ഐസിഐസിഐ ബാങ്ക് എഫ്‌ഡി പലിശ കുറച്ചു. ഏറ്റവും പുതിയ നിരക്കുകൾ അറിയാം

രാജ്യത്ത പ്രമുഖ സ്വകാര്യ ബാങ്കുകളിൽ ഒന്നായ ഐസിഐസിഐ ബാങ്ക് സ്ഥിര നിക്ഷേപത്തിന്റെ (എഫ്‌ഡി) പലിശ നിരക്ക് 50 ബേസിസ് പോയിൻറ് വരെ കുറച്ചു. പുതുക്കിയ നിരക്കുകൾ പ്രകാരം 7 ദിവസം മുതൽ 10 വർഷം വരെ കാലാവധി പൂർത്തിയാക്കുന്ന സ്ഥിര നിക്ഷേപങ്ങൾക്ക് 3.50 ശതമാനം മുതൽ 6 ശതമാനം വരെ പലിശ ലഭിക്കും. മുതിർന്ന പൗരന്മാരാണെങ്കിൽ ഇതേ കാലാവധി പൂർത്തിയാക്കുന്ന നിക്ഷേപങ്ങൾക്ക് 4 ശതമാനം മുതൽ 6.50 ശതമാനം വരെയാണ് ഐസിഐസിഐ ബാങ്ക് നൽകുന്ന പലിശ നിരക്ക്. ഒരു വർഷം കൊണ്ട് കാലാവധി പൂർത്തിയാക്കുന്ന സ്ഥിര നിക്ഷേപങ്ങൾക്ക് ബാങ്ക് 6.2 ശതമാനം പലിശ നൽകിയിരുന്നു, എന്നാൽ പുതുക്കിയ നിരക്ക് പ്രകാരം ഇത് 5.8 ശതമാനമായി കുറച്ചു.

പുതുക്കിയ നിരക്കുകൾ ഇങ്ങനെ;

7-14 ദിവസം 3.50 ശതമാനം

15-29 ദിവസം 3.75 ശതമാനം

30-45 ദിവസം 4.25 ശതമാനം

46-60 ദിവസം 4.75 ശതമാനം

61-90 ദിവസം 4.75 ശതമാനം

91-120 ദിവസം 4.75 ശതമാനം

121-184 ദിവസം 4.75 ശതമാനം

185-289 ദിവസം 5.25 ശതമാനം

290 ദിവസം 1 വർഷത്തിൽ താഴെ 5.50 ശതമാനം

1 വർഷം മുതൽ 389 ദിവസം 5.80 ശതമാനം

390 ദിവസം മുതൽ - 18 മാസം വരെ 5.80 ശതമാനം

18 മാസം മുതൽ 2 വർഷം വരെ 5.80 ശതമാനം

2 വർഷം + 1 ദിവസം മുതൽ 3 വർഷം വരെ 6.00

3 വർഷം + 1 ദിവസം മുതൽ 5 വർഷം വരെ 6.00

5 വർഷം + 1 ദിവസം മുതൽ 10 വർഷം വരെ 6.00

ഐസിഐസിഐ ബാങ്ക് എഫ്‌ഡി പലിശ കുറച്ചു. ഏറ്റവും പുതിയ നിരക്കുകൾ അറിയാം

ഐസിഐസിഐ ബാങ്ക് സേവിംഗ്‌സ് അക്കൗണ്ട് പലിശ നിരക്കും കുറച്ചു

സേവിംഗ്‌‌സ് അക്കൗണ്ടിന്റെ പലിശ നിരക്ക് 25 ബിപിഎസ് (0.25%) ആണ് കുറച്ചത്. പുതുക്കിയ നിരക്ക് പ്രകാരം, 50 ലക്ഷം രൂപയിൽ താഴെ ബാലൻസുള്ള ഐസിഐസിഐ ബാങ്ക് സേവിംഗ്‌സ് അക്കൗണ്ടിന് 3.25 ശതമാനം പലിശയും 50 ലക്ഷത്തിന് മുകളിൽ ബാലൻസുള്ള അക്കൗണ്ടുകൾക്ക് 3.75 ശതമാനം പലിശയും ലഭിക്കും. പുതുക്കിയ നിരക്കുകൾ ഏപ്രിൽ 9 മുതൽ പ്രാബല്യത്തിൽ വരും.