Gold Rate Today: ഇന്ത്യൻ വിപണിയിൽ സ്വർണവില വീണ്ടും താഴോട്ട്, കാരണമായത് പലിശ നിരക്കും ഡോളറും

ഇന്നലെ ഇന്ത്യയിൽ കുത്തനെ ഉയർന്ന സ്വർണ വില ഇന്ന് നേരിയ ഇടിവോടെ കുറഞ്ഞിട്ടുണ്ട്. ആ​ഗോള തലത്തിലെ മാറ്റങ്ങളാണ് ഇന്ത്യയിൽ സ്വർണ വിലയെ തളർത്തിയത്. ഒക്ടോബറിൽ ചരിത്രത്തിലെ ഏറ്റവും വലിയ റെക്കോർഡ് വിലക്കയറ്റമായിരുന്നുവെങ്കിലും പിന്നീട് സ്വർണത്തിന് ആ റേഞ്ചിലേക്ക് ഉയരാൻ സാധിച്ചിട്ടില്ല എന്നത് ആശ്വാസം നൽകുന്നു.

നിലവിൽ സ്വർണ വിലയിൽ കടുത്ത ചാഞ്ചാട്ടം നിലനിൽക്കുന്നു. ഇത് സാധാരണക്കാരെയും വിവാഹ പർച്ചേസ് നടത്തുന്നവരെയും പ്രതികൂലമായി ബാധിക്കുന്നു. വില കുറയുന്നു എന്ന ഘട്ടത്തിൽ സ്വർണം വാങ്ങിക്കൂട്ടുന്നതാണ് നല്ലത്.

യുഎസിൻ്റെ കേന്ദ്ര ബാങ്കായ ഫെഡറൽ റിസർവ് അടിസ്ഥാന പലിശ നിരക്ക് കുറക്കുമെന്ന സാധ്യത മങ്ങിയതാണ് പ്രധാനമായും സ്വർണ വിലയെ തളർത്തിയത്. പലിശ കുറയില്ലെന്ന സാധ്യത ഉയർന്നതോടെ ഡോളറിൻ്റെ മൂല്യവും ഉയർന്നു. ഡോളർ ശക്തമാവുമ്പോൾ സ്വർണ വില സാധാരണയായി കുറയും. ഇതാണ് ഇന്നത്തെ നേരിയ ഇടിവിന് കാരണമായതും.

ഇന്ത്യയിലെ ഇന്നത്തെ സ്വർണ വില

24 കാരറ്റ് സ്വർണം ഗ്രാമിന് 17 രൂപ കുറഞ്ഞ് 12,469 രൂപയിലെത്തി. ഒരു പവൻ്റെ വില 136 രൂപ കുറഞ്ഞ് 99,752 രൂപയിലെത്തി. 10 ഗ്രാമിന്റെ വില 170 രൂപ കുറഞ്ഞ് 1,24,690 രൂപയിലെത്തി. 100 ഗ്രാം സ്വർണത്തിന്റെ വില 1,700 രൂപ കുറഞ്ഞ് 12,46,900 രൂപയായി.

22 കാരറ്റ് സ്വർണം ഗ്രാമിന് 15 രൂപ കുറഞ്ഞ് 11,430 രൂപയിലെത്തി. ഒരു പവൻ്റെ വില 120 രൂപ കുറഞ്ഞ് 91,440 രൂപയിലെത്തി. 10 ഗ്രാമിന്റെ വില 150 രൂപ കുറഞ്ഞ് 1,14,300 രൂപയിലെത്തി. 100 ഗ്രാം സ്വർണത്തിന്റെ വില 1,500 രൂപ കുറഞ്ഞ് 11,43,000 രൂപയായി.

18 കാരറ്റ് സ്വർണം ഗ്രാമിന് 12 രൂപ കുറഞ്ഞ് 9,352 രൂപയിലെത്തി. ഒരു പവൻ്റെ വില 96 രൂപ കുറഞ്ഞ് 74,816 രൂപയിലെത്തി. 10 ഗ്രാമിന്റെ വില 120 രൂപ കുറഞ്ഞ് 93,520 രൂപയിലെത്തി. 100 ഗ്രാം സ്വർണത്തിന്റെ വില 1,200 രൂപ കുറഞ്ഞ് 9,35,200 രൂപയായി.

എംസിക്സ് സ്വർണം

എംസിഎക്സ് വിപണിയിൽ സ്വർണ ഫ്യൂച്ചേഴ്സ് വിലയിൽ നേരിയ ഇടിവുണ്ട്. 34 രൂപ അഥവാ 0.03% കുറഞ്ഞ് 10 ഗ്രാം സ്വർണത്തിന് 1,22,870 രൂപയിലാണ് വ്യാപാരം അവസാനിപ്പിച്ചത്.

ഇന്നത്തെ വെള്ളി വില

ഇന്ത്യൻ വിപണിയിൽ വെള്ളി വിലയിൽ ഇടിവ് രേഖപ്പെടുത്തി. ഇന്ന് ഒരു കിലോഗ്രാം വെള്ളിയുടെ വില 3,000 രൂപ കുറഞ്ഞ് 1,65,000 രൂപയിലെത്തി. അതായത്, 100 ഗ്രാം വെള്ളിയുടെ വില 16,500 രൂപയും, 10 ഗ്രാം വെള്ളിയുടെ വില 1,650 രൂപയുമാണ്. ഒരു ഗ്രാം വെള്ളിയുടെ നിലവിലെ വില 165 രൂപയായി തുടരുന്നു.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.