റിലയന്‍സ് ഇടപാട് നടന്നില്ലെങ്കില്‍ പാപ്പരാകും, 29,000 പേര്‍ക്ക് ജോലി പോകുമെന്ന് ഫ്യൂച്ചര്‍ ഗ്രൂപ്പ്

അമേരിക്ക ആസ്ഥാനമായി പ്രവര്‍ത്തിക്കു ഇ-കൊമേഴ്‌സ് രംഗത്തെ ഭീമനായ ആമസോണ്‍ 2019ലാണ് ഫ്യൂച്ചര്‍ കൂപ്പണിന്റെ ഓഹരികള്‍ വാങ്ങിയത്. 49 ശതമാനം ഓഹരികളാണ് ആമസോണ്‍ സ്വന്തമാക്കിയത്. ഫ്യൂച്ചര്‍ റീട്ടെയ്ല്‍ കമ്പനിയുടെ 5 ശതമാനം ഓഹരികള്‍ കൂടി ഈ ഇടപാടിലൂടെ ആമസോണിന് ലഭിച്ചിരുന്നു. ഇതുമായി ബന്ധപ്പെട്ടാണ് ഉടമ്പടി ലംഘനം നടന്നുവെന്ന ആമസോണിന്റെ പരാതി.

മുകേഷ് അംബാനി ഗ്രൂപ്പിന്റെ സ്ഥാപനങ്ങള്‍ അടക്കമുളളവയ്ക്ക് ആസ്തികള്‍ വില്‍പന നടത്തരുത് എന്നും ഉടമ്പടി ഏതെങ്കിലും തരത്തില്‍ ലംഘിക്കപ്പെട്ടാല്‍ സിംഗപ്പൂര്‍ ഇന്റര്‍നാഷണല്‍ ആര്‍ബിട്രേഷന്‍ സെന്റര്‍ വഴി ചോദ്യം ചെയ്യാവുന്നതാണ് എന്നും ഉടമ്പടിയിലുണ്ടെന്നാണ് ആമസോണ്‍ വാദിക്കുന്നത്.

സ്‌റ്റേ ഉത്തരവ് വന്നതിന് പിറകേ റിലയന്‍സിന്റെയും ഫ്യൂച്ചര്‍ റീട്ടെയ്ല്‍ കമ്പനിയുടെയും ഓഹരികള്‍ ഇടിഞ്ഞിരുന്നു. അധികം താമസം വരുത്താതെ തങ്ങള്‍ക്ക് ഇടപാട് പൂര്‍ത്തിയാക്കേണ്ടതുണ്ട് എന്നാണ് റിലയന്‍സും ഫ്യൂച്ചര്‍ റീട്ടെയ്ല്‍ കമ്പനിയും പ്രതികരിച്ചിരിക്കുന്നത്. സിംഗപ്പൂര്‍ ആര്‍ബിട്രേഷന്‍ തീരുമാനത്തെ ആമസോണ്‍ സ്വാഗതം ചെയ്തിട്ടുണ്ട്.