പ്രതിസന്ധികളെ മാറ്റിമറിച്ച ഇതിഹാസ ജീവിതം! രത്തൻ ടാറ്റക്ക് ഇന്ന് ഒന്നാം ചരമ വാർഷികം

ഉപ്പുതൊട്ട് വിമാനങ്ങൾ വരെ- ടാറ്റാ ഗ്രൂപ്പിന്റെ ഉൽപ്പന്നങ്ങൾ സ്പർശിക്കാത്ത ഒരു മേഖലയും ഇന്ത്യയിലില്ല. രാജ്യത്തിന്റെ വ്യാവസായിക, വാണിജ്യ വളർച്ചയിൽ ഒരു നെടുംതൂണായി ടാറ്റാ ഗ്രൂപ്പ് നിലകൊള്ളുന്നു. എന്നാൽ, ഈ സാമ്രാജ്യത്തെ മറ്റൊരു തലത്തിലേക്ക് ഉയർത്തിയ രത്തൻ ടാറ്റ എന്ന അതുല്യ പ്രതിഭ ഇന്ന് നമ്മോടൊപ്പം ഇല്ല എന്നത് തീരാനഷ്ടമായി അവശേഷിക്കുന്നു. രത്തൻ ടാറ്റ വിടവാങ്ങിയിട്ട് ഇന്നേക്ക് ഒരു വർഷം തികയുകയാണ്.

ഒരു വലിയ ബിസിനസ് പ്രമുഖൻ എന്നതിലുപരി, രത്തൻ ടാറ്റ എന്ന വ്യക്തിത്വം എല്ലാവർക്കും ആദരണീയനായിരുന്നു. അദ്ദേഹത്തിന്റെ ഓരോ പ്രവൃത്തിയും സാധാരണക്കാരെ അത്രമേൽ സ്വാധീനിച്ചു. ടാറ്റാ ഗ്രൂപ്പിന്റെ വളർച്ചയിലെ ഏറ്റവും ശക്തനായ അമരക്കാരനായിരുന്ന രത്തൻ നേവൽ ടാറ്റ, മറ്റ് കോർപ്പറേറ്റ് ഭീമന്മാർക്ക് പോലും ഒരു വെല്ലുവിളിയായി മാറിയിരുന്നു.

രത്തൻ ടാറ്റ: ജനനം മുതൽ

1937 ഡിസംബർ 28-ന് ഇന്ത്യയിലെ ഏറ്റവും പ്രശസ്തമായ വ്യാവസായിക കുടുംബങ്ങളിലൊന്നിലാണ് രത്തൻ ടാറ്റ ജനിച്ചത്. നേവൽ ടാറ്റയുടെയും സോനൂ കമ്മീഷണറേറ്റിന്റെയും മൂത്ത മകനായി ജനിച്ച അദ്ദേഹത്തെ മുംബൈയിൽ മുത്തശ്ശി ലേഡി നവജ്ഭായ് ടാറ്റയാണ് വളർത്തിയത്. കോർണൽ യൂണിവേഴ്‌സിറ്റിയിൽ നിന്നാണ് അദ്ദേഹം വിദ്യാഭ്യാസം പൂർത്തിയാക്കിയത്.

തുടക്കം ടാറ്റാ സ്റ്റീലിൽ

1962-ൽ ജാംഷഡ്‌പൂരിലെ ടാറ്റാ സ്റ്റീൽ ലിമിറ്റഡിലാണ് അദ്ദേഹം ആദ്യമായി ജോലിക്കെത്തുന്നത്. അവിടെ ജോലി ചെയ്തിരുന്ന എല്ലാ തൊഴിലാളികളോടും അദ്ദേഹത്തിന് പ്രത്യേകമായ സഹാനുഭൂതിയും അടുപ്പവും ഉണ്ടായിരുന്നു.

ചെയർമാൻ സ്ഥാനത്തേക്ക്

1991-ൽ ജെ.ആർ.ഡി. ടാറ്റാ, രത്തൻ ടാറ്റയെ ടാറ്റാ സൺസ് പ്രൈവറ്റ് ലിമിറ്റഡിന്റെ ചെയർമാനായി നിയമിച്ചു. പിന്നീട് 1993-ൽ അദ്ദേഹം ടിസ്‌കോയുടെ (TISCO) ചെയർമാൻ സ്ഥാനം ഏറ്റെടുത്തു. ആ സമയത്ത് കമ്പനി കനത്ത ത്രൈമാസ നഷ്ടം നേരിടുകയായിരുന്നു.

കാലഹരണപ്പെട്ട ഉപകരണങ്ങൾ, ഉൽപ്പന്നങ്ങളുടെ അപര്യാപ്തത, ആവശ്യത്തിലധികം തൊഴിലാളികൾ എന്നിവ കാരണം പലരും ടാറ്റാ ഗ്രൂപ്പിനെ പരിഹസിച്ചു.

