ജിഎസ്ടി വരുമാനം ഒരു ലക്ഷം കോടി കടന്നു.. ഫെബ്രുവരി മാസത്ത റിപ്പോർട്ട് പുറത്ത്

തുടർച്ചയായ അഞ്ചാം തവണയും ജിഎസ്ടി വരുമാനം ഒരു ലക്ഷം കോടി രൂപ കടന്നു. ഫെബ്രുവരിയിൽ 1.13 ലക്ഷം കോടി രൂപയാണ് വരുമാനം. മുൻ വർഷത്തെ അപേക്ഷിച്ച് ഏഴ് ശതമാനം വളർച്ചയാണ് നികുതി വരുമാനത്തിലുണ്ടായിരിക്കുന്നത്.

1.13 ലക്ഷം കോടി വരുമാനത്തിൽ 21,092 കോടി രൂപ കേന്ദ്ര ജിഎസ്ടിയും (സിജിഎസ്ടി), 27,273 കോടി രൂപ സംസ്ഥാന ജിഎസ്ടിയും (എസ്ജിഎസ്ടി), 55,253 കോടി രൂപ ഇന്റഗ്രേറ്റഡ് ജിഎസ്ടി (ഐജിഎസ്ടി)യുമാണ്.ചരക്ക് ഇറക്കുമതിക്കായി സ്വരൂപിച്ച 660 കോടി രൂപ ഉൾപ്പെടെ 9,525 കോടി രൂപയാണ് സെസ് വഴി പിരിച്ചെടുത്തത്.
ഫെബ്രുവരിയിൽ ചരക്ക് ഇറക്കുമതിയിൽ നിന്നുള്ള വരുമാനം 15% കൂടുതലാണെന്നും ആഭ്യന്തര ഇടപാടുകളിൽ നിന്നുള്ള വരുമാനം (സേവനങ്ങളുടെ ഇറക്കുമതി ഉൾപ്പെടെ) കഴിഞ്ഞ വർഷം ഇതേ മാസത്തിൽ ഈ സ്രോതസ്സുകളിൽ നിന്നുള്ള വരുമാനത്തേക്കാൾ 5% കൂടുതലാണെന്നും ധനകാര്യ മന്ത്രാലയം പ്രസ്താവനയിൽ പറഞ്ഞു.

ഇത് സാമ്പത്തിക വീണ്ടെടുക്കലിന്റെ വ്യക്തമായ സൂചനയാണെന്നും നികുതി നികുതി വകുപ്പ് സ്വീകരിച്ച നടപടിയുടെ ഭാഗമാണെന്നും ധനകാര്യമന്ത്രാലയം വ്യക്തമാക്കി. ഡിസംബറിൽ 115174 കോടിയായിരുന്നു. നവംബറിൽ വരുമാനം 1,04,963 കോടി രൂപയും ഒക്ടോബറിൽ 1,05,155 കോടിയുമായിരുന്നു വരുമാനം