2020-21 സാമ്പത്തിക വര്‍ഷത്തില്‍ പരോക്ഷ നികുതിവരവില്‍ 12 ശതമാനം വര്‍ദ്ധന, ജിഎസ്ടി വരുമാനം ഇടിഞ്ഞു

ദില്ലി: 2020-21 സാമ്പത്തിക വര്‍ഷത്തില്‍ പരോക്ഷ നികുതിയിനത്തില്‍ സര്‍ക്കാരിന് ലഭിച്ച വരുമാനത്തില്‍ വര്‍ദ്ധന. 12 ശതമാനത്തോളമാണ് വര്‍ദ്ധന സംഭവിച്ചിരിക്കുന്നത്. 10.71 ലക്ഷം കോടി രൂപയാണ് ഈ ഇനത്തിലെ വരവ്. കഴിഞ്ഞ സാമ്പത്തിക വര്‍ഷത്തില്‍ ഇത് 9.54 ലക്ഷം കോടി രൂപയായിരുന്നു. എന്നാല്‍ ഇതിനിടെ ചരക്ക് സേവന നികുതി (ജിഎസ്ടി) വരുമാനത്തില്‍ എട്ട് ശതമാനം ഇടിവും രേഖപ്പെടുത്തി.

പരോക്ഷ നികുതിയിലെ മൊത്തം വനരുമാനത്തില്‍ കാര്യമായ കുറവുണ്ടായെങ്കിലും അതേ വിഭാഗത്തില്‍ തന്നെയുള്ള ഇറക്കുമതി തീരുവയില്‍ 21 ശതമാനമാണ് വര്‍ദ്ധനയുണ്ടായത്. മുന്‍വര്‍ഷം ഈയിനത്തില്‍ ലഭിച്ച 1.09 ലക്ഷം കോടിയില്‍ നിന്ന് 1.32 ലക്ഷം കോടിയിലേക്കാണ് വരുമാനം ഉയര്‍ന്നത്. അതേസമയം, എക്‌സൈസ് തീരുവ, സേവന നികുതി എന്നിവയില്‍ നിന്ന് കുടിശിക ഉള്‍പ്പടെ 3.91 ലക്ഷം കോടിയാണ് ലഭിച്ചത്. ഇത് കഴിഞ്ഞ സാമ്പത്തിക വര്‍ഷത്തില്‍ 2.45 ലക്ഷം കോടി രൂപയായിരുന്നു. ഇതില്‍ മാത്രം 59 ശതമാനത്തിലേറെയാണ് വര്‍ദ്ധനവ് ഉണ്ടായിരിക്കുന്നത്.

എന്നാല്‍ ജിഎസ്ടി വരുമാനത്തിലെ ഇടിവ് തിരിച്ചടിയാണ് ഉണ്ടാക്കിയിരിക്കുന്നത്. എട്ട് ശതമാനാണ് ഇത്തവണ കുറവുണ്ടായത്. മുന്‍ വര്‍ഷത്തെ 5.99 ലക്ഷം കോടി രൂപയില്‍ നിന്ന് 5.48 ലക്ഷം കോടിയാണ് വരുമാനം കുറഞ്ഞത്. സാമ്പത്തിക വര്‍ഷത്തിന്റെ തുടക്കില്‍ രാജ്യം കൊവിഡിനെ തുടര്‍ന്ന് അടച്ചിട്ടതിനാലാണ് ജിഎസ്ടി വരുമാനത്തില്‍ ഇടിവ് രേഖപ്പെടുത്തിയത്.