3 വർഷത്തെ സ്ഥിര നിക്ഷേപം, റെക്കോർഡ് പലിശ ഈ ബാങ്ക് നൽകും, പണമെറിഞ്ഞ് പണം നേടാം

ഏറ്റവും സുരക്ഷിതമായ നിക്ഷേപമാർഗമാണ് സ്ഥിര നിക്ഷേപം. നിക്ഷേപിക്കുന്ന പണത്തിന്‍റെ സുരക്ഷ, കൃത്യമായ പലിശ നിരക്ക് തുടങ്ങിയവയാണ് സ്ഥിര നിക്ഷേപത്തെ പ്രിയപ്പെട്ടതാക്കുന്നത്. ഓഹരി വിപണിയുടെ അപകട സാധ്യതകളും മ്യൂച്വൽ ഫണ്ടുകളുടെ സങ്കീർണ്ണമായ കണക്ക് കൂട്ടലുകളോടും താൽപ്പര്യമില്ലാത്ത നിക്ഷേപകർക്ക് സ്ഥിര നിക്ഷേപം മികച്ച ഓപ്ഷനാണ്. എന്നാൽ സ്ഥിര നിക്ഷേപം നടത്തുന്നതിന് മുൻപ് ശ്രദ്ധിക്കേണ്ട നിരവധി കാര്യങ്ങളുണ്ട്. അതിൽ ഏറ്റവും പ്രധാനപ്പെട്ടത് ബാങ്ക് വാഗ്ധാനം ചെയ്യുന്ന പലിശ നിരക്കാണ്. രാജ്യത്തെ ബാങ്കുകൾ നൽകുന്ന പലിശയിൽ കാലാവധിക്കും നിക്ഷേപിക്കുന്ന തുകയ്ക്കും അനുസരിച്ച് മാറ്റങ്ങളുണ്ടാകും. അതുകൊണ്ടു തന്നെ ബാങ്കുകളുടെ പലിശ നിരക്കുകൾ താരതമ്യം ചെയ്യണം.

ഇന്ത്യയിലെ എട്ട് മുൻനിര ബാങ്കുകൾ മൂന്ന് വർഷത്തെ നിക്ഷേപങ്ങൾക്ക് വാഗ്ദാനം ചെയ്യുന്ന പലിശ നിരക്കുകൾ നമുക്ക് താരതമ്യം ചെയ്യാം.

സ്വകാര്യ ബാങ്കുകൾ

സ്ഥിര നിക്ഷേപത്തിന് ഏറ്റവും ആകർഷകമായ പലിശ നിരക്കുകൾ വാഗ്ദാനം ചെയ്യുന്ന മുൻനിര സ്വകാര്യ ബാങ്കുകളിൽ ഐസിഐസിഐ ബാങ്കും ഫെഡറൽ ബാങ്കും ഉൾപ്പെടുന്നു. മൂന്ന് വർഷത്തെ നിക്ഷേപങ്ങൾക്ക് സാധാരണ ഉപഭോക്താക്കൾക്ക് 6.6 ശതമാനം പലിശയും മുതിർന്ന പൗരന്മാർക്ക് 7.1 ശതമാനം പലിശയുമാണ് രണ്ട് ബാങ്കുകളും വാഗ്ധാനം ചെയ്യുന്നത്.

എച്ച്ഡിഎഫ്‌സി ബാങ്ക് സാധാരണ ഉപഭോക്താക്കൾക്ക് 6.45 ശതമാനം പലിശയും മുതിർന്ന പൗരന്മാർക്ക് 6.95 ശതമാനം പലിശയും നൽകുന്നു. അതേസമയം സാധാരണ ഉപഭോക്താക്കൾക്ക് 6.4 ശതമാനം പലിശയും മുതിർന്ന പൗരന്മാർക്ക് 6.9 ശതമാനം പലിശയുമാണ് കൊട്ടക്ക് മഹീന്ദ്ര ബാങ്ക് നൽകുന്നത്.

പൊതുമേഖലാ ബാങ്കുകൾ

പൊതുമേഖലാ ബാങ്കുകളിൽ യൂണിയൻ ബാങ്ക് ഓഫ് ഇന്ത്യയും ബാങ്ക് ഓഫ് ബറോഡയും മത്സരാധിഷ്ഠിത പലിശ നിരക്കുകൾ വാഗ്ദാനം ചെയ്യുന്നു. യൂണിയൻ ബാങ്ക് സാധാരണ ഉപഭോക്താക്കൾക്ക് 6.6 ശതമാനവും മുതിർന്ന പൗരന്മാർക്ക് 7.1 ശതമാനം പലിശയും നൽകുന്നു. ബാങ്ക് ഓഫ് ബറോഡ പൊതുജനങ്ങൾക്കും മുതിർന്ന പൗരന്മാർക്കും യഥാക്രമം 6.5 ശതമാനം, 7 ശതമാനം എന്നിങ്ങനെ പലിശ നൽകുന്നു.

പഞ്ചാബ് നാഷണൽ ബാങ്ക് സാധാരണ ഉപഭോക്താക്കൾക്ക് 6.4 ശതമാനവും മുതിർന്ന പൗരന്മാർക്ക് 6.9 ശതമാനം പലിശ വാഗ്ദാനം ചെയ്യുന്നു. അതേസമയം, ഇന്ത്യയിലെ ഏറ്റവും വലിയ വായ്പാദാതാവായ സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ) യഥാക്രമം 6.3 ശതമാനവും 6.8 ശതമാനവും പലിശയാണ് നൽകുന്നത്.

സമയം പ്രധാനം

റിസ്‌കില്ലാതെ സ്ഥിരമായ വരുമാനം ആഗ്രഹിക്കുന്നവർക്ക് ഏറ്റവും സുരക്ഷിതമായ നിക്ഷേപ ഓപ്ഷനുകളിൽ ഒന്നാണ് സ്ഥിര നിക്ഷേപങ്ങൾ. എന്നിരുന്നാലും, ഭാവിയിൽ റിപ്പോ നിരക്കുകൾ താഴേക്ക് പോകാൻ സാധ്യതയുള്ളതിനാൽ, ഇപ്പോൾ ഉയർന്ന എഫ്‌ഡി നിരക്കുകൾ ലോക്ക് ചെയ്യുന്നത് ഒരു മികച്ച സാമ്പത്തിക നീക്കമായിരിക്കാം. കൂടാതെ, മുതിർന്ന പൗരന്മാർക്ക്, മിക്ക ബാങ്കുകളും വാഗ്ദാനം ചെയ്യുന്ന അധിക 50 ബേസിസ് പോയിന്‍റുകൾ അവരുടെ വരുമാനത്തിൽ ശ്രദ്ധേയമായ വ്യത്യാസം വരുത്തും.

വിവിധ ബാങ്കുകളിലെ നിരക്കുകൾ താരതമ്യം ചെയ്യുന്നത് നിങ്ങളുടെ കഠിനാധ്വാനത്തിലൂടെ സമ്പാദിച്ച സമ്പാദ്യത്തിൽ നിന്ന് കൂടുതൽ വരുമാനം നേടാൻ സഹായിക്കും. നിക്ഷേപിക്കുന്നതിന് മുമ്പ് ബാങ്കിന്‍റം ഔദ്യോഗിക വെബ്‌സൈറ്റിൽ ഏറ്റവും പുതിയ നിരക്കുകൾ പരിശോധിക്കാൻ മറക്കരുത് അല്ലെങ്കിൽ നിങ്ങളുടെ ബ്രാഞ്ച് സന്ദർശിക്കുക.