ഇന്ത്യ റേറ്റിംഗ്സ് ജി‌ഡി‌പി വളർച്ചാ നിരക്ക് നെഗറ്റീവ് 11.8 ശതമാനമായി കുറച്ചു

ആഭ്യന്തര റേറ്റിംഗ് ഏജൻസിയായ ഇന്ത്യ റേറ്റിംഗ്സ് ആൻഡ് റിസേർച്ച് ചൊവ്വാഴ്ച രാജ്യത്തെ 2021 സാമ്പത്തിക വർഷത്തെ ജിഡിപി വളർച്ചാ നിരക്ക് (-) 11.8 ശതമാനമായി പുതുക്കി. (-) 5.3 ശതമാനത്തിൽ നിന്നാണ് (-) 11.8 ശതമാനമായി പരിഷ്കരിച്ചത്. അതേസമയം, 2022 സാമ്പത്തിക വർഷത്തിൽ മൊത്തം ആഭ്യന്തര ഉത്പാദനം (ജിഡിപി) 9.9 ശതമാനമായി ഉയരുമെന്ന് ഏജൻസി പ്രതീക്ഷിക്കുന്നു. ഇന്ത്യ റേറ്റിംഗിന്റെ 2021 സാമ്പത്തിക വർഷത്തെ ജിഡിപി വളർച്ചാ പ്രവചനം ഇന്ത്യൻ ചരിത്രത്തിലെ ഏറ്റവും താഴ്ന്ന ജിഡിപി വളർച്ചയായിരിക്കുമെന്ന് റേറ്റിംഗ് ഏജൻസി ഒരു റിപ്പോർട്ടിൽ പറഞ്ഞു.

ഇന്ത്യ റേറ്റിംഗ്സ് ജി‌ഡി‌പി വളർച്ചാ നിരക്ക് നെഗറ്റീവ് 11.8 ശതമാനമായി കുറച്ചു

മുൻ‌ വർഷത്തെ ഏറ്റവും താഴ്ന്ന നിരക്ക് 5.2 ശതമാനം നെഗറ്റീവ് ആയിരുന്നു. 2021 സാമ്പത്തിക വർഷത്തിന്റെ ആദ്യ പാദത്തിലെ 23.9 ശതമാനം വളർച്ചയാണ് 1998 മുതലുള്ള ത്രൈമാസ ജിഡിപി ഡാറ്റാ സീരീസിലെ ഏറ്റവും വലിയ ഇടിവ്. 2021 സാമ്പത്തിക വർഷത്തിലെ സാമ്പത്തിക നഷ്ടം 18.44 ലക്ഷം കോടി രൂപയായിരിക്കുമെന്നാണ് കണക്കാക്കുന്നത്. റീട്ടെയിൽ, മൊത്ത നാണയപ്പെരുപ്പം യഥാക്രമം 5.1 ശതമാനവും നെഗറ്റീവ് 1.7 ശതമാനവും വരുമെന്ന് ഏജൻസി പറയുന്നു.