സ്ഥിര നിക്ഷേപത്തിന് നേടാം ഉയർന്ന പലിശ... ഈ ബാങ്കിൽ നിക്ഷേപിക്കൂ, വിശദമായി അറിയാം

പണം നിക്ഷേപിക്കുമ്പോൾ ആദ്യ പരിഗണന നിക്ഷേപിക്കുന്ന പണത്തിന്‍റെ സുരക്ഷിതത്വമാണ്. അതുകൊണ്ടാണ് നിക്ഷേപകർ ആദ്യം സ്ഥിര നിക്ഷേപത്തെ പരിഗണിക്കുന്നതും. നിക്ഷേപിക്കുന്ന പണത്തിനുള്ള സുരക്ഷയ്ക്കൊപ്പം ഉറപ്പായ വരുമാനവും സ്ഥിര നിക്ഷേപങ്ങൾ വാഗ്ദാനം ചെയ്യുന്നു. വീട്, വാഹനം, റിട്ടയർമെന്‍റ് കാലത്തേക്കുള്ള കരുതലിനും സാധാരണക്കാർ തിരഞ്ഞെടുക്കുന്നതും സ്ഥിര നിക്ഷേപമാണ്. വിവിധ ബാങ്കുകൾ വ്യത്യസ്ത പലിശ നിരക്കാണ് സ്ഥിര നിക്ഷേപത്തിന് വാഗ്ദാനം ചെയ്യുന്നത്. അതുകൊണ്ടു തന്നെ ഏറ്റവും ഉയർന്ന പലിശ നൽകുന്ന ബാങ്ക് തന്നെ നിക്ഷേപത്തിനായി തിരഞ്ഞെടുക്കണം. രാജ്യത്തെ പ്രമുഖ ബാങ്കുകളിൽ ഉന്നായ ഐസിഐസിഐ ബാങ്ക് സ്ഥിര നിക്ഷേപങ്ങളുടെ പലിശ നിരക്ക് കഴിഞ്ഞ ദിവസം പരിഷ്ക്കരിച്ചിരുന്നു. പുതിയ നിരക്കുകൾ വിശദമായി നോക്കാം

ഐസിഐസിഐ ബാങ്ക് പലിശ

2 കോടി രൂപ വരെയുള്ള സ്ഥിര നിക്ഷേപങ്ങളുടെ പലിശ നിരക്കാണ് ഐസിഐസിഐ ബാങ്ക് പരിഷ്കരിച്ചത്. മുതിർന്ന പൗരന്മാർക്കുള്ള ഏറ്റവും ഉയർന്ന പലിശ നിരക്ക് 7.75% ആണ്. സാധാരണ പൗരന്മാർക്ക് സ്ഥിര നിക്ഷേപത്തിന് 7.20 ശതമാനം വരെ പലിശ നേടാം. പുതുക്കിയ പലിശ നിരക്ക് ഫെബ്രുവരി 17 മുതൽ പ്രാബല്യത്തിലുണ്ട്.

ഏറ്റവും കുറഞ്ഞ തുക 10,000

ഐസിഐസിഐ ബാങ്കിൽ സ്ഥിര നിക്ഷേപം നടത്തുന്നതിനുള്ള ഏറ്റവും കുറഞ്ഞ തുക 10000 രൂപയാണ്. 7 ദിവസത്തിനും 29 ദിവസത്തിനും ഇടയിലുള്ള സ്ഥിര നിക്ഷേപത്തിന് 3 ശതമാനമാണ് പലിശ. 30 ദിവസത്തിനും 45 ദിവസത്തിനും ഇടയിലുള്ള നിക്ഷേപത്തിന് 3.5 ശതമാനം പലിശ നേടാം. 46 ദിവസം മുതൽ 60 ദിവസം വരെ കാലാവധിയുള്ള സ്ഥിര നിക്ഷേപത്തിന്‍റെ പലിശ 4.25 ശതമാനമാണ്.

