20 വർഷത്തിനുള്ളിൽ ഇന്ത്യ ലോകത്തിലെ ഏറ്റവും മികച്ച മൂന്ന് സമ്പദ്‌വ്യവസ്ഥകളിൽ ഒന്നായി വളരും: മുകേഷ് അംബാനി

അടുത്ത രണ്ട് ദശകത്തിനുള്ളിൽ ലോകത്തെ മികച്ച മൂന്ന് സമ്പദ്‌വ്യവസ്ഥകളിലൊന്നായി ഇന്ത്യ വളരുമെന്നും ആളോഹരി വരുമാനം ഇരട്ടിയിൽ അധികമാകുമെന്നും ഇന്ത്യയിലെ ഏറ്റവും സമ്പന്നരായ ബിസിനസ് മേധാവി മുകേഷ് അംബാനി പറഞ്ഞു. രാജ്യത്തെ മൊത്തം കുടുംബങ്ങളുടെ 50% വരുന്ന ഇന്ത്യയിലെ മധ്യവർഗം പ്രതിവർഷം മൂന്ന് മുതൽ നാല് ശതമാനം വരെ വളരുമെന്ന് ഫേസ്ബുക്ക് മേധാവി മാർക്ക് സക്കർബർഗുമായി നടത്തിയ ഫയർസൈഡ് ചാറ്റിലാണ് വ്യക്തമാക്കിയത്.

20 വർഷത്തിനുള്ളിൽ ഇന്ത്യ ലോകത്തിലെ ഏറ്റവും മികച്ച മൂന്ന് സമ്പദ്‌വ്യവസ്ഥകളിൽ ഒന്നായി വളരും: മുകേഷ് അംബാനി

അടുത്ത രണ്ട് ദശകത്തിനുള്ളിൽ ഇന്ത്യ ലോകത്തിലെ മികച്ച മൂന്ന് സമ്പദ്‌വ്യവസ്ഥകളിൽ ഒന്നായി വളരുമെന്ന് താൻ ഉറച്ചു വിശ്വസിക്കുന്നതായി, ഓയിൽ, റീട്ടെയിൽ, ടെലികോം ഭീമനായ റിലയൻസ് ഇൻഡസ്ട്രീസ് ലിമിറ്റഡിന്റെ തലവനായ അംബാനി പറഞ്ഞു. കൂടാതെ പ്രതിശീർഷ വരുമാനം 1,800 മുതൽ 2,000 യുഎസ് ഡോളറിൽ നിന്ന് 5,000 യുഎസ് ഡോളറായി ഉയരുമെന്നും അദ്ദേഹം പറഞ്ഞു.

വരും ദശകങ്ങളിൽ ത്വരിതപ്പെടുത്തുന്ന ഈ സാമ്പത്തിക സാമൂഹിക പരിവർത്തനത്തിന്റെ ഭാഗമാകാൻ ഫെയ്‌സ്ബുക്കിനും ലോകത്തെ മറ്റ് നിരവധി കമ്പനികൾക്കും സംരംഭകർക്കും ഇന്ത്യയിൽ സുവർണ്ണാവസരമുണ്ടെന്നും മുകേഷ് അംബാനി വ്യക്തമാക്കി.