വടക്കുകിഴക്കൻ സംസ്ഥാനങ്ങൾ, ഇന്ത്യൻ ദ്വീപുകൾ എന്നിവയിലേക്കുള്ള യാത്ര എളുപ്പവും ചെലവ് കുറഞ്ഞതുമാക്കി മാറ്റുന്നതിനായി പ്രാദേശിക കണക്റ്റിവിറ്റി പദ്ധതിയായ ഉഡാൻ വഴി പുതിയ റൂട്ടുകൾ ആരംഭിക്കാൻ ഒരുങ്ങുകയാണ് കേന്ദ്ര സർക്കാർ. കേന്ദ്ര-സംസ്ഥാന സർക്കാരുകൾ ഉൾക്കൊള്ളുന്ന ഡിമാൻഡ് ഡ്രൈവ് പദ്ധതിയിലൂടെ രാജ്യത്തിന്റെ വിവിധ ഭാഗങ്ങളിൽ വിമാന യാത്രയുടെ സൗകര്യം ലഭ്യമാണെന്ന് ഉറപ്പാക്കുകയാണ് സർക്കാരിന്റെ ലക്ഷ്യം.
ഉഡാന് കീഴിൽ മികച്ച രീതിയിൽ സേവനം നൽകുന്ന 1,000 പ്രാദേശിക കണക്റ്റിവിറ്റി റൂട്ടുകളാണ് സർക്കാർ നടപ്പിലാക്കാൻ ഉദ്ദേശിക്കുന്നത്. അടുത്ത കുറച്ച് വർഷങ്ങളിൽ തന്നെ ഇത് കൈവരിക്കാനാകുമെന്നാണ് കേന്ദ്ര സര്ക്കാരിന്റെ പ്രതീക്ഷ. ജമ്മു കശ്മീര്, ഹിമാചല് പ്രദേശ്, ഉത്തരാഖണ്ഡ്, നോര്ത്ത് ഇസ്റ്റേണ് സംസ്ഥാനങ്ങള്, ലക്ഷദ്വീപ്, ആന്ഡമാന് ആന്ഡ് നിക്കോബാര് തുടങ്ങിയ ഇടങ്ങളിലേക്ക് പദ്ധതിയുടെ ഗുണഫലങ്ങള് എത്തിക്കാനാണ് സര്ക്കാര് ആലോചന. ഇതിന്റെ ഭാഗമായി സബ്സിഡികള്, നികുതി ഒഴിവാക്കല് തുടങ്ങിയവ സര്ക്കാര് നടപ്പാക്കും.
കേന്ദ്രസർക്കാരിന്റെ ഉഡാൻ പദ്ധതി പ്രതിസന്ധിയിൽ
ഭതിന്ദ, ലുധിയാന തുടങ്ങിയ മുമ്പ് നിരക്ക് കുറഞ്ഞതും സുരക്ഷിതമല്ലാത്തതുമായ നിരവധി വിമാനത്താവളങ്ങളിൽ നിന്ന് മിതമായ നിരക്കിൽ 2016 മുതൽ ഉഡാൻ പദ്ധതി വഴി എയർ കണക്റ്റിവിറ്റി ആരംഭിച്ചിരുന്നു. എന്നിരുന്നാലും, ചില സ്ഥലങ്ങളിൽ നിന്നുള്ള സേവനങ്ങൾ ഇതുവരെ ആരംഭിച്ചിട്ടില്ല.
നിരവധി സംസ്ഥാനങ്ങളിലെ തൊഴിലവസരങ്ങൾ സൃഷ്ടിക്കുന്ന മേഖലയായ ടൂറിസത്തെ ഉയർത്താനുള്ള സർക്കാർ ശ്രമങ്ങളുടെ ഭാഗമാണ് സബ്സിഡി ഉള്ള പ്രാദേശിക എയർ കണക്റ്റിവിറ്റി വർദ്ധിപ്പിക്കാനുള്ള നീക്കം. പ്രധാനമന്ത്രി നരേന്ദ്ര മോദി ഈ വർഷം സ്വാതന്ത്ര്യദിന പ്രസംഗത്തിൽ രാജ്യത്തിനകത്ത് ടൂറിസം പ്രോത്സാഹിപ്പിക്കാൻ ശ്രമിക്കുമെന്ന് വ്യക്തമാക്കിയിരുന്നു.
ഒരു മണിക്കൂര് ഫ്ളൈറ്റ് യാത്രയ്ക്ക് 2500 രൂപ മാത്രം:ഉഡാന് ജനുവരി മുതല് ചിറക് വിരിക്കും
malayalam.goodreturns.in