Gold Rate Today: ആഗോള ഇടിവ് തള്ളി ഇന്ത്യയിൽ ഇന്ന് സ്വർണവില കുതിച്ചുയർന്നു, വിപണിയിൽ കനത്ത ചാഞ്ചാട്ടം

ഇന്ത്യയിൽ ഇന്ന് സ്വർണ വില കുതിക്കുന്നു. ഇന്നലെ തുടർച്ചയായി രണ്ട് തവണ വില ഇടിഞ്ഞെങ്കിലും ഇന്ന് സ്വർണം പിടിവിട്ട് മുന്നേറി. ഇത് ഇന്ത്യയിലെ സാധാരണക്കാർക്കും ആഭരണപ്രേമികൾക്കും കനത്ത തിരിച്ചടിയായി. ഓരോ ദിവസവും വില ഉയരുകയും ഇടിയുകയും ചെയ്യുന്നത് ആശങ്കയുണ്ടാക്കുന്നു. ആ​ഗോള വിപണിയിലെ മാറ്റങ്ങൾക്ക് അനുസരിച്ചാണ് ഇന്ത്യൻ വിപണിയിലും സ്വർണത്തിൻ്റെ ചാഞ്ചാട്ടം.

രാജ്യാന്തര വിപണിയിൽ കനത്ത നഷ്ടം രേഖപ്പെടുത്തിയിട്ടും ഇന്ത്യയിൽ സ്വർണ വില കുതിക്കുകയായിരുന്നു. മിക്സഡ് യുഎസ് തൊഴിൽ റിപ്പോർട്ട് വിപണിയെ സ്വാധീനിച്ചതാണ് ഇന്ത്യയിൽ വില ഉയരാൻ കാരണമായത്. ഏറ്റവും പുതിയ റിപ്പോർട്ട് പ്രകാരം യുഎസിൽ തൊഴിൽ മേഖല മെച്ചപ്പെടുന്നു എന്നാണ് വ്യക്തമാവുന്നു. ഈ സാഹചര്യത്തിൽ ഇനി യുഎസിൻ്റെ അടിസ്ഥാന പലിശ നിരക്ക് കുറയാനുള്ള സാധ്യതയും മങ്ങുന്നു. ഈ കാരണങ്ങളാണ് രാജ്യാന്തര തലത്തിൽ സ്വർണ വില കുറയാൻ കാരണമായത്.

ഇന്ന് സ്പോട്ട് സ്വർണ വില ഔൺസിന് 4,036.45 ഡോളറിലെത്തിയിരിക്കുന്നു. കഴിഞ്ഞ ദിവസങ്ങളിലെ ട്രെൻഡിൽ നിന്നും വ്യത്യസ്തമായാണ് ഇന്ന് ഇന്ത്യയിൽ സ്വർണത്തിൻ്റെ കുതിപ്പ്.

ഇന്ത്യയിലെ ഇന്നത്തെ സ്വർണ വില

24 കാരറ്റ് സ്വർണം ഗ്രാമിന് 22 രൂപ വർദ്ധിച്ച് 12,448 രൂപയിലെത്തി. ഒരു പവൻ്റെ വില 176 രൂപ വർദ്ധിച്ച് 99,584 രൂപയിലെത്തി. 10 ഗ്രാമിന്റെ വില 220 രൂപ വർദ്ധിച്ച് 1,24,480 രൂപയിലെത്തി. 100 ഗ്രാം സ്വർണത്തിന്റെ വില 2,200 രൂപ വർദ്ധിച്ച് 12,44,800 രൂപയായി.

22 കാരറ്റ് സ്വർണം ഗ്രാമിന് 20 രൂപ വർദ്ധിച്ച് 11,410 രൂപയിലെത്തി. ഒരു പവൻ്റെ വില 160 രൂപ വർദ്ധിച്ച് 91,280 രൂപയിലെത്തി. 10 ഗ്രാമിന്റെ വില 200 രൂപ വർദ്ധിച്ച് 1,14,100 രൂപയിലെത്തി. 100 ഗ്രാം സ്വർണത്തിന്റെ വില 2,000 രൂപ വർദ്ധിച്ച് 11,41,000 രൂപയായി.

18 കാരറ്റ് സ്വർണം ഗ്രാമിന് 17 രൂപ വർദ്ധിച്ച് 9,336 രൂപയിലെത്തി. ഒരു പവൻ്റെ വില 136 രൂപ വർദ്ധിച്ച് 74,688 രൂപയിലെത്തി. 10 ഗ്രാമിന്റെ വില 170 രൂപ വർദ്ധിച്ച് 93,360 രൂപയിലെത്തി. 100 ഗ്രാം സ്വർണത്തിന്റെ വില 1,700 രൂപ വർദ്ധിച്ച് 9,33,600 രൂപയായി.

എംസിഎക്സ് സ്വർണം, വെള്ളി

എംസിഎക്സ് സ്വർണ്ണ വില ഇന്ന് വിപണിയിൽ നഷ്ടത്തിലെത്തി. ഇന്ന് 10 ​ഗ്രാമിന് 487 രൂപ അഥവാ 0.40% ഇടിഞ്ഞ് 1,22,240 രൂപയിലെത്തി. സ്വർണം പോലെ എംസിഎക്സ് വെള്ളി വിലയും ഇടിവിലാണ്. ഇന്ന് 1 കിലോ വെള്ളി 2,615 രൂപ അഥവാ 1.70% കുറഞ്ഞ് 1,51,536 രൂപയിലെത്തി.

ഇന്നത്തെ വെള്ളി വില

ഇന്ത്യൻ വിപണിയിൽ വെള്ളി വില ഇടിഞ്ഞു. ഇന്ന് ഒരു കിലോഗ്രാം വെള്ളിയുടെ വില 4,000 രൂപ കുറഞ്ഞ് 1,61,000 രൂപയിലെത്തി. ഇന്നലെ 1,65,000 രൂപയായിരുന്നു വില. അതായത് ഒരു ഗ്രാം വെള്ളിയുടെ വില 4 രൂപ കുറഞ്ഞ് നിലവിൽ 161 രൂപയിലെത്തി.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.