കത്തിക്കയറി ഡീസൽ വില, പെട്രോൾ വിലയിലും ഇന്ന് വർദ്ധനവ്

ക്രൂഡ് ഓയിൽ നിരക്കിന്റെ ചാഞ്ചാട്ടത്തിനിടയിൽ ഇന്ന് ഡീസലിന്റെ വില ലിറ്ററിന് 15 പൈസയും പെട്രോളിന് 7 പൈസയും ഉയർന്നു. അന്താരാഷ്ട്ര വിപണിയിലെ ബെഞ്ച്മാർക്ക് നിരക്കുകളിലെ വ്യത്യാസം കാരണം ഡീസലിന്റെ വില പെട്രോളിനേക്കാൾ കുത്തനെ ഉയരുകയാണ്. ന്യൂഡൽഹിയിൽ ഇന്ന് ഒരു ലിറ്റർ പെട്രോളിന് 75.81 രൂപയും ഡീസലിന് 68.94രൂപയുമാണ് ഇന്നത്തെ വില. മുംബൈയിൽ ഒരു ലിറ്റർ പെട്രോളിന് 81.40 രൂപയും ഡീസലിന് 72.29 രൂപയുമാണ് വില.

ബെംഗളൂരുവിലാണെങ്കിൽ പെട്രോളിന് 78.35 രൂപയും ഡീസലിന് 71.24 രൂപയും നൽകണം. ചെന്നൈയിൽ പെട്രോളിന് 78.77 രൂപയും ഡീസലിന് 72.85 രൂപയുമാണ് വില. ഹൈദരാബാദിലുള്ളവർ പെട്രോളിന് 80.61 രൂപയും ഡീസലിന് 75.17 രൂപയും നൽകണം. ഗുഡ്ഗാവിൽ നിങ്ങൾ പെട്രോളിന് 75.08 രൂപയും ഡീസലിന് 67.79 രൂപയും നൽകേണ്ടി വരും. കേരളത്തിൽ പെട്രോളിന് 79.32 രൂപയും ഡീസലിന് 74.18 രൂപയുമാണ് ഇന്നത്തെ നിരക്ക്.

കത്തിക്കയറി ഡീസൽ വില, പെട്രോൾ വിലയിലും ഇന്ന് വർദ്ധനവ്

ഒപെക്കും സഖ്യകക്ഷികളും ഉൽ‌പാദന വെട്ടിക്കുറവിന് പ്രതിജ്ഞാബദ്ധമാവുകയും അമേരിക്ക ചൈനയുമായി വാണിജ്യ ഉടമ്പടി പ്രഖ്യാപിച്ചതും കഴിഞ്ഞ കുറച്ച് ദിവസങ്ങളായി ക്രൂഡ് ഓയിൽ നിരക്ക് വർദ്ധിച്ചതിന്റെ കാരണങ്ങളാണ്. എന്നാൽ ഇറാനിയൻ മിലിട്ടറി കമാൻഡർ കാസെം സൊലൈമാനിയുടെ കൊലപാതകത്തെത്തുടർന്ന് മിഡിൽ ഈസ്റ്റിൽ വർദ്ധിച്ചുവരുന്ന പിരിമുറുക്കങ്ങൾ കുത്തനെയുള്ള ഇന്ധന നിരക്ക് വർദ്ധനവിന് കാരണമായി.

അമേരിക്ക - ഇറാൻ സംഘർഷത്തിൽ നേരിയ അയവ് വന്നതിനെ തുടർന്ന് ഇന്നലെ ക്രൂഡ് ഓയിൽ വില 4 ശതമാനത്തിലധികം ഇടിഞ്ഞു. ജെ.പി. മോർഗൻ ബാങ്ക് ഈ വർഷം ബ്രെന്റിന്റെ പ്രവചനം ശരാശരി 64.50 ഡോളറായാണ് നിലനിർത്തിയിരിക്കുന്നത്.