പൊന്ന് പൊന്നാണ്, സ്വർണം ഇത്തിരി വാങ്ങിയാൽ 6 ലക്ഷം ലാഭം കിട്ടും, കണക്കിലെ കളി അറിയാം

കേവലം ആഭരണം എന്നതിനപ്പുറം സ്വർണം മികച്ച ലാഭം നൽകാൻ കഴിയുന്ന നിക്ഷേപം കൂടിയാണ്. കഴിഞ്ഞ 20 വർഷത്തിനിടെ 85,000 രൂപയ്ക്ക് മുകളിലാണ് ഒരുപവൻ സ്വർണത്തിന് കൂടിയത്. 2005-2006 കാലഘട്ടത്തിൽ 5000 രൂപയായിരുന്നു ഒരുപവൻ സ്വർണത്തിന്‍റെ വില. ഇന്ന് അത് 90,000 രൂപയ്ക്ക് മുകളിലാണ്. വരും വർഷങ്ങളിലും സ്വർണവില വലിയ കുതിപ്പ് നടത്തും എന്നതാണ് പൊതുവിൽ വിലയിരുത്തപ്പെടുന്നത്. അതുകൊണ്ടുതന്നെ ഇപ്പോൾ അൽപ്പം സ്വർണം വാങ്ങിയാൽ ഭാവിയിൽ മികച്ച സാമ്പത്തിക നേട്ടം ഉണ്ടാക്കാൻ സാധിക്കും.

സ്വർണവിലയുടെ ചരിത്രം

2009 ജനുവരിയിലാണ് 22 കാരറ്റ് സ്വർണം പവന് 10,000 രൂപ കടക്കുന്നത്. 2010 നവംബർ ആകുമ്പോഴേക്കും 5000 രൂപ കൂടി പവന്‍റെ വില 15,000 രൂപയിലെത്തി. എന്നാൽ, അടുത്ത ഒമ്പത് മാസത്തിനകം 20,000 തൊട്ടതോടെ സ്വർണവില 2011 ആഗസ്റ്റ് 19ന് 20520 രൂപയായി ഉയർന്നു. എന്നാൽ പിന്നീടുള്ള മാസങ്ങളിലോ വർഷങ്ങളിലോ സ്വർണം വലിയ കുതിപ്പ് നടത്തിയില്ല. വില ചെറിയ രീതിയിൽ ഏറിയും കുറഞ്ഞും മുന്നോട്ടുപോയി. 2019 ജൂലൈ മൂന്നിനാണ് സ്വർണം 25,000 കടന്നത്. അതായത് 5000 രൂപയുടെ വർദ്ധനവില് 8 വർഷമെടുത്തു.

കോവിഡ് കാലത്ത് റോക്കറ്റ് വേഗതയിലാണ് സ്വർണവില കുതിച്ചത്. 2020 ജനുവരിയിൽ 30,000 രൂപയും മെയിൽ പവൻ വില 35,000 രൂപയും കടന്നു. ജൂലൈ 31-ന് വില 40,000 രൂപയും കടന്ന് മുകളിലേക്ക് കുതിച്ചു. എന്നാൽ കോവിഡ് ഭീതി ഒഴിഞ്ഞതോടെ സ്വർണവില താഴേക്ക് വീണു. 2023 ഏപ്രിലിലാണ് വില 45,000 കടക്കുന്നത്. ഒരുവർഷത്തിനകം 2024മാർച്ച് 29ന് വില 50,000 പിന്നിട്ടു. കഴിഞ്ഞ വർഷമാണ് വില 75,000 രൂപ കടക്കുന്നത്. സെപ്റ്റംബർ 29ന് തന്നെ 85,360 ആയി ഉയർന്നു. പിന്നീട് ഒമ്പത് ദിവസം കഴിഞ്ഞപ്പോഴേക്കും സ്വർണവില 90,000 കടന്ന് 90,320ൽ എത്തി. ഒക്ടോബർ 17-ആം തീയ്യതിയാണ് സ്വർണവില ചരിത്രത്തിലെ ഏറ്റവും ഉയർന്ന വില രേഖപ്പെടുത്തിയത്. പവന് 97,360 രൂപ.

മികച്ച നിക്ഷേപം

വർദ്ധിച്ചുവരുന്ന പണപ്പെരുപ്പവും ആഗോള, ആഭ്യന്തര സാമ്പത്തിക അനിശ്ചിതത്വവുമാണ് സ്വർണ്ണ വിലയിലെ വർദ്ധനവിന് കാരണങ്ങളായി ചൂണ്ടിക്കാണിക്കപ്പെടുന്നത്. 2000 മുതൽ 2025 വരെ, സംയുക്ത വാർഷിക വളർച്ചാ നിരക്ക് (CAGR) 14 ശതമാനമാണ്. ഈ 25 വർഷങ്ങളിൽ, 2013, 2015, 2021 എന്നീ മൂന്ന് വർഷങ്ങളിൽ മാത്രമാണ് നെഗറ്റീവ് സ്വർണ്ണ വില അനുഭവപ്പെട്ടത്. മാറിക്കൊണ്ടിരിക്കുന്ന ആഗോള, ആഭ്യന്തര സാഹചര്യങ്ങൾ നിക്ഷേപകരെ സ്വർണ്ണത്തിലേക്ക് ആകർഷിച്ചതായി തോന്നുന്നു. അതുകൊണ്ടുതന്നെ നിക്ഷേപകരുടെ പ്രധാനപ്പെട്ട ചോദ്യം - ഇന്ന് ഒരു നിക്ഷേപം നടത്തിയാൽ, അടുത്ത നാലോ അഞ്ചോ വർഷത്തിനുള്ളിൽ സ്വർണ്ണത്തിൽ നിന്ന് എന്ത് ലാഭം പ്രതീക്ഷിക്കാമെന്നതാണ്.

എത്ര ലാഭം കിട്ടും..?

2000-ൽ 24 കാരറ്റ് സ്വർണ്ണത്തിന്റെ വില 10 ഗ്രാമിന് 4,400 രൂപയായിരുന്നു. ഇപ്പോൾ അത് 1.25 ലക്ഷം രൂപയിലെത്തിയിരിക്കുന്നു. 2000 മുതൽ 2025 വരെയുള്ള സ്വർണ്ണ വില പരിശോധിക്കുമ്പോൾ ശരാശരി വാർഷിക വർദ്ധനവ് 25 മുതൽ 35 ശതമാനം വരെ ഉണ്ടായിട്ടുണ്ട്. തൽഫലമായി, വരും വർഷങ്ങളിലും സ്വർണ്ണം നല്ല വരുമാനം നൽകുന്നത് തുടരുമെന്ന് വിദഗ്ദ്ധർ പ്രവചിക്കുന്നു. സ്വർണ്ണത്തിന്റെ വില ഇനിയും ഉയർന്നാൽ 2030 ആകുമ്പോഴേക്കും അത് 2,50,000 രൂപയിലെത്തുമെന്ന് വിവിധ റിപ്പോർട്ടുകൾ സൂചിപ്പിക്കുന്നു. ചില റിപ്പോർട്ടുകൾ 10 ഗ്രാം സ്വർണ്ണത്തിന്റെ വില 7,00,000 മുതൽ 7,50,000 രൂപ വരെ ഉയരുമെന്ന് പ്രവചിക്കുന്നു. അതായത് ഇന്ന് 5 ലക്ഷം രൂപയ്ക്ക് സ്വർണം വാങ്ങിയാൽ 5 വർഷം കൊണ്ട് ഏകദേശം 6 ലക്ഷം രൂപ വരെ ലാഭം നേടാം.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.