Grain exports from India rose sharply

ദില്ലി; 2020-21 സാമ്പത്തിക വർഷത്തിന്റെ ആദ്യ മൂന്ന് പാദങ്ങളിൽ ഇന്ത്യയിൽ നിന്നുള്ള അരി,ഗോതമ്പ്,മറ്റ് നാടൻ ധാന്യങ്ങൾ എന്നിവയുടെ കയറ്റുമതിയിൽ വൻ വർധനവ്.
2020 ഏപ്രിൽ മുതൽ ഡിസംബർ വരെയുള്ള കണക്കുകൾ പ്രകാരം ധാന്യങ്ങളുടെ കയറ്റുമതി 49,832 കോടി രൂപയായി ഉയർന്നു.കഴിഞ്ഞ വർഷം ഇതേ കാലയളവിൽ ഇത് 32,591 കോടി രൂപയായിരുന്നു.

കൊവിഡ് തളർത്തിയില്ല; ഇന്ത്യയില്‍നിന്നുള്ള ധാന്യ കയറ്റുമതി കുത്തനെ ഉയർന്നു

2020-21 ഏപ്രിൽ മുതൽ ഡിസംബർ വരെയുള്ള കാലയളവിൽ ബസ്മതി ഇതര അരി കയറ്റുമതി 22,856 കോടി രൂപയായി ഉയർന്നു. മുൻ വർഷം ഇതേ കാലയളവിൽ ഇത് 10,268 കോടി രൂപയായിരുന്നു.നേപ്പാൾ, ബെനിൻ, യുഎഇ, സൊമാലിയ, ഗ്വിനിയ, യുഎസ് തുടങ്ങി ഏഷ്യയിലെയും യൂറോപ്പിലെയും പ്രധാന രാജ്യങ്ങളിലേക്കാണ് ഇന്ത്യ ബസുമതി ഇതര അരി കയറ്റുമതി ചെയ്യുന്നത്.

2019 ഏപ്രിൽ മുതൽ ഡിസംബർ വരെയുള്ള കാലയളവിൽ ഗോതമ്പ് കയറ്റുമതി 1,870 കോടി രൂപയായി ഉയർന്നു.നേപ്പാൾ, ബംഗ്ലാദേശ്, യുണൈറ്റഡ് അറബ് എമിറേറ്റ്സ് എന്നീ രാജ്യങ്ങളിലേക്കാണ് പ്രധാനമായും ഇന്ത്യ ഗോതമ്പ് കയറ്റുമതി ചെയ്യുന്നത്. അതുപോലെതന്നെ, 2020-21 ഏപ്രിൽ-ഡിസംബർ കാലയളവിൽ ധാന്യങ്ങളുടെ കയറ്റുമതി 49,832 കോടി രൂപയായി ഉയർന്നതായും വാണിജ്യ മന്ത്രാലയം അറിയിച്ചു. ഇന്ത്യൻ എഞ്ചിനീയറിംഗ് കയറ്റുമതി ജനുവരിയിൽ 18.69 ശതമാനം വർദ്ധിച്ചതായും മന്ത്രാലയം അറിയിച്ചു.

വിദ്യാര്‍ത്ഥികളെ ഒരു ലാപ്ടോപ്പ് സ്വന്തമാക്കണമെന്ന് ആഗ്രഹമില്ലേ? ഇതാ ഒരു കിടിലന്‍ വായ്പ പദ്ധതി വിദ്യാര്‍ത്ഥികളെ ഒരു ലാപ്ടോപ്പ് സ്വന്തമാക്കണമെന്ന് ആഗ്രഹമില്ലേ? ഇതാ ഒരു കിടിലന്‍ വായ്പ പദ്ധതി