25,000 നിക്ഷേപിച്ചാൽ 5 വർഷം കൊണ്ട് 40 ലക്ഷമായി വളരും; ഈ മൂച്വൽ ഫണ്ടുകൾ ആദായകരം

മൃച്വൽ ഫണ്ടുകൾ വളരെ ആദായകരമായ നിക്ഷേപങ്ങളാണ്. ബാങ്ക് നിക്ഷേപങ്ങൾക്ക് ആദായ നികുതി നിയമത്തിലെ 80 സി സെഷൻ പ്രകാരം നികുതി ഇളവ് ലഭിക്കുന്നതാണ്. എന്നാൽ, അതിനായി 5 വർഷ കാലയളവിൽ നിക്ഷേപം നടത്തണം. എന്നാൽ, ഇക്വിറ്റി മ്യൂച്വൽ ഫണ്ടുകൾക്ക് മൂന്ന് വർഷത്തെ ലോക്ക്-ഇൻ കാലയളവിൽ മാത്രം നികുതി ആനുകൂല്യങ്ങൾ നൽകുന്ന ഒരു വിഭാഗമുണ്ട്. ഇക്വിറ്റി ലിങ്ക്ഡ് സേവിങ്സ് സ്കീം (ELSS) ആണ് ആ വിഭാഗം.

മൂന്ന് വർഷത്തെ ലോക്ക്-ഇൻ കാലയളവിലെ ഇഎൽഎസ്എസ് മ്യൂച്വൽ ഫണ്ടുകൾ നിക്ഷേപങ്ങൾക്ക് 1.50 ലക്ഷം രൂപ വരെ നികുതി ആനുകൂല്യങ്ങൾ നൽകുന്നുണ്ട്. മുൻനിര ഇഎൽഎസ്എസ് ഫണ്ടുകളിൽ ഭൂരിഭാഗവും ലാർജ് ക്യാപ് ആയതിനാൽ അവയ്ക്ക് സ്ഥിരത നൽകാൻ കഴിയും. ഇവയിൽ പലതും 5 വർഷം കഴിയുമ്പോൾ വലിയൊരു തുകയും വാഗ്‌ദാനം ചെയ്യുന്നുണ്ട്.

ക്വാണ്ട് ഇഎൽഎസ്എസ് ടാക്സ് സേവർ ഫണ്ട്

വാർഷികാടിസ്ഥാനത്തിൽ നല്ലൊരു റിട്ടേൺ ലഭിക്കുന്ന ഫണ്ടുകളിൽ മുൻപന്തിയിലാണിത്. 500 രൂപയാണ് ഈ ഫണ്ടിൽ നിക്ഷേപിക്കുന്നതിനുള്ള കുറഞ്ഞ തുക. പ്രതിമാസം 25,000 രൂപ അഞ്ചു വർഷ കാലയളവിൽ നിക്ഷേപിച്ചാൽ മൊത്ത നിക്ഷേപ തുക 15,00,000 രൂപയായിരിക്കും. കാലയളവ് പൂർത്തിയാകുമ്പോൾ കിട്ടുന്നത് 39,80,323 രൂപയാണ്.

എസ്ബിഐ ലോങ് ടേം ഇക്വിറ്റി ഫണ്ട്

ഈ ഫണ്ട് 5 വർഷം കൊണ്ട് 30.51 ശതമാനം തിരികെ നൽകും. 25000 രൂപ ഈ ഫണ്ടിൽ നിക്ഷേപിക്കുമ്പോഴുള്ള നിങ്ങളുടെ മൊത്ത തുക 15,00,000 ആണ്. 5 വർഷം കൊണ്ട് നിങ്ങളുടെ ഫണ്ട് 33,48,114 രൂപയായി വളരും.

ബാങ്ക് ഓഫ് ഇന്ത്യ എഎൽഎസ്എസ് ടാക്സ് സേവർ ഫണ്ട്

25000 രൂപ ഈ ഫണ്ടിൽ നിക്ഷേപിക്കുന്ന ഒരാളുടെ മൊത്ത തുക 15,00,000 രൂപയാണ്. 5 വർഷം പൂർത്തിയാകുമ്പോൾ നിക്ഷേപകന് കിട്ടുന്നത് 33,33,880 രൂപയാണ്.

മോട്ടിലാൽ ഒസ്‌വാൾ ഇഎൽഎസ്എസ് ടാക്സ് സേവർ ഫണ്ട്

ഈ ഫണ്ട് 5 വർഷത്തിൽ 28.72 ശതമാനം റിട്ടേൺ നൽകും. ഈ ഫണ്ടിലും നിക്ഷേപിക്കാവുന്ന കുറഞ്ഞ തുക 500 രൂപയാണ്. 25000 രൂപ നിക്ഷേപിച്ചാൽ 5 വർഷം കൊണ്ട് 32,48,771 രൂപയായി തിരികെ കിട്ടും.

എച്ച്ഡിഎഫ്‌സി ടാക്സ് സേവർ ഫണ്ട്

ഈ ഫണ്ടിലും നിക്ഷേപിക്കാവുന്ന കുറഞ്ഞ തുക 500 രൂപയാണ്. 25000 രൂപ നിക്ഷേപിച്ചാൽ 5 വർഷം കൊണ്ട് 30,72,797 രൂപ കയ്യിൽ കിട്ടും.