Click it and Unblock the Notifications
2019 അവസാനത്തോടെ സ്വര്ണവില ഗണ്യമായി വര്ധിക്കുമെന്ന് വിദഗ്ധ നിരീക്ഷണം. പശ്ചിമേഷ്യന് മേഖലകളിലെ രാഷ്ട്രീയ അനിശ്ചിതത്വവും ഡോളറിനെതിരെ രൂപ നേരിടുന്ന ക്ഷീണവും സ്വര്ണവിലയെ സ്വാധീനിക്കും. സ്വര്ണം പത്തു ഗ്രാമിന് 42,000 രൂപ വരെ വില വര്ധിക്കാനുള്ള സാഹചര്യമാണ് ഇപ്പോള് രൂപംകൊള്ളുന്നതെന്ന് കോംട്രെന്ഡ്സ് റിസര്ച്ച് സഹസ്ഥാപകനും സിഇഒയുമായ ജ്ഞാന്ശേഖര് ത്യാഗരാജന് ദേശീയ വാര്ത്താ ഏജന്സിയായ പിടിഐയോട് വ്യക്തമാക്കി.
കോമെക്സ് വിപണിയില് സ്വര്ണം ഔണ്സിന് 1,650 ഡോളര് വരെയായി വില കൂടും. എംസിഎക്സ് വിപണിയില് 42,000 രൂപ വരെയും സ്വര്ണവില പ്രതീക്ഷിക്കാം. ഈ വര്ഷാവസാനം വരെ സ്വര്ണവില കുറയില്ലെന്ന സൂചന കോമെക്സ്ട്രെന്ഡ്സ് നല്കി.
നേരത്തെ 38,302 രൂപയായിരുന്നു എംസിഎക്സ് വിപണിയില് പത്തു ഗ്രാം സ്വര്ണത്തിന് വില. കോമെക്സ് വിപണിയില് നിരക്ക് 1,506 ഡോളറും. സ്വര്ണത്തില് നിന്നുള്ള വരുമാനം വിലയിരുത്തുമ്പോള് ഈ വര്ഷം ഏറ്റവും മികച്ചതാണെന്ന് മോട്ടിലാല് ഓസ്വാള് ഫൈനാന്ഷ്യല് സര്വീസസ് കമ്മോഡിറ്റി റിസര്ച്ച് മേധാവി നവ്നീത് ധമാനിയും പറയുന്നുണ്ട്.
ആഭ്യന്തര വിപണിയില് 15 ശതമാനത്തോളമാണ് സ്വര്ണ വില കൂടിയത്. ഡോളറിനെതിരെ രൂപ 1.4 ശതമാനം ഇടിഞ്ഞതും സ്വര്ണവിലയെ സ്വാധീനിച്ചു. നിലവിലെ സാഹചര്യങ്ങളില് സ്വര്ണവില ഇനിയും കൂടും. രാജ്യാന്തര വിപണി സാക്ഷ്യം വഹിക്കുന്ന വ്യാപാര യുദ്ധം കൂടി മുറുകിയാല് സ്വര്ണവില കുത്തനെയായിരിക്കും ഉയരുക, ധമാനി പറഞ്ഞു.
എന്നാല് വ്യാപാര യുദ്ധത്തില് അയവുവന്നാല് സ്വര്ണവില കുറയാനുള്ള സാഹചര്യവുമുണ്ട്. ഈ വര്ഷാവസാനം എംസിഎക്സ് വിപണിയില് സ്വര്ണം പത്തു ഗ്രാമിന് 36,800 രൂപ മുതല് 39,400 രൂപ വരെയായി നിജപ്പെടുമെന്നാണ് കൊഡാക്ക് സെക്യൂരിറ്റീസ് കമ്മോഡിറ്റി തലവന് രവീന്ദ്ര റാവും പറയുന്നത്. ഈ വര്ഷം മൂന്നാം പാദം മുതല് സ്വര്ണത്തില് നിക്ഷേപം നടത്തുന്നവരുടെ എണ്ണം വര്ധിച്ചു. സ്വര്ണത്തെ സുരക്ഷിത നിക്ഷേപമായി കരുതുന്നതുകൊണ്ടാണിത്, അദ്ദേഹം വ്യക്തമാക്കി.
Source: Business Standard
Sign in with Google