പരിഷ്കരണത്തിന്റെ യുഗം

ടാറ്റാ കമ്പനികളിലെ മറ്റ് സംരംഭങ്ങളുടെ അവസ്ഥയും ഇതിൽനിന്ന് ഒട്ടും വ്യത്യസ്തമായിരുന്നില്ല. എന്നാൽ, രത്തൻ ടാറ്റാ ഈ പ്രതിസന്ധികളെല്ലാം ധൈര്യപൂർവം മറികടന്നു. അദ്ദേഹം നിരവധി വിപ്ലവകരമായ പദ്ധതികൾ ആവിഷ്കരിച്ചു. അദ്ദേഹം ഗ്രൂപ്പിനെ ഏകീകരിക്കുകയും എല്ലാ കമ്പനികൾക്കും ഒരൊറ്റ ഐഡന്റിറ്റി നൽകുകയും ചെയ്തു. മികച്ച പ്രകടനം കാഴ്ചവെക്കുന്നതിനും കാര്യക്ഷമത വർദ്ധിപ്പിക്കുന്നതിനും കമ്പനികളെ പരസ്പരം മത്സരിപ്പിക്കാനായി JRDQV എക്‌സലൻസ് അവാർഡ് പോലുള്ള കാര്യങ്ങൾ അദ്ദേഹം നടപ്പിലാക്കി. അദ്ദേഹത്തിന്റെ ദീർഘവീക്ഷണമാണ് ടാറ്റാ ഗ്രൂപ്പിനെ ആഗോളതലത്തിൽ ശ്രദ്ധേയമാക്കുവാൻ കാരണമായത്.

ലളിത ജീവിതം

വലിയ ബിസിനസ് ​ഗ്രൂപ്പിൻ്റെ തലപ്പത്തുണ്ടായിരുന്നിട്ടു പോലും ലളിത ജീവിതം നയിച്ച വ്യക്തിയായിരുന്നു രത്തൻ ടാറ്റ. അദ്ദേഹം ടാറ്റ ഇൻഡിഗോ കാറിൽ സ്വയം ഡ്രൈവ് ചെയ്തായിരുന്നു ജോലിക്കു പോയിരുന്നത്. 2012-ൽ ചെയർമാൻ സ്ഥാനം ഒഴിഞ്ഞപ്പോഴും അദ്ദേഹം തൻ്റെ ജോലികളിൽ മാത്രം ഒതുങ്ങി ജീവിച്ചു. 2018-ൽ ടാറ്റാ ഗ്രൂപ്പിന് 150 വയസ്സെത്തിയപ്പോൾ പോലും അത് ആഘോഷിക്കാൻ അദ്ദേഹം തയ്യാറായിരുന്നില്ല. "നമ്മുടെ പ്രവൃത്തികൾ സ്വയം സംസാരിക്കും" എന്നായിരുന്നു അദ്ദേഹത്തിന്റെ നിലപാട്.

ഒക്ടോബർ 9 ഒരു നാഴികക്കല്ല്

2024-ൽ രത്തൻ ടാറ്റയുടെ മരണം ഒരു യുഗത്തിന്റെ അവസാനം മാത്രമല്ല, ഇന്ത്യ ഇതുവരെ കാണാത്ത വളർച്ചയിലേക്ക് നയിച്ച നേതൃത്വത്തിൻ്റെ കൂടി അവസാനമായിരുന്നു. ബിസിനസിലും ജനഹൃദയങ്ങളിലും ഒരു പോലെ മുന്നേറിയ വ്യക്തിയായിരുന്നു രത്തൻ ടാറ്റ. അദ്ദേഹം മരണം വരെ വിവാഹിതനല്ലായിരുന്നു എന്നതും ശ്രദ്ധേയ കാര്യമാണ്.

ജീവചരിത്രം

പ്രമുഖ ബിസിനസ് മാധ്യമപ്രവര്‍ത്തകനും സ്റ്റാർട്ടപ്പ് മെന്‍ററുമായ ആർ. റോഷൻ എഴുതിയ രത്തൻ ടാറ്റയുടെ മലയാളത്തിലെ സമഗ്ര ജീവചരിത്ര ​ഗ്രന്ഥം പ്രകാശനം ചെയ്തു. 'രത്തൻ ടാറ്റ: ഒരു ഇന്ത്യൻ വിജയഗാഥ' എന്ന് പേരിട്ടിരിക്കുന്ന ഈ പുസ്തകം രത്തൻ ടാറ്റയുടെ ഒന്നാം ചരമ വാർഷിക ദിനത്തിൽ തന്നെ പുറത്തിറക്കിയിരിക്കുന്നു. അദ്ദേഹത്തിൻ്റെ ജീവിതവും നേട്ടങ്ങളും അടയാളപ്പെടുത്തുന്ന ഈ പുസ്തകം വായനക്കാർക്ക് കൂടുതൽ വിവരങ്ങൾ സമ്മാനിക്കും.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.