ദില്ലി: കൊറോണ വൈറസ് പ്രതിസന്ധിക്കിടെ ഇന്ത്യൻ സമ്പദ് വ്യവസ്ഥയ്ക്ക് പ്രതീക്ഷ നൽകിക്കൊണ്ട് ജിഎസ്ടി വരുമാനത്തിൽ വർധനവ്. 2021 ജനുവരി മാസത്തിൽ 1,19,847 കോടി രൂപയാണ് വരുമാനമായി ജിഎസ്ടിയിൽ നിന്നുള്ള വരുമാനമാണ് സർക്കാരിലേക്ക് ലഭിച്ചിട്ടുള്ളത്. "ഇതിൽ സിജിഎസ്ടിയിൽ നിന്നുള്ള വരുമാനം 21,923 കോടി രൂപയാണ്, എസ്ജിഎസ്ടിയിൽ നിന്നുള്ള വരുമാനം 29,014 കോടി രൂപയാണ്. ഐജിഎസ്ടി 60,288 കോടി രൂപയാണ് (ചരക്ക് ഇറക്കുമതിക്കായി സ്വരൂപിച്ച 27,424 കോടി രൂപ ഉൾപ്പെടെ), സെസ് 8,622 കോടി രൂപയാണ് ലഭിച്ചതെന്നാണ് പുറത്തുവന്ന കണക്കുകൾ.
സ്വര്ണവില ഇടിഞ്ഞത് 1,000 രൂപ! വെള്ളി വില രണ്ട് ദിവസം കൊണ്ട് കുതിച്ചുയര്ന്നത് 3,000 രൂപ
അതേ 2021 ജനുവരി 31 വരെ ഡിസംബർ മാസത്തിൽ സമർപ്പിച്ച ജിഎസ്ടിആർ -3 ബി റിട്ടേണുകളുടെ എണ്ണം 90 ലക്ഷമാണ്. സിജിഎസ്ടിക്ക് 24,531 കോടി രൂപയും ഐജിഎസ്ടിയിൽ നിന്ന് എസ്ജിഎസ്ടിക്ക് 19,371 കോടി രൂപയും സ്ഥിരമായി തീർപ്പാക്കി. 2021 ജനുവരി മാസത്തിൽ സ്ഥിരമായി സെറ്റിൽമെന്റിനുശേഷം കേന്ദ്രസർക്കാരും സംസ്ഥാന സർക്കാരുകളും നേടിയ ആകെ വരുമാനം സിജിഎസ്ടിക്ക് 46,454 കോടി രൂപയും എസ്ജിഎസ്ടിക്ക് 48,385 കോടി രൂപയുമാണ്.
കഴിഞ്ഞ അഞ്ച് മാസത്തെ ജിഎസ്ടി വരുമാനത്തിന്റെ വീണ്ടെടുക്കൽ പ്രവണതയ്ക്ക് അനുസൃതമായി, 2021 ജനുവരി മാസത്തിലെ വരുമാനം കഴിഞ്ഞ ജനുവരിയിലെ ജിഎസ്ടിയിൽ നിന്നുള്ള വരുമാനത്തേക്കാൾ 8% കൂടുതലാണ്, അത് തന്നെ 1.1 ലക്ഷം കോടിയിലധികം രൂപയായിരുന്നു. ഈ ജനുവരിയിൽ ചരക്ക് ഇറക്കുമതിയിൽ നിന്നുള്ള വരുമാനം 16% കൂടുതലാണ്, ആഭ്യന്തര ഇടപാടുകളിൽ നിന്നുള്ള വരുമാനം കഴിഞ്ഞ വർഷം ഇതേ മാസത്തിൽ ഈ സ്രോതസ്സുകളിൽ നിന്നുള്ള വരുമാനത്തേക്കാൾ 6% വും കൂടുതലാണ്.
2021 ജനുവരിയിലെ ജിഎസ്ടി വരുമാനം ജിഎസ്ടി നിലവിൽ വന്നതിനുശേഷമുള്ള ഏറ്റവും ഉയർന്ന നിരക്കാണ്, ഇത് ഏകദേശം 1.2 ലക്ഷം കോടി രൂപയിലെത്തി, കഴിഞ്ഞ മാസത്തെ റെക്കോർഡ് ശേഖരം 1.15 ലക്ഷം കോടി രൂപയേക്കാൾ കൂടുതലാണ്. കഴിഞ്ഞ നാലുമാസക്കാലത്തിനുള്ളിൽ ജിഎസ്ടി ഒരു ലക്ഷം കോടിയിലധികം വരുമാനവും ഈ കാലയളവിൽ കുത്തനെ വർദ്ധിക്കുന്ന പ്രവണതയുമാണ് പ്രകടമാകുന്നത്. ഇന്ത്യൻ സമ്പദ് വ്യവസ്ഥ തിരിച്ചുവരവിന്റെ പാതയിലാണ് എന്നതിന്റെ സൂചനകളാണ് ഇത് നൽകുന്നത്.
വ്യാജ ബില്ലിംഗിനെതിരായ സൂക്ഷ്മ നിരീക്ഷണം, ജിഎസ്ടി, ആദായനികുതി, കസ്റ്റംസ് ഐടി സംവിധാനങ്ങൾ, ഫലപ്രദമായ ടാക്സ് അഡ്മിനിസ്ട്രേഷൻ എന്നിവയുൾപ്പെടെ ഒന്നിലധികം സ്രോതസ്സുകളിൽ നിന്നുള്ള ഡാറ്റ ഉപയോഗിക്കുന്ന ഡീപ് ഡാറ്റ അനലിറ്റിക്സും നികുതി വരുമാനത്തിൽ ക്രമാനുഗതമായ വർദ്ധനവിന് കാരണമായെന്നും സർക്കാർ പറയുന്നു. സാമ്പത്തിക വർഷത്തിന്റെ രണ്ടാം പകുതിയിൽ ജിഎസ്ടി വരുമാനത്തിൽ ശരാശരി വളർച്ച 8% വളർച്ചയാണ് രേഖപ്പെടുത്തിയത്.