Click it and Unblock the Notifications
കൊച്ചി: ഇന്ത്യയുടെ ഇ- കൊമേഴ്സ് വിപണി 84 ശതമാനം വളര്ച്ചയോടെ 2024-ല് 111 ബില്ല്യണ് കോടി ഡോളറിലെത്തുമെന്ന് ആഗോള ധനകാര്യ സാങ്കേതികവിദ്യ ദാതാവായ എഫ്ഐഎസിന്റെ 2021 ഗ്ലോബല് പേമെന്റ്സ് റിപ്പോര്ട്ട് പറയുന്നു.
കോവിഡ്-19 പകര്ച്ചവ്യധിയുടെ വരവാണ് ഇ-കൊമേഴ്സ് വിപണിയില് നാടകീയമായ ഈ വളര്ച്ചയ്ക്കു കളമൊരുക്കിയതെന്ന് റിപ്പോര്ട്ട് വിലയിരുത്തുന്നു. നാല്പ്പത്തിയൊന്നു രാജ്യങ്ങളിലെ ഇപ്പോഴത്തേയും ഭാവിലേയും പേമെന്റ് ഗതി പരിശോധിച്ചതിനുശേഷമാണ് എഫ്ഐഎസ് റിപ്പോര്ട്ട് തയാറാക്കിയിട്ടുള്ളത്. കോവിഡ് 19 കാലയളവില് ഈ രാജ്യങ്ങളിലെ ഡിജിറ്റല് കൊമേഴ്സ് ത്വരിതപ്പെടുത്തിയതായി റിപ്പോര്ട്ട് പറയുന്നു. ഇന്ത്യയുള്പ്പെടെയുള്ള രാജ്യങ്ങളിലെ ഉപഭോക്താക്കളുടെ പേമെന്റ് ശീലത്തില് കോവിഡ്-19 മാറ്റങ്ങള് വരുത്തി.
ഇ-കൊമേഴ്സ് പേമെന്റ് പ്രവണതകള്
* ഇന്ത്യയുടെ ഇ-കൊമേഴ്സ് വിപണി അടുത്ത നാലു വര്ഷക്കാലത്ത് 21 ശതമാനം വാര്ഷിക വളര്ച്ച നേടും.
* 2020-ല് ഓണ്ലൈനില് ഏറ്റവും പ്രചാരമുള്ള പേയ്മെന്റ് രീതികള് ഡിജിറ്റല് വാലറ്റുകള് (40 ശതമാനം), ക്രെഡിറ്റ് കാര്ഡ് (15 ശതമാനം), ഡെബിറ്റ് കാര്ഡ് (15 ശതമാനം) എന്നിവയാണ്
* 'ഇപ്പോള് വാങ്ങുക, പിന്നീട് പണം നല്കുക' എന്ന ഓണ്ലൈന്പേമെന്റ് രീതി ഇന്ത്യയില് അതിവേഗം വളരുകയാണ്. നിലവില് ഈ പേമെന്റ് രീതിക്ക് വിപണിയിലെ സാന്നിധ്യം 3 ശതമാനം മാത്രമാണ്. 2024ഓടെ ഇത് 9 ശതമാനമായി ഉയരുമെന്ന് റിപ്പോര്ട്ട് പ്രതീക്ഷിക്കുന്നു.
* ഡിജിറ്റല് വാലറ്റുകള് ഉപയോഗിച്ച് നടത്തുന്ന വാങ്ങലുകള് വന് വളര്ച്ച നേടുമെന്ന് റിപ്പോര്ട്ട് വിലയിരുത്തുന്നു. ഓണ്ലൈന് വിപണി വിഹിതം ഡിജിറ്റല് വാലറ്റുകളുടെ വിഹിതം 2024ഓടെ 47 ശതമാനമായി ഉയരുമെന്നു കണക്കാക്കുന്നു.
