സ്വകാര്യ മേഖല വായ്പക്കാരായ ഐസിഐസിഐ ബാങ്ക് ലിമിറ്റഡ് അറ്റാദായത്തിൽ 158 ശതമാനം വർദ്ധനവ് രേഖപ്പെടുത്തി. 2019 ഡിസംബർ 31 അവസാനത്തോടെ ബാങ്കിന്റെ മൊത്തം അറ്റാദായം 4,146 കോടി രൂപയായിരുന്നു. ഒരു വർഷം മുമ്പ് ഇതേ കാലയളവിൽ ഇത് 1,605 കോടി രൂപയായിരുന്നു.
മൊത്തത്തിലുള്ള ആസ്തിയുടെ ഗുണനിലവാരം ഈ പാദത്തിൽ മെച്ചപ്പെട്ടു. മൊത്തം ആസ്തിയുടെ ശതമാനമായ മൊത്ത നിഷ്ക്രിയ ആസ്തി ഡിസംബർ അവസാനത്തോടെ 5.95 ശതമാനമായിരുന്നു. കഴിഞ്ഞ വർഷം ഇതേ കാലയളവിൽ 7.75 ശതമാനവും 2019-20 സാമ്പത്തിക വർഷത്തിന്റെ രണ്ടാം പാദത്തിൽ 6.37 ശതമാനവുമായിരുന്നു.
ഐസിഐസിഐ ബാങ്ക് സ്മാര്ട്ട് ഇഎംഐ വായ്പ; വാഹനം വാങ്ങാൻ മികച്ച അവസരം
പ്രവർത്തനപരമായി, ബാങ്കിന്റെ പ്രകടനം ഈ കാലയളവിൽ അറ്റ പലിശ വരുമാനത്തിൽ (എൻഐഐ) മെച്ചപ്പെട്ടു. കഴിഞ്ഞ വർഷത്തേക്കാൾ 24% വർദ്ധിച്ച് 8,545 കോടി രൂപയായി ഉയർന്നു. മുൻവർഷം ഇത് 6,875 കോടി രൂപയായിരുന്നു. ഫീസ് വരുമാനം വാർഷികാടിസ്ഥാനത്തിൽ 17 ശതമാനം ഉയർന്ന് 3,596 കോടി രൂപയായി. റീട്ടെയിൽ ഫീസ് മൊത്തം ഫീസുകളുടെ 77 ശതമാനമാണ്. ട്രഷറി വരുമാനം 11% ഉയർന്ന് 531 കോടി രൂപയായി ഉയർന്നു.
വെള്ളിയാഴ്ച ബിഎസ്ഇയിലെ ഐസിഐസിഐ ബാങ്ക് ഓഹരി 1.47 ശതമാനം ഉയർന്ന് 535.45 ഡോളറിലെത്തി.
'മഹാ ലോണ് ധമാക്ക' യുമായി ഐസിഐസിഐ ബാങ്ക്; വായ്പ ഇനി ഞൊടിയിടയിൽ