ഉയർന്ന ശമ്പളക്കാർക്ക് എംപ്ലോയീസ് പ്രൊവിഡന്റ് ഫണ്ടിന് (ഇപിഎഫ്) ഉടൻ നികുതി ചുമത്തും

ഉയർന്ന ശമ്പളക്കാർക്ക് എംപ്ലോയീസ് പ്രൊവിഡന്റ് ഫണ്ട് (ഇപിഎഫ്), നാഷണൽ പെൻഷൻ സിസ്റ്റം (എൻ‌പി‌എസ്), സൂപ്പർആന്യൂവേഷൻ ഫണ്ട് എന്നിവയ്ക്ക് ആദായനികുതി നൽകേണ്ടി വരും വരും. 2021 ഏപ്രിൽ 1 മുതൽ ഇത് പ്രാബല്യത്തിൽ വരും. എൻ‌പി‌എസ്, സൂപ്പർ‌ആന്യൂവേഷൻ ഫണ്ട്, അംഗീകൃത പ്രൊവിഡൻറ് ഫണ്ട് എന്നിവയ്ക്കുള്ള തൊഴിലുടമയുടെ സംഭാവനയുമായി ബന്ധപ്പെട്ട് ഉയർന്ന പരിധി 7.5 ലക്ഷം രൂപയാണ്. മുൻ വർഷത്തിൽ നേടിയ പലിശയും ലാഭവിഹിതവും പോലും നികുതി വിധേയമാക്കുമെന്ന് ബജറ്റ് നിർദ്ദേശിച്ചിട്ടുണ്ട്.

ഉദാഹരണം

പുതിയ ഭേദഗതി 2021 ഏപ്രിൽ 1 മുതൽ പ്രാബല്യത്തിൽ വരും, ഇത് 2021-22 മൂല്യനിർണ്ണയ വർഷം മുതൽ ബാധകമാകും. ഉദാഹരണത്തിന്, ഒരു വ്യക്തിയുടെ അടിസ്ഥാന ശമ്പളം 30 ലക്ഷം രൂപയാണെങ്കിൽ പിഎഫിലെ തൊഴിലുടമകളുടെ സംഭാവന: 3.60 ലക്ഷം, എൻപിഎസ്: 3 ലക്ഷം, സൂപ്പർ ആന്യൂേഷൻ - 1.5 ലക്ഷം എന്നിങ്ങനെയാകുമ്പോൾ ആകെ നിക്ഷേപം 8.10 ലക്ഷം രൂപയാകും. ഈ തുകയ്ക്ക് നൽകേണ്ട നികുതി 60,000 രൂപയായിരിക്കും.

ബജറ്റ് പ്രഖ്യാപനം

പി‌എഫിലേക്കും എൻ‌പി‌എസിലേക്കും തൊഴിലുടമയുടെ സംഭാവനകളെ ഒരു നിശ്ചിത പരിധിയില്ലാതെ തന്നെ നികുതിയിൽ നിന്ന് ഒഴിവാക്കിയിരുന്നു. തൊഴിലുടമ നൽകിയ സംഭാവന തുകയിൽ കിഴിവ് നൽകുന്നതിനായി നിലവിൽ സംയോജിത ഉയർന്ന പരിധിയൊന്നുമില്ലെന്നും. ഉയർന്ന ശമ്പള വരുമാനം നേടുന്ന ജീവനക്കാർക്ക് ഇത് അനാവശ്യ ആനുകൂല്യങ്ങൾ നൽകുന്നുവെന്നും ബജറ്റ് രേഖകളിൽ പറയുന്നു.

നികുതി ഇളവ്

കുറഞ്ഞ ശമ്പള വരുമാനമുള്ള ഒരു ജീവനക്കാരന് ഈ മൂന്ന് ഫണ്ടുകളിലേക്കും തന്റെ ശമ്പളത്തിന്റെ വലിയൊരു ഭാഗം തൊഴിലുടമയിൽ നിന്ന് അനുവദിക്കാൻ കഴിയില്ല. എന്നാൽ ഉയർന്ന ശമ്പള വരുമാനമുള്ള ജീവനക്കാർക്ക് അവരുടെ ശമ്പളത്തിന്റെ വലിയൊരു ഭാഗം നൽകുന്ന രീതിയിൽ അവരുടെ ശമ്പള പാക്കേജ് രൂപകൽപ്പന ചെയ്യാൻ കഴിയും. ഈ മൂന്ന് ഫണ്ടുകളും എക്സംപ്റ്റ്-എക്സംപ്റ്റ്-എക്സംപ്റ്റ് (ഇഇഇ) വിഭാഗത്തിൽ പെടുന്നതിനാൽ ശമ്പളത്തിന്റെ ഈ ഭാഗlത്തിന് ഒരു സമയത്തും നികുതി ഈടാക്കിയിരുന്നില്ല. അതിനാൽ, സംയോജിത ഉയർന്ന പരിധി ഇല്ലാത്തത് അനീതിയാണെന്നും ബജറ്റിൽ പറയുന്നു.