ദില്ലി: വരുമാന കമ്മി നികത്താൻ 17 സംസ്ഥാനങ്ങൾക്ക് 9,871 കോടി രൂപയുടെ ഗ്രാന്റ് അനുവദിച്ചു. ധനകാര്യ മന്ത്രാലയത്തിനു കീഴിലുള്ള ധനവിനിയോഗ വകുപ്പാണ് വരുമാന കമ്മി നികത്തുന്നതിനുള്ള പോസ്റ്റ് ഡെവല്യൂഷൻ റവന്യൂ ഡെഫിസിറ്റ് (പി ഡി ആര് ഡി) ഗ്രാന്റിന്റെ പ്രതിമാസ ഗഡുവായി 17 സംസ്ഥാനങ്ങൾക്ക് 9,871 കോടി രൂപ അനുവദിച്ചത് ഈ ഗഡു കൂടി അനുവദിച്ചതോടെ നടപ്പ് സാമ്പത്തിക വർഷത്തിൽ ആകെ 39,484 കോടി രൂപ അർഹതയുള്ള സംസ്ഥാനങ്ങൾക്ക് പി ഡി ആര് ഡി ഗ്രാന്റായി നൽകി.
എസ്ബിഐയുടെ ഈ പ്രത്യേക സേവിംഗ്സ് അക്കൗണ്ടിലൂടെ നിങ്ങള്ക്ക് ലഭിക്കും ഉയര്ന്ന പലിശ നിരക്ക്
ഈ മാസം അനുവദിച്ച ഗ്രാന്റിന്റെ സംസ്ഥാനാടിസ്ഥാനത്തിലുള്ള വിശദാംശങ്ങളും 2021-22 ൽ സംസ്ഥാനങ്ങൾക്ക് അനുവദിച്ച പി ഡി ആര് ഡി ഗ്രാന്റിന്റെ ആകെ തുകയും മന്ത്രാലയം പുറത്ത് വിട്ടു. നാലാം ഗഡുവായി 1657.58 കോടി രൂപ കൂടി അനുവദിച്ചതോടെ കേരളത്തിന് ഇതുവരെ ആകെ 6630.33 കോടി രൂപയാണ് ലഭിച്ചു. നാലാം ഘഡുവായി ഏറ്റവും കൂടുതല് തുക അനുവദിച്ചിരിക്കുന്നതും കേരളത്തിനാണ്. 1438.08 കോടി ആന്ധ്രാപ്രദേശിനും 1467.25 കോടി പഞ്ചിമം ബംഗാളിനും അനുവദിച്ചിട്ടുണ്ട്.
സംസ്ഥാനങ്ങളുടെ റവന്യൂ കമ്മി നികത്താൻ പതിനഞ്ചാം ധനകാര്യ കമ്മീഷന്റെ ശുപാർശകൾക്കനുസൃതമായാണ് പ്രതിമാസ തവണകളായി ഗ്രാന്റ് അനുവദിക്കുന്നത്. 2021-22 സാമ്പത്തിക വർഷത്തിൽ 17 സംസ്ഥാനങ്ങൾക്കായി പിഡിആര്ഡി ഗ്രാന്റ് ഇനത്തിൽ ആകെ 1,18,452 കോടി രൂപയാണ് കമ്മീഷൻ ശുപാർശ ചെയ്തത്.