ഇന്ത്യയിൽ ഏപ്രില്‍ മാസത്തെ തൊഴിലില്ലായ്മ നിരക്ക് കുതിച്ചുയരുന്നു; എട്ട് ശതമാനത്തിലേക്ക്

ദില്ലി: ഇന്ത്യയിലെ തൊഴിലില്ലായ്മ നിരക്ക് ഏപ്രിലില്‍ കുത്തനെ ഉയര്‍ന്നതായി റിപ്പോര്‍ട്ട്. മാര്ച്ച് മാസത്തില്‍ 6.5 ശതമാനത്തിലരുന്ന തൊഴിലില്ലായ്മ നിരക്ക് ഏപ്രില്‍ മാസത്തില്‍ എട്ട് ശതമാനാമായാണ് ഉയര്‍ന്നത്. എപ്ലോയ്‌മെന്റ് നിരക്ക് 37.6 ശതമാനത്തില്‍ നിന്ന് 36.8 ശതമാനത്തിലേക്ക് താഴുകയും ചെയ്തിട്ടുണ്ട്.

ലോക്ക് ഡൗണ്‍ പ്രഖ്യാപിച്ചത് തൊഴിലിനെ ബാധിച്ചെങ്കിലും ഇന്ത്യന്‍ സമ്പദ്ഘടനയ്ക്ക് മതിയായ തൊഴിലവസരങ്ങള്‍ സൃഷ്ടിക്കാന്‍ കഴിയാതെ പോയെന്ന് വേണം കണക്കാക്കാനെന്ന് സെന്റര്‍ ഫോര്‍ മോണിറ്ററിംഗ് ഇന്ത്യന്‍ എക്കണോമി വിലയിരുത്തുന്നു. തൊഴില്‍ നേടുന്നതിന് ലോക്ക് ഡൗണ്‍ ജനങ്ങള്‍ക്ക് ജോലി നേടുന്നതിന് തടസമായെന്നും വിലയിരുത്തുന്നു.

രാജ്യത്ത് 11 ലക്ഷത്തിന്റെ കുറവാണ് തൊഴിലാളികളുടെ എണ്ണത്തില്‍ ഉണ്ടായിരിക്കുന്നത്. ഏറ്റവും കൂടുതല്‍ തൊഴില്‍ നഷ്ടടമുണ്ടായ മേഖല കാര്‍ഷിക മേഖലയാണെന്നാണ് കണക്കാക്കുന്നത്. ഏകദേശം രണ്ട് ലക്ഷം ദിവസ വേതനക്കാര്‍ക്കും ചെറുകിട വ്യാപാരികള്‍ക്കും ജോലി നഷ്ടമായെന്നും കണക്കാക്കുന്നുണ്ട്. 34 ലക്ഷം പേരടങ്ങുന്ന ശമ്പള വരുമാനക്കാര്‍ക്ക് ഏപ്രില്‍ മാസത്തില്‍ ജോലി നഷ്ടപ്പെട്ടിട്ടുണ്ട്. ഇന്ത്യയില്‍ തൊഴിലില്ലായ്മ നിരക്ക് തുടര്‍ച്ചയായ മൂന്ന് മാസമായി വര്‍ദ്ധിക്കുന്നു.