് 264 രൂപ ഉയർന്ന് 68,928 രൂപയായി. 10 ഗ്രാമിന് 330 രൂപ ഉയർന്ന് 86,160 രൂപയും, 100 ഗ്രാമിന് 3,300 രൂപ ഉയർന്ന് 8,61,600 രൂപയുമായി വർദ്ധിച്ചു.

വെള്ളി വില

മാറ്റമില്ലാതെ തുടർന്നിരുന്ന വെള്ളി വിലയിൽ ഇന്ന് കുത്തനെ വർ​ദ്ധനവ്. ഇന്ന് ഇന്ത്യയിൽ ഒരു കിലോ വെള്ളി വില 3,000 രൂപ വർദ്ധിച്ച് 1,43,000 രൂപയിലെത്തി. 100 ഗ്രാം വെള്ളിക്ക് 300 രൂപ വർദ്ധിച്ച് വില 14,300 രൂപയായി. അന്താരാഷ്ട്ര വിപണിയിലെ മാറ്റങ്ങളും ആഭ്യന്തര ഡിമാൻഡുമാണ് ഈ വിലക്കുതിപ്പിനുള്ള കാരണം.

എംസിഎക്സ് സ്വർണം, വെള്ളി ഫ്യൂച്ചേഴ്‌സ് വില

മൾട്ടി കമ്മോഡിറ്റി എക്സ്ചേഞ്ചിൽ സ്വർണത്തിന്റെയും വെള്ളിയുടെയും ഫ്യൂച്ചേഴ്‌സ് വിലയിൽ വർദ്ധനവുണ്ടായിട്ടുണ്ട്. ആഗോള വിപണിയിലെ ചലനങ്ങൾക്കനുസരിച്ചാണ് ഈ മാറ്റം. 2025 ഒക്ടോബർ 3-ന് കാലാവധി പൂർത്തിയാകുന്ന സ്വർണ ഫ്യൂച്ചറുകൾ കുത്തനെ ഉയർന്നു. നിലവിൽ വില 1,13,015 രൂപയിലാണ് വ്യാപാരം ചെയ്യുന്നത്.

സ്വർണത്തിന് സമാനമായി ഡിസംബർ 5-ന് കാലാവധി പൂർത്തിയാകുന്ന വെള്ളി ഫ്യൂച്ചറുകളും നേട്ടത്തിലാണുള്ളത്. നിലവിലെ വ്യാപാര വില 1,37,387 രൂപയിലെത്തി.

അന്താരാഷ്ട്ര വിപണിയിലെ അനിശ്ചിതത്വങ്ങളും നിക്ഷേപകരുടെ ഡിമാൻഡ് ഉയർന്നതുമാണ് വിലക്കയറ്റത്തിന് കാരണമായത്.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.