ഹുവാവേ ഇന്ത്യ വരുമാന ലക്ഷ്യം വെട്ടിക്കുറച്ചു, 70% വരെ ജീവനക്കാരെ പിരിച്ചുവിട്ടു

ചൈനീസ് ടെലികോം കമ്പനിയായ ഹുവാവേ ടെക്നോളജീസ് 2020 ലെ ഇന്ത്യയിലെ വരുമാന ലക്ഷ്യം 50 ശതമാനം വരെ വെട്ടിക്കുറച്ചതായും രാജ്യത്തെ പകുതിയിലധികം ജീവനക്കാരെ പിരിച്ചുവിട്ടതായും റിപ്പോർട്ട്. ചൈനീസ് ചരക്കുകൾ ബഹിഷ്കരിക്കാനുള്ള ഇന്ത്യയുടെ ആഹ്വാനത്തിനിടയിലാണ് വാർത്ത പുറത്തു വന്നിരിക്കുന്നത്. രാജ്യത്തെ പകുതിയിലധികം ഹുവാവേ ജീവനക്കാരെ പിരിച്ചുവിടാൻ നിർദ്ദേശിച്ച റിപ്പോർട്ട് ശരിയല്ലെന്ന് ഹുവാവേയുടെ ഇന്ത്യ യൂണിറ്റ് അറിയിച്ചു.

ഏഷ്യയിലെ മൂന്നാമത്തെ വലിയ സമ്പദ്‌വ്യവസ്ഥയിൽ നേരത്തെ ലക്ഷ്യമിട്ട 700-800 മില്യൺ ഡോളറുമായി താരതമ്യം ചെയ്യുമ്പോൾ 2020 ൽ 350-500 മില്യൺ ഡോളർ വരുമാനം കമ്പനി ലക്ഷ്യമിടുന്നതായാണ് പത്രം റിപ്പോർട്ട് ചെയ്തിരിക്കുന്നത്. ഗവേഷണ-വികസന മേഖലകളെയും ആഗോള സേവന കേന്ദ്രത്തെയും ഒഴിവാക്കി കമ്പനി 60-70 ശതമാനം ഇന്ത്യൻ ജീവനക്കാരെ വെട്ടിക്കുറയ്ക്കുകയാണെന്ന് റിപ്പോർട്ടിൽ പറയുന്നു.

ഹുവാവേ ഇന്ത്യ വരുമാന ലക്ഷ്യം വെട്ടിക്കുറച്ചു, 70% വരെ ജീവനക്കാരെ പിരിച്ചുവിട്ടു

രാജ്യത്തെ എല്ലാ ഉപഭോക്താക്കളുമായി പ്രവർത്തിക്കുന്നത് തുടരുകയാണെന്ന് ഹുവാവേയുടെ ഇന്ത്യ യൂണിറ്റ് അറിയിച്ചു. ഇന്ത്യയിലെ പ്രവർത്തനങ്ങളും വിഭവങ്ങളും, ശക്തമായ പ്രാദേശിക പിന്തുണയോടെയാണ് രൂപകൽപ്പന ചെയ്തിരിക്കുന്നതെന്നും ഉപഭോക്തൃ ആവശ്യങ്ങൾ നിറവേറ്റുന്നതിനാണിതെന്നും കമ്പനി അറിയിച്ചു.

കഴിഞ്ഞ മാസം ലഡാക്കിൽ 20 ഇന്ത്യൻ സൈനികരെ ചൈനീസ് സൈന്യം കൊലപ്പെടുത്തിയതിനെ തുടർന്ന് ഇന്ത്യയിൽ ചൈന വിരുദ്ധ വികാരം ഉയർന്നതിനെ തുടർന്നാണ് റിപ്പോർട്ട്. തങ്ങളുടെ മൊബൈൽ നെറ്റ്‌വർക്കുകൾ 4 ജിയിലേക്ക് അപ്‌ഗ്രേഡുചെയ്യാൻ ചൈനീസ് ടെലികോം ഉപകരണങ്ങൾക്ക് പകരം പ്രാദേശികമായ രണ്ട് ടെലികോം സ്ഥാപനങ്ങളോട് ഇന്ത്യ ആവശ്യപ്പെട്ടിട്ടുണ്ട്.