ഇന്-സ്റ്റോര് പേയ്മെന്റ് ട്രെന്ഡുകള്
* ഇന്ത്യയിലെ പോയിന്റ് ഓഫ് സെയില് (പിഒഎസ്) വിപണി 2024-ല് ഇപ്പോഴത്തേതില്നിന്ന് 41 ശതമാനം വര്ധനയോടെ 1,035 ബില്ല്യണ് കോടി ഡോളറിലെത്തുമെന്ന എഫ്ഐഎസ് റിപ്പോര്ട്ട് കണക്കാക്കുന്നു.
* ഏറ്റവും പ്രചാരമുള്ള ഇന്-സ്റ്റോര് പേയ്മെന്റ് രീതി പണമായി നല്കുകയെന്നതുതന്നെയാണ്. ഇതിന്റെ വിഹിതം 34 ശതമാനമാണ്. ഡിജിറ്റല് വാലറ്റുകള് (22 ശതമാനം), ഡെബിറ്റ് കാര്ഡ് (20 ശതമാനം) എന്നിങ്ങനെയാണ് മറ്റ് രീതികള്.
* 2024 ഓടെ ഡിജിറ്റല് വാലറ്റുകള് 33 ശതമാനം വിഹിതത്തോടെ ഇന്സ്റ്റോര് പേമെന്റ് രീതിയില് ഒന്നാമതെത്തുമെന്നു റിപ്പോര്ട്ട് കണക്കാക്കുന്നു.
''കോവിഡ് -19 മൂലം ഇന്ത്യന് ഇ-കൊമേഴ്സ് വ്യവസായം വലിയ മുന്നേറ്റമാണുണ്ടാക്കിയത് ഭാവിയില് ഗണ്യമായ വളര്ച്ചയ്ക്കുള്ള സാധ്യതയുണ്ട്'', എഫ്ഐഎസില് നിന്നുള്ള വേള്ഡ്പേയിലെ ഏഷ്യാ പസഫിക് മാനേജിംഗ് ഡയറക്ടര് ഫില് പോംഫോര്ഡ് പറഞ്ഞു.
More From GoodReturns
കേന്ദ്രീയ വിദ്യാലയങ്ങളിൽ പഠിക്കാം, അപേക്ഷ നൽകേണ്ട സമയമായി, യോഗ്യതാ മാനദണ്ഡങ്ങളും വിശദാംശങ്ങളും അറിയാം
സംസ്ഥാനത്ത് സ്വർണവിലയിൽ നേരിയ വർദ്ധനവ്, പക്ഷെ പേടി വേണ്ട, അറിയാം ഇന്നത്തെ പവന്റെ നിരക്ക്
ഡിജിറ്റൽ അറസ്റ്റിലൂടെ നോയിഡ സ്വദേശിക്ക് നഷ്ടമായത് 1 കോടി രൂപ: ഈ അബദ്ധം നിങ്ങൾക്ക് പറ്റാതിരിക്കാൻ 5 കാര്യങ്ങൾ..
സാമ്പത്തിക ഭാവി കെട്ടിപ്പടുക്കാം; ജെൻ സീ തലമുറ അറിഞ്ഞിരിക്കണം ഈ കാര്യങ്ങൾ
മുതിർന്ന പൗരന്മാർക്ക് സ്ഥിര നിക്ഷേപത്തിന് 7.5 ശതമാനം വരെ പലിശ, പണം ഈ ബാങ്കിൽ നിക്ഷേപിക്കൂ, തയ്യാറാണോ.. ?
കാത്തിരിക്കുന്നത് പൊള്ളുന്ന ചൂട്, 36 മുതല് 37 ഡിഗ്രി സെൽഷ്യസ് വരെ താപനില ഉയരാം, ആശ്വാസമഴ കിട്ടുമോ..?
പ്രത്യാശയുടെ കിരണവുമായി ദുഃഖവെള്ളിയും ഈസ്റ്ററും, ആഘോഷങ്ങൾ ഏത് ദിവസം, അറിയാം വിശേഷങ്ങൾ
കേരളത്തിൽ ഇന്ന് ചെറിയ പെരുന്നാൾ, എന്നാൽ മറ്റ് സംസ്ഥാനങ്ങളിൽ ആഘോഷം നാളെ, കാരണം അറിയാം
Sign in with Google