ശ്രദ്ധിക്കണേ... നവംബറിലെ ഈ ദിവസങ്ങളിൽ എച്ച്.ഡി.എഫ്.സി ബാങ്ക് യു.പി.ഐ സേവനങ്ങൾ തടസ്സപ്പെടും

നിങ്ങളുടെ ഇടപാടുകൾ എച്ച്.ഡി.എഫ്.സി ബാങ്കിലൂടെയാണോ നടത്താറ്? യു.പി.ഐ ഉപയോ​ഗിച്ചുള്ള ഇടപാടുകൾ നടത്തുന്നവർ ഈ കാര്യങ്ങൾ ശ്രദ്ധിക്കാൻ മറക്കരുതേ... എച്ച്‌.ഡി.എഫ്‌.സി ബാങ്കുമായി നടത്തുന്ന സേവനങ്ങൾ നവംബറിലെ രണ്ട് ദിവസങ്ങളിൽ തടസ്സപ്പെടും. അതായത് അത്യാവശ്യമായ സിസ്റ്റം മെയിൻ്റനൻസിന്റെ ഭാ​ഗമായിട്ട് യൂണിഫൈഡ് പേയ്‌മെൻ്റ് ഇൻ്റർഫേസ് (യു.പി.ഐ) സേവനങ്ങൾ നവംബറിലെ ഈ ദിവസങ്ങളിൽ ലഭ്യമാകില്ലെന്നാണ് എച്ച്‌.ഡി.എഫ്‌.സി ബാങ്ക് അറിയിച്ചത്.

ഏതെല്ലാം ദിവസങ്ങളിലാണ് യു.പി.ഐ സേവനം തടസ്സപ്പെടുന്നത്?

നവംബർ 5, 23 തീയതികളിലായിട്ടാണ് എച്ച്.ഡി.എഫ്.സി ബാങ്ക് അതിന്റെ യു.പി.ഐ സേവനങ്ങൾ തടസ്സപ്പെടുത്തുന്നത്. എച്ച്.ഡി.എഫ്.സി ബാങ്കിൽ നിങ്ങൾക്ക് അക്കൗണ്ട് ഉണ്ടെങ്കിൽ 5ാം തിയ്യതിക്ക് മുന്നേ ഇടപാടുകൾ ചെയ്ത് പൂർത്തിയാക്കുക. ഈ രണ്ട് ദിവസങ്ങളെ കുറിച്ച് ഒരു ബോധ്യം ഉണ്ടായിരിക്കണം. യു.പി.ഐ സേവനങ്ങൾ പ്രവർത്തനരഹിതമാവുന്നതിനൊപ്പം മറ്റു ചില കാര്യങ്ങളും ശ്രദ്ധിക്കേണ്ടതുണ്ട്.

എച്ച്‌.ഡി.എഫ്‌.സി ബാങ്ക് സേവനങ്ങൾ ലഭ്യമല്ല

മുകളിൽ പറഞ്ഞ പോലെ നവംബർ 5, 23 ദിവസങ്ങളിൽ ഉപഭോക്താക്കൾക്ക് ഇനിപ്പറയുന്ന സേവനങ്ങൾ ലഭ്യമല്ല. ഏതെല്ലാം സേവനങ്ങളാണ് ലഭ്യമല്ലാത്തതെന്ന് പരിശോധിക്കൂ...

• എച്ച്.ഡി.എഫ്.സി ബാങ്ക് കറൻ്റ് & സേവിംഗ്സ് അക്കൗണ്ടിലെയും റുപേ ക്രെഡിറ്റ് കാർഡിലെയും സാമ്പത്തികവും സാമ്പത്തികമല്ലാത്തതുമായ എല്ലാം യുപിഐ ഇടപാടുകളും തടസ്സപ്പെടും.

• എച്ച്.ഡി.എഫ്.സി ബാങ്ക് UPI ഹാൻഡിൽ ഉപയോഗിക്കുന്ന എല്ലാ ബാങ്ക് അക്കൗണ്ട് ഉടമകൾക്കും എച്ച്.ഡി.എഫ്.സി മൊബൈൽ ബാങ്കിം​ഗ് ആപ്പ്, ​ഗൂ​ഗിൾ പേ, വാട്ട്സ് ആപ്പ് പേ, പേടിഎം, ശ്രീറാം ഫിനാൻസ്, മൊബിക് വിക്, ക്രെഡിറ്റ് പേ എന്നിവയിലെ എന്നാ സാമ്പത്തികവും അല്ലാത്തതുമായ യുപിഐ ഇടപാടുകൾ തടസ്സപ്പെടും.

നവംബറിൽ യു.പി.ഐ സേവനം തടസ്സപ്പെടുന്ന സമയം...

1) 05 നവംബർ 2024 ന് 12:00 AM IST മുതൽ 02:00 AM IST വരെ (2 മണിക്കൂർ) സേവനം തടസ്സപ്പെടും.

2) 2024 നവംബർ 23 ന് 12:00 AM IST മുതൽ 03:00 AM IST വരെ (3 മണിക്കൂർ) സേവനം തടസ്സപ്പെടും.

എച്ച്.ഡി.എഫ്.സി ബാങ്ക് ഉപയോ​ഗിക്കുന്ന വ്യാപാരികൾ ഈ കാര്യം ശ്രദ്ധിക്കുക. നവംബറിലെ ഈ രണ്ട് ദിവസങ്ങളിലും എല്ലാ യുപിഐ ഇടപാടുകളും ലഭ്യമാവില്ല. സേവനം തടസ്സപ്പെടുന്ന സമയത്ത് വ്യാപാരം നടത്തുന്നവർ പ്രത്യേകം ശ്രദ്ധിക്കുക. എച്ച്.ഡി.എഫ്.സി വഴിയുള്ള ഇടപാടുകൾ പൊതുവേ സുഖമമാണ്. മറ്റു ബാങ്കുകളെ താരതമ്യം ചെയ്യുമ്പോൾ എളുപ്പത്തിൽ ഇടപാടുകൾ പൂർത്തീകരിക്കുന്നുണ്ട്.

എച്ച്.ഡി.എഫ്.സി ബാങ്ക് യു.പി.ഐ പരിധികൾ

ദിവസേനയുള്ള യു.പി.ഐ ഇടപാടുകൾ നടത്തുമ്പോൾ പരിധികൾ ഏർപ്പെടുത്തുന്നു. അതായത് വ്യക്തികളിൽ നിന്നും വ്യക്തികളിലേക്കും വ്യക്തികളിൽ നിന്നും വ്യാപാരികളിലേക്കും ഇടപാടുകൾ നടത്തുമ്പോൾ ഒരു ദിവസം 1 ലക്ഷം രൂപയാണ് പരിധി നിശ്ചയിച്ചിരിക്കുന്നത്. കൃത്യമായി പറഞ്ഞാൽ 20 ട്രാൻസാക്ഷൻ മാത്രമാണ് ഒരു ദിവസം സാധ്യമാവുള്ളൂ.

മ്യൂച്വൽ ഫണ്ടുകൾ, ക്രെഡിറ്റ് കാർഡ് പേയ്‌മെൻ്റുകൾ, വായ്പ തിരിച്ചടവ്, EMI മുതലായ ഇടപാടുകൾക്ക് 2 ലക്ഷം രൂപ വരെയാണ് പരിധി നിശ്ചയിച്ചത്. എന്നാൽ യു.പി.ഐ ഉപയോഗിച്ചുള്ള IPO ആപ്ലിക്കേഷന് 5 ലക്ഷം രൂപ വരെയാണ് ഇടപാട് പരിധിയുള്ളത്.