7.20 ശതമാനം പലിശ

61 ദിവസത്തിനും 90 ദിവസത്തിനും ഇടയിൽ കാലാവധിയുള്ള എഫ്ഡികൾക്ക് 4.5 ശതമാനം പലിശ നേടാം. 91 ദിവസത്തിനും 184 ദിവസത്തിനും ഇടയിലുള്ള നിക്ഷേപത്തിന് 4.75 ശതമാനമാണ് പലിശ. 185 ദിവസത്തിനും 270 ദിവസത്തിനും ഇടയിൽ കാലാവധിയുള്ള നിക്ഷേപത്തിന് 5.75 ശതമാനം പലിശ ലഭിക്കും. 6 ശതമാനമാണ് 271 ദിവസത്തിനും ഒരു വർഷത്തിൽ താഴെയുമുള്ള എഫ്ഡികൾക്ക് വാഗ്ദാനം ചെയ്യുന്ന പലിശ നിരക്ക്. ഒരു വർഷത്തിനും പതിനഞ്ച് മാസത്തിൽ താഴെയുമുള്ള എഫ്ഡികൾക്ക് 6.7% പലിശ നിരക്ക് ലഭിക്കും. 15 മാസത്തിനും രണ്ട് വർഷത്തിനും ഇടയിൽ കാലാവധിയുള്ള നിക്ഷേപത്തിന്‍റെ പലിശ നിരക്ക് 7.2 ശതമാനമാണ്. രണ്ട് വർഷം ഒരു ദിവസം മുതൽ അഞ്ച് വർഷം വരെ കാലാവധിയുള്ള സ്ഥിര നിക്ഷേപത്തിന്‍റെ പലിശ 7 ശതമാനമാണ്. 5 വർഷത്തിനും പത്ത് വർഷത്തിനും ഇടയിൽ കാലാവധിയുള്ള സ്ഥിര നിക്ഷേപത്തിന് 6.9 ശതമാനം പലിശ നിരക്ക് ലഭിക്കും. 5 വർഷത്തെ കാലാവധിയുള്ള ടാക്സ് സേവിംഗ്സ് എഫ്ഡിയുടെ പലിശ നിരക്ക് 7 ശതാനമാണ്.

മുതിർന്ന പൗരന്മാരുടെ എഫ്ഡി നിരക്കുകൾ

മുതിർന്ന പൗരന്മാർക്ക് ഐസിഐസിഐ ബാങ്കിലെ എല്ലാ സ്ഥിര നിക്ഷേപങ്ങൾക്കും 50 ബേസിസ് പോയിന്‍റ് അതായത് 0.50 ശതമാനം അധിക പലിശ ലഭിക്കും. തിരഞ്ഞെടുത്ത കാലയളവിലേക്കുള്ള എഫ്ഡി നിക്ഷേപത്തിന് 5 ബേസിസ് പോയിന്‍റ് അല്ലെങ്കിൽ 10 ബേസിസ് പോയിന്‍റ് അധിക പലിശ നിരക്കും ബാങ്ക് വാഗ്ദാനം ചെയ്യുന്നു.

6.5 ശതമാനം പലിശ

ഐസിഐസിഐ ബാങ്ക് 7 ദിവസത്തിനും 29 ദിവസത്തിനും ഇടയിലുള്ള എഫ്ഡികൾക്ക് 3.5% പലിശ നിരക്ക് വാഗ്ദാനം ചെയ്യുന്നു. 30 ദിവസത്തിനും 45 ദിവസത്തിനും ഇടയിലുള്ള എഫ്ഡികൾക്ക് 4% പലിശ ലഭിക്കും. 46 ദിവസത്തിനും 60 ദിവസത്തിനും ഇടയിൽ കാലാവധിയുള്ള നിക്ഷേപത്തിന് ബാങ്ക് 4.75% പലിശ നിരക്ക് വാഗ്ദാനം ചെയ്യുന്നു. 61 ദിവസത്തിനും 90 ദിവസത്തിനും ഇടയിൽ കാലാവധിയുള്ള നിക്ഷേപത്തിന് 5% പലിശ ലഭിക്കും. 91 ദിവസത്തിനും 184 ദിവസത്തിനും ഇടയിലുള്ള നിക്ഷേപത്തിന്‍റെ പലിശ 5.25 ശതമാനമാണ്. 185 ദിവസത്തിനും 270 ദിവസത്തിനും ഇടയിലുള്ള നിക്ഷേപങ്ങളുടെ പലിശ 6.25 ശതമാനം. 6.5 ശതമാനമാണ് 271 ദിവസത്തിനും ഒരു വർഷത്തിൽ താഴെയുമുള്ള എഫ്ഡികളുടെ പലിശ നിരക്ക്.

7.75 ശതമാനം പലിശ

7.20 ശതമാനമാണ് ഒരു വർഷത്തിനും പതിനഞ്ച് മാസത്തിനും ഇടയിൽ കാലാവധിയുള്ള എഫ്ഡിയുടെ പലിശ. 15 മാസത്തിനും രണ്ട് വർഷത്തിനും ഇടയിൽ കാലാവധിയുള്ള സ്ഥിര നിക്ഷേപത്തിന് 7.75 ശതമാനം പലിശ മുതിർന്ന പൗരന്മാരുടെ സ്ഥിര നിക്ഷേപത്തിന് നേടാം. അഞ്ച് വർഷത്തിനും പത്ത് വർഷത്തിനും ഇടയിൽ കാലാവധിയുള്ള നിക്ഷേപത്തിന്‍റെ പലിശ 7.50 ശതമാനമാണ്. അഞ്ച് വർഷത്തെ കാലാവധിയുള്ള ടാക്സ് സേവിംഗ്സ് എഫ്ഡിയുടെ പലിശ നിരക്ക് 7.5 ശതമാനമാണ്.