തൊഴിലവസരങ്ങൾ സൃഷ്ടിക്കുന്നതിൽ ഇന്ത്യ ചൈനയുടെ വളർച്ചാ മാതൃക പിന്തുടരണമെന്ന് സാമ്പത്തിക സർവേ

വർദ്ധിച്ച് വരുന്ന തൊഴിലില്ലായ്മയ ഇന്ത്യൻ സമ്പദ്‌വ്യവസ്ഥയെ സംബന്ധിച്ച് പ്രധാന ആശങ്കകളിലൊന്നാണ്. യുവാക്കൾക്ക് സമാനതകളില്ലാത്ത തൊഴിലവസരങ്ങൾ സൃഷ്ടിക്കുന്നതിൽ ഇന്ത്യ ചൈനയുടെ വളർച്ചാ മാതൃക അനുകരിക്കണമെന്ന് സാമ്പത്തിക സർവേ 2019-20 റിപ്പോർട്ട്. മെയ്ക്ക് ഇൻ ഇന്ത്യ പദ്ധതിയുടെ ഭാഗമായി 2025 ഓടെ 4 കോടി മികച്ച ശമ്പളമുള്ള തൊഴിലുകൾ സൃഷ്ടിക്കാനും 2030 ഓടെ 8 കോടി മികച്ച തൊഴിലുകൾ സൃഷ്ടിക്കാനും ഇന്ത്യയ്ക്ക് കഴിയുമെന്ന് സർവേ വ്യക്തമാക്കി.

നെറ്റ്വർക്ക് ഉൽ‌പന്നങ്ങളിൽ മാമോത്ത് സ്കെയിലിൽ പ്രവർത്തനങ്ങൾ സമാഹരിക്കുന്നതിലൂടെയും പ്രധാനമായും സമ്പന്ന രാജ്യങ്ങളിലെ വിപണികളിലേക്കുള്ള കയറ്റുമതി വർദ്ധിപ്പിക്കുന്നതിലൂടെയും തൊഴിലവസരങ്ങൾ സൃഷ്ടിക്കുന്നതിന് ഇന്ത്യ, ചൈനയുടേത് പോലുള്ള തന്ത്രം ഉപയോഗിക്കണമെന്ന് സാമ്പത്തിക സർവേ 2019-20 നിർദ്ദേശിച്ചു.

തൊഴിലവസരങ്ങൾ സൃഷ്ടിക്കുന്നതിൽ ഇന്ത്യ ചൈനയുടെ വളർച്ചാ മാതൃക പിന്തുടരണമെന്ന് സാമ്പത്തിക സർവേ

അന്താരാഷ്ട്ര കച്ചവടത്തിനായുള്ള നിലവിലെ അന്തരീക്ഷം ചൈനയെപ്പോലെയുള്ള, തൊഴിൽ-തീവ്രമായ, കയറ്റുമതി പാതയെ ചാർട്ട് ചെയ്യുന്നതിനും അതുവഴി വളർന്നുവരുന്ന യുവാക്കൾക്ക് സമാനതകളില്ലാത്ത തൊഴിലവസരങ്ങൾ സൃഷ്ടിക്കുന്നതിനും അഭൂതപൂർവമായ അവസരമാണ് ഇന്ത്യക്ക് ലഭിക്കുന്നതെന്ന് സർവേ പറയുന്നു.

2.62 കോടി പുതിയ തൊഴിലവസരങ്ങൾ ഉയർന്നതായി സർവേ എടുത്തുകാട്ടി. ഗ്രാമീണ മേഖലയിൽ 1.21 കോടി, നഗരമേഖലയിൽ 1.39 കോടി എന്നിങ്ങനെയാണ് തൊഴിലവസരങ്ങൾ സൃഷ്ടിക്കപ്പെട്ടത്. സമ്പദ്‌വ്യവസ്ഥയിലെ ഔപചാരിക തൊഴിൽ 2011-12ലെ എട്ട് ശതമാനത്തിൽ നിന്ന് 2017-18 ൽ 9.98 ശതമാനമായി ഉയർന്നുവെന്നും റിപ്പോർട്ട് വ്യക്തമാക്കുന്നു.