ഇന്ത്യയിലെ എട്ട് പ്രധാന വ്യവസായ മേഖലകളിൽ ഉത്പാദനത്തിൽ കനത്ത ഇടിവ്

ഇന്ത്യയിലെ എട്ട് പ്രധാന വ്യവസായ മേഖലകളിൽ നവംബറിൽ തുടർച്ചയായ നാലാം മാസവും ഉൽ‌പാദനത്തിൽ ഇടിവ് രേഖപ്പെടുത്തി. വ്യാവസായിക ഉൽപാദന സൂചികയിൽ (ഐഐപി) ഉൾപ്പെടുത്തിയിട്ടുള്ള വ്യവസായങ്ങളുടെ 40.27 ശതമാനം വരും ഇത്. ക്രൂഡ് ഓയിൽ, കൽക്കരി ഉൽപാദനം, പ്രകൃതിവാതക മേഖല എന്നിവിടങ്ങളിൽ ഇടിവിനെ തുടർന്ന് ഉത്പാദനം 1.5 ശതമാനമായി ചുരുങ്ങി. എട്ട് പ്രധാന വ്യവസായ മേഖല സൂചിക 2019 നവംബറിൽ 126.3 ആയി ഉയർന്നു. ഇത് 2018 നവംബറിനെ അപേക്ഷിച്ച് 1.5 ശതമാനം കുറവാണെന്ന് വാണിജ്യ വ്യവസായ മന്ത്രാലയം ചൊവ്വാഴ്ച പുറത്തിറക്കിയ പ്രസ്താവനയിൽ പറയുന്നു. 2019-20 സാമ്പത്തിക വർഷത്തിന്റെ ആദ്യ പകുതിയിൽ ഈ വ്യവസായങ്ങളിലെ മൊത്തം വളർച്ച മുൻവർഷത്തെ അപേക്ഷിച്ച് നിശ്ചലമായി തുടരുകയാണെന്നും സർക്കാർ കണക്കുകൾ വ്യക്തമാക്കുന്നു.

കൽക്കരി

കൽക്കരി ഉൽപാദനം 2018 നവംബറിനേക്കാൾ 2019 നവംബറിൽ 2.5 ശതമാനം കുറഞ്ഞു. 2019-20 ഏപ്രിൽ മുതൽ നവംബർ വരെ മുൻവർഷത്തെ ഇതേ കാലയളവിനെ അപേക്ഷിച്ച് ഉത്പാദനം 5.3 ശതമാനം കുറഞ്ഞു.

ക്രൂഡ് ഓയിൽ

ക്രൂഡ് ഓയിൽ ഉൽപാദനം 2018 നവംബറിനേക്കാൾ 2019 നവംബറിൽ 6 ശതമാനം കുറഞ്ഞു. മൊത്തം സൂചിക 2019-20 ഏപ്രിൽ മുതൽ നവംബർ വരെയുള്ള കാലയളവിൽ 5.9 ശതമാനം കുറഞ്ഞു.

പ്രകൃതി വാതകം

പ്രകൃതിവാതക ഉൽ‌പാദനം 2018 നവംബറിനേക്കാൾ 2019 നവംബറിൽ 6.4 ശതമാനം കുറഞ്ഞു. ഒരു വർഷത്തെ കണക്ക് അനുസരിച്ച് 2019-20 ഏപ്രിൽ മുതൽ നവംബർ വരെ 3.1 ശതമാനം കുറഞ്ഞു.

റിഫൈനറി ഉൽപ്പന്നങ്ങൾ

പെട്രോളിയം റിഫൈനറി ഉത്പാദനം 2018 നവംബറിനേക്കാൾ 2019 നവംബറിൽ 3.1 ശതമാനം വർദ്ധിച്ചു. എന്നാൽ ഒരു വർഷത്തെ കണക്ക് അനുസരിച്ച് 2019 ഏപ്രിൽ മുതൽ നവംബർ വരെയുള്ള കാലയളവിൽ ഉത്പാദനത്തിൽ 1.1 ശതമാനം കുറഞ്ഞു.

രാസവളങ്ങൾ

രാസവള ഉൽപാദനം 2018 നവംബറിനേക്കാൾ 2019 നവംബറിൽ 13.6 ശതമാനം വർദ്ധിച്ചു. എന്നാൽ ഒരു വർഷത്തെ ഉത്പാദനം 2019-20 ഏപ്രിൽ മുതൽ നവംബർ വരെയുള്ള കാലയളവിൽ 4 ശതമാനം വർദ്ധിച്ചു.

സ്റ്റീൽ ഉത്പാദനം

സ്റ്റീൽ ഉത്പാദനം 2018 നവംബറിനേക്കാൾ 2019 നവംബറിൽ 3.7 ശതമാനം കുറഞ്ഞു. 2019-20 ഏപ്രിൽ മുതൽ നവംബർ വരെയുള്ള കാലയളവിൽ മുൻ വർഷത്തെ അപേക്ഷിച്ച് ഉത്പാദനം 5.2 ശതമാനം വർദ്ധിക്കുകയും ചെയ്തു.

സിമൻറ്

സിമൻറ് ഉൽ‌പാദനം 2018 നവംബറിനേക്കാൾ 2019 നവംബറിൽ 4.1 ശതമാനം വർദ്ധിച്ചു. മൊത്തത്തിലുള്ള ഉത്പാദനം 2019-20 ഏപ്രിൽ മുതൽ നവംബർ വരെയുള്ള കാലയളവിൽ 0.02 ശതമാനം കുറഞ്ഞു.

വൈദ്യുതി

2018 നവംബറിനേക്കാൾ 2019 നവംബറിൽ വൈദ്യുതി ഉൽപാദനം 5.7 ശതമാനം കുറഞ്ഞു. എന്നാൽ 2019-20 ഏപ്രിൽ മുതൽ നവംബർ വരെയുള്ള കാലയളവിൽ വൈദ്യുതി ഉത്പാദനം 0.7 ശതമാനം വർദ്ധിച്ചു.