ആരോഗ്യ ഇൻഷുറൻസ്: പോളിസി തിരഞ്ഞെടുക്കുമ്പോൾ ഇക്കാര്യങ്ങൾ ശ്രദ്ധിക്കാം...

ഈയൊരു സാഹചര്യത്തിലാണ് ആരോഗ്യ ഇൻഷുറൻസുകളുടെ പ്രസക്തി വർധിക്കുന്നത്. ഭാവിയിൽ ഉണ്ടാകാനിടയുള്ള മുൻകൂട്ടിക്കാണാൻ കഴിയാത്ത മെഡിക്കൽ ചെലവുകളിൽ നിന്ന് നിങ്ങളെ പരിരക്ഷിക്കുന്നതിന് ആരോഗ്യ ഇൻഷുറൻസിന് സാധിക്കും. ആളുകളുടെ ജീവിതശൈലി മാറുന്നതിനനുസരിച്ച്, മെഡിക്കൽ ഇൻഷുറൻസ് ഒരു ആവശ്യമായി മാറുകയാണ്. അത്തരത്തിൽ ആരോഗ്യ ഇൻഷുറൻസ് തിരഞ്ഞെടുക്കുമ്പോൾ ശ്രദ്ധിക്കേണ്ട കാര്യങ്ങൾ എന്തൊക്കെയാണെന്ന് പരിശോധിക്കാം.

ഒരു ആരോഗ്യ ഇൻഷുറൻസ് തിരഞ്ഞെടുക്കുമ്പോൾ ശ്രദ്ധിക്കേണ്ട പ്രധാന കാര്യം അത് കവർ ചെയ്യുന്ന അസുഃഖങ്ങൾ ഏതൊക്കെയാണ് അറിയുകയാണ്. എല്ലാ അസുഃഖങ്ങളുടെയും ചികിത്സയ്ക്ക് ഇൻഷുറൻസ് പരിരക്ഷ ലഭിക്കില്ല. അതോടൊപ്പം തന്നെ കോ പേയ്മെന്റ് എത്രയാണെന്നും മനസിലാക്കണം. പോളിസി ഉടമ സ്വയം വഹിക്കേണ്ട ആശുപത്രി ചെലവിനെയാണ് കോ പേയ്മെന്റ് എന്ന് പറയുന്നത്.

അതോടൊപ്പം തന്നെ ചില അസുഃഖങ്ങൾക്ക് നിശ്ചിത തുക മാത്രമായിരിക്കും ചികിത്സ ചെലവിനായി ലഭിക്കുക. സബ് ലിമിറ്റ് എന്നറിയപ്പെടുന്ന ഈ കാറ്റഗറിയും ശ്രദ്ധിക്കേണ്ടതാണ്. ആശുപത്രി മുറി വാടകയും പലപ്പോഴും ഇൻഷുറൻസ് പരിധിയിൽ വരാറില്ല. വരുന്നതിന് പരിധിയുമുണ്ടാകും. ആ പരിധി എത്രയാണെന്നും അറിഞ്ഞിരിക്കണം. മെഡിക്കൽ പരിശോധന കൂടാതെ പോളിസിയിൽ ചേരാനുള്ള പ്രായപരിധി, നിലവിലുള്ള അസുഖങ്ങൾ കവർ ചെയ്യാനുള്ള കാലാവധി, സൗജന്യ ചികിത്സ ലഭ്യമായ ആശുപത്രികൾ എന്നിവയെക്കുറിച്ചും ഇൻഷുറൻസ് ഏജന്റിൽ നിന്ന് ചോദിച്ച് മനസിലാക്കുക.