ബാങ്കിന്റെ ശാഖയില്‍ എത്താതെ ഉല്‍പ്പന്നങ്ങള്‍ പണയം വെച്ച് വായ്പയെടുക്കാം; ആപുമായി എച്ച്ഡിഎഫ്‌സി

ദില്ലി: ബാങ്കിന്റെ ശാഖയില്‍ എത്താതെ തന്നെ കമോഡിറ്റികള്‍ പണയം വെച്ച് വായ്പയെടുക്കാം. ഇതിനുള്ള സൗകര്യം ഒരുക്കിയിരിക്കുകയാണ് എച്ച്ഡിഎഫ്‌സി ബാങ്ക്. ഇനി മുതല്‍ ബാങ്കില്‍ എത്താതെ തന്നെ പണയം വെക്കാം. അതിനായി ആപ്പ് പുറത്തിറക്കിയിരിക്കുകയാണ് ബാങ്ക്. വെയര്‍ ഹൗസ് കമോഡിറ്റി ആപ്പ് എന്ന പേരിലാണ് ആപ്പ്.

ഇന്ത്യയില്‍ ആദ്യമായാണ് ഒരു ബാങ്ക് ഉല്‍പ്പന്നങ്ങള്‍ പണയം വെക്കുന്നതിനായി ഓണ്‍ലൈന്‍ സൗകര്യം ഒരുക്കുന്നത്. കൊവിഡ് വ്യാപിക്കുന്ന പശ്ചാത്തലത്തിലാണ് ആപ്പ് രൂപപ്പെടുത്തിയിരിക്കുന്നത്. കൊവിഡ് വ്യാപനം കണക്കിലെടുത്തും ലോക്ക്ഡൗണ്‍ നിയന്ത്രണങ്ങള്‍ നിലവില്‍ക്കുന്ന പശ്ചാത്തലത്തിലും ആളുകള്‍ക്ക് പുറത്ത് ഇറങ്ങാന്‍ കഴിയാത്ത സാഹചര്യമുണ്ട്.

ആപ്പ് ഉപയോഗിക്കുന്നതിനായി ഗൂഗില്‍ പ്ലേസ്റ്റോറില്‍ നിന്നും വെയര്‍ ഹൗസ് കൊമോഡിറ്റി ആപ്പ് ഡൗണ്‍ലോഡ് ചെയ്യുക. വായ്പ അനുവദിക്കുമ്പോള്‍ ലഭിക്കുന്ന രജിസ്രേഷന്‍ നമ്പര്‍ ഉപയോഗിച്ച് ലോഗിന്‍ ചെയ്യുക. ശേഷം ലഭിക്കുന്ന ഒടിപിയും പാസ്വേര്‍ഡും ചേര്‍ക്കുക.

വായ്പ പുന:സംഘടന ആഗ്രഹിക്കുന്ന റീട്ടെയില്‍ ഉപഭോക്താക്കള്‍ക്ക് അവരുടെ വായ്പാ അക്കൗണ്ടുകളില്‍ കുറഞ്ഞത് 25,000 രൂപ ബാലന്‍സ് ഉണ്ടായിരിക്കണമെന്ന് എച്ച്ഡിഎഫ്‌സി ബാങ്ക് ലിമിറ്റഡ് അറിയിച്ചിരുന്നു.