ഐസിഐസിഐ പ്രുഡൻഷ്യൽ ലൈഫ് ഇൻഷുറൻസ് 'ഐസിഐസിഐ പ്രു ഗ്യാരണ്ടീഡ് പെൻഷൻ പ്ലാൻ' ആരംഭിച്ചു. ജീവിതകാലം മുഴുവൻ ഉറപ്പുനൽകുന്ന നൂതന റിട്ടയർമെന്റ് പ്ലാൻ ആണിത്. ഒറ്റത്തവണ പ്രീമിയം അടച്ചുകൊണ്ട് പതിവ് വരുമാനം നേടാൻ ഈ പദ്ധതി ഉപഭോക്താക്കളെ പ്രാപ്തമാക്കും.
പെൻഷൻകാരുടെ ശ്രദ്ധയ്ക്ക്, ലൈഫ് സർട്ടിഫിക്കറ്റ് സമർപ്പിക്കുന്നതിനുള്ള തീയതി സർക്കാർ നീട്ടി
പണം നിക്ഷേപിച്ച് പിന്നീട് ഏത് സമയത്തും വരുമാനം സ്വീകരിക്കാൻ ആരംഭിക്കുന്നതിനുള്ള സൌകര്യവും ഈ പദ്ധതിയ്ക്കുണ്ട്. ഉദാഹരണത്തിന് വിരമിക്കലിനോട് അടുത്ത് വരുമാനത്തിന്റെ ആരംഭം 10 വർഷത്തേക്ക് മാറ്റിവയ്ക്കാൻ ഉപയോക്താക്കൾക്ക് അവസരമുണ്ട്. സിംഗിൾ അല്ലെങ്കിൽ ജോയിന്റ് ലൈഫ് ഓപ്ഷനുകൾ തിരഞ്ഞെടുക്കാൻ ഉപഭോക്താക്കൾക്ക് അവസരമുണ്ട്. ജോയിന്റ് ലൈഫ് ഓപ്ഷനിൽ, പ്രാഥമിക പോളിസി ഹോൾഡറുടെ നിര്യാണത്തിൽ ജോയിന്റ് പോളിസി ഹോൾഡർക്ക് വരുമാനം നൽകുന്നത് തുടരും.
ഗുരുതരമായ രോഗങ്ങൾ, സ്ഥിരമായ വൈകല്യം എന്നിവയുണ്ടായാൽ പ്രീമിയം തുക തിരികെ ലഭിക്കും. പോളിസി ഹോൾഡർക്ക് ഫണ്ടുകൾ ഉപയോഗിച്ച് രോഗചികിത്സയ്ക്കായി വൈദ്യസഹായം ലഭ്യമാക്കുമെന്ന് ഉറപ്പാക്കാനാണിത്. ഉയർന്ന ആയുർദൈർഘ്യം, സാമൂഹിക സുരക്ഷ അഭാവം, വർദ്ധിച്ചുവരുന്ന പണപ്പെരുപ്പം, ആരോഗ്യ ച്ചെലവ് എന്നിവ കാരണം സുരക്ഷിതമായ വിരമിക്കൽ ജീവിതത്തിനായി ഉപയോക്താക്കൾ നേരത്തെ തന്നെ പണം മാറ്റി വയ്ക്കേണ്ടത് അത്യാവശ്യമാണ്.
ഐസിഐസിഐ പ്രു ഗ്യാരൻറിഡ് പെൻഷൻ പ്ലാൻ' എന്നത് വിരമിക്കൽ അല്ലെങ്കിൽ അതിനുശേഷമുള്ള പതിവ് വരുമാനം ഉടനടി സ്വീകരിക്കാൻ ഉപഭോക്താക്കളെ പ്രാപ്തരാക്കുന്ന ഒരു റിട്ടയർമെന്റ് പദ്ധതിയാണ്.
ഡിജിറ്റൽ ലൈഫ് സർട്ടിഫിക്കറ്റ് വീട്ടുപടിക്കലെത്തും: സേവനങ്ങൾ പോസ്റ്റ്മാൻ വഴി, ഐപിപിബി സേവനം ഇങ്ങനെ...