ഡിസംബര്‍ പാദത്തിലും തളര്‍ച്ച, ജിഡിപി 4.7 ശതമാനം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

നടപ്പു സാമ്പത്തിക വര്‍ഷത്തെ മൂന്നാം പാദത്തില്‍ ഇന്ത്യയുടെ മൊത്ത ആഭ്യന്തര ഉത്പാദനം വീണ്ടും ഇടിഞ്ഞു. ഡിസംബര്‍ പാദത്തില്‍ 4.7 ശതമാനമാണ് ജിഡിപി വളര്‍ച്ച. ഇതേസമയം, വെള്ളിയാഴ്ച്ച പുറത്തുവിട്ട കണക്കുകളില്‍ ആദ്യ രണ്ടു പാദങ്ങളിലെ വളര്‍ച്ചാ നിരക്കും കേന്ദ്ര സര്‍ക്കാര്‍ പരിഷ്‌കരിച്ചു. 2019-20 സാമ്പത്തിക വര്‍ഷം ആദ്യ പാദത്തില്‍ 5.6 ശതമാനം വളര്‍ച്ചയാണ് രാജ്യം കുറിച്ചത്. രണ്ടാം പാദത്തില്‍ വളര്‍ച്ചാ നിരക്ക് 5.1 ശതമാനത്തിലേക്ക് ചുരുങ്ങി. ഡിംസബര്‍ പാദം പിന്നിടുമ്പോള്‍ 4.7 ശതമാനം എന്ന നിലയിലേക്ക് ജിഡിപി വളര്‍ച്ച വീണ്ടും ഇടിഞ്ഞു.

 
ഡിസംബര്‍ പാദത്തിലും തളര്‍ച്ച, ജിഡിപി 4.7 ശതമാനം

ഇന്ത്യന്‍ സമ്പദ് ഘടന അഭിമുഖീകരിക്കുന്ന പ്രതിസന്ധികള്‍ മുന്‍നിര്‍ത്തി അഞ്ചു ശതമാനം വളര്‍ച്ചയാണ് നടപ്പു സാമ്പത്തിക വര്‍ഷം പ്രവചിക്കുന്നത്. കഴിഞ്ഞ 11 വര്‍ഷത്തെ ഏറ്റവും താഴ്ന്ന വളര്‍ച്ചാ നിരക്കാണിത്. ഇതേസമയം, 2020-21 സാമ്പത്തിക വര്‍ഷത്തില്‍ സമ്പദ് ഘടന പതിയെ മെച്ചപ്പെടുമെന്നാണ് പ്രതീക്ഷ. ഈ കാലഘട്ടത്തില്‍ ആറു മുതല്‍ ആറര ശതമാനം വരെ വളര്‍ച്ച രാജ്യം കൈവരിക്കുമെന്ന് ധനമന്ത്രാലയം സമര്‍പ്പിച്ച 2020 സാമ്പത്തിക സര്‍വേ പറയുന്നു. എന്നാല്‍ നിലവിലെ സ്ഥിതിയില്‍ ആറ് മുതല്‍ ആറര ശതമാനം വരെ വളര്‍ച്ച യാഥാസ്ഥിതികമല്ലെന്ന് കരുതുന്ന സാമ്പത്തിക വിദഗ്ധരും ഏറെയാണ്.

 

എന്തായാലും കോവിഡ് 19 (കൊറോണ വൈറസ്) ആഗോള സമ്പദ് വ്യവസ്ഥയില്‍ ചെലുത്തുന്ന സ്വാധീനം അവസാന പാദത്തില്‍ തിരിച്ചടിയാവും. കൊറോണ വൈറസ് ഭീതി ഇന്ത്യന്‍ വിപണിയില്‍ പരത്തുന്ന ആശങ്കയും ചില്ലറയല്ല. കൊറോണ വൈറസ് വ്യാപനം മൂലം ഇന്ത്യന്‍ ഓഹരി വിപണി കനത്ത നഷ്ടം നേരിടുകയാണ്. ബിഎസ്ഇ സെന്‍സെക്‌സ് സൂചിക 1,525.69 പോയിന്റ് ഇടിഞ്ഞ് 38,219.97 എന്ന നിലയിലാണ് വ്യാപാരം അവസാനിപ്പിച്ചത്. വിശാല സൂചികയായ എന്‍എസ്ഇ നിഫ്റ്റി 458.25 പോയിന്റ് കുറഞ്ഞു 11,175.05 എന്ന ബെഞ്ച്മാര്‍ക്കില്‍ എത്തി. സാമ്പത്തിക, വിവരസാങ്കേതിക, ഓട്ടോമൊബൈല്‍ ഓഹരികള്‍ക്കാണ് കൂടുതല്‍ നഷ്ടം.

Read more about: gdp ജിഡിപി
English summary

ഡിസംബര്‍ പാദത്തിലും തളര്‍ച്ച, ജിഡിപി 4.7 ശതമാനം

India's Q3 GDP Anchors At 4.7 Per Cent. Read in Malayalam.
Story first published: Friday, February 28, 2020, 20:49 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X