Gold Rate Today: ഇന്ത്യയിൽ സ്വർണത്തിന് നേരിയ വിലയിടിവ്; ലാഭമെടുപ്പ് വിപണിക്ക് തിരിച്ചടിയായി

ഇന്ത്യൻ വിപണിയിൽ ഇന്ന് സ്വർണത്തിന് നേരിയ വിലക്കുറവുണ്ട്. തുടർച്ചയായ വിലക്കയറ്റത്തിനു ശേഷമാണ് ഇന്നത്തെ ഇടിവ്. എന്നാൽ സാധാരണക്കാർക്ക് ആശ്വാസകരമായ ഒരു വിലക്കുറവായി ഇതിനെ കണക്കാക്കാൻ സാധിക്കില്ല. ഇന്ത്യയിൽ വിവാഹ സീസൺ എത്തിയിരിക്കുന്നതിനാൽ വിവാഹ പർച്ചേസുകൾക്ക് ഡിമാൻഡ് വർദ്ധിക്കുന്നുണ്ട്. ഈ സാഹചര്യത്തിലാണ് സ്വർണ വിലയിലെ നേരിയ ഇടിവുണ്ടായിരിക്കുന്നത്.

രാജ്യാന്തര വിപണിയിലും ഇന്ന് നേരിയ ഇടിവുണ്ടായിട്ടുണ്ട്. സ്പോട്ട് സ്വർണ വില ഔൺസിന് 0.5% ഇടിഞ്ഞ് 4,145.08 ഡോളറിലെത്തി. ഇതാണ് ഇന്ത്യയിലെ വിലയിലും ഇടിവുണ്ടാവാൻ കാരണമായത്. എങ്കിലും ഉടൻ തന്നെ ഒരു വിലക്കയറ്റം സംഭവിക്കാനും സാധ്യത കൂടുതലാണ്. കാരണം, ഡിസംബറിലെ യുഎസ് ഫെഡറൽ റിസർവ് നിരക്ക് കുറയ്ക്കുമെന്ന സൂചന പ്രതീക്ഷകൾ ഉയർത്തുന്നുണ്ട്.

ഇന്ത്യയിലെ ഇന്നത്തെ സ്വർണ വില

24 കാരറ്റ് സ്വർണം ഗ്രാമിന് 16 രൂപ കുറഞ്ഞ് 12,775 രൂപയിലെത്തി. ഒരു പവൻ്റെ വില 128 രൂപ കുറഞ്ഞ് 1,02,200 രൂപയിലെത്തി. 10 ഗ്രാമിന്റെ വില 160 രൂപ കുറഞ്ഞ് 1,27,750 രൂപയിലെത്തി. 100 ഗ്രാം സ്വർണത്തിന്റെ വില 1,600 രൂപ കുറഞ്ഞ് 12,77,500 രൂപയായി.

22 കാരറ്റ് സ്വർണം ഗ്രാമിന് 15 രൂപ കുറഞ്ഞ് 11,710 രൂപയിലെത്തി. ഒരു പവൻ്റെ വില 120 രൂപ കുറഞ്ഞ് 91,680 രൂപയിലെത്തി. 10 ഗ്രാമിന്റെ വില 150 രൂപ കുറഞ്ഞ് 1,17,100 രൂപയിലെത്തി. 100 ഗ്രാം സ്വർണത്തിന്റെ വില 1,500 രൂപ കുറഞ്ഞ് 11,71,000 രൂപയായി.

18 കാരറ്റ് സ്വർണം ഗ്രാമിന് 12 രൂപ കുറഞ്ഞ് 9,581 രൂപയിലെത്തി. ഒരു പവൻ്റെ വില 96 രൂപ കുറഞ്ഞ് 76,646 രൂപയിലെത്തി. 10 ഗ്രാമിന്റെ വില 120 രൂപ കുറഞ്ഞ് 95,810 രൂപയിലെത്തി. 100 ഗ്രാം സ്വർണത്തിന്റെ വില 1,200 രൂപ കുറ‍ഞ്ഞ് 9,58,100 രൂപയായി.

എംസിഎക്സ് സ്വർണം, വെള്ളി

മൾട്ടി കമ്മോഡിറ്റി എക്സ്ചേഞ്ചിൽ ഇന്ന് സ്വർണത്തിന്റെയും വെള്ളിയുടെയും ഫ്യൂച്ചർ വിലകളിൽ ഇടിവുണ്ടായി. ഡിസംബറിൽ കാലാവധി അവസാനിക്കുന്ന സ്വർണ ഫ്യൂച്ചറുകൾ 0.43% ഇടിഞ്ഞ് 10 ഗ്രാമിന് 1,25,384 രൂപ എന്ന നിലയിലെത്തി. സ്വർണത്തിന് സമാനമായി വെള്ളി ഫ്യൂച്ചറുകളും നേരിയ വീഴ്ചയിലേക്ക് എത്തി. ഇന്ന് വെള്ളി ഫ്യൂച്ചറുകൾ കിലോഗ്രാമിന് 0.05% കുറഞ്ഞ് 1,61,192 രൂപ എന്ന നിലയിലെത്തി.

ഇന്ത്യയിലെ വെള്ളി വില

സ്വർണ വിലയിൽ നേരിയ ഇടിവുണ്ടായെങ്കിലും ഇന്ത്യയിലെ വെള്ളി വിലയിൽ ഇന്ന് മുന്നേറ്റമുണ്ട്. ഇന്ന് ഒരു കിലോഗ്രാം വെള്ളി വില 4,000 രൂപ വർധിച്ച് 1,73,000 രൂപ എന്ന നിലയിലെത്തി. 100 ഗ്രാം വെള്ളിയുടെ വില 400 രൂപ ഉയർന്ന് 17,300 രൂപയിലെത്തി. 10 ഗ്രാം വെള്ളിയുടെ വില 1,730 രൂപയും ഒരു ​ഗ്രാം വെള്ളിയുടെ വില 173 രൂപയുമായി ഉയർന്നിട്ടുണ്ട്